الموضوع: ظابط احتياطى ولا عسكرى

عسكري افضل واستموت كمان

لو انت لابس لابس، يبقى عسكري أحسن طبعاً
واسطة بقى مش واسطة، مكان حلو، مكان وحش. أهي سنة محسوبة من عمرك و طبعاً أحسن من 3 سنين
أنا بالنسبة لي الجيش كان هدية عشان أريح من ضغط الشغل (أول سنة شغل كنت باقعد في المستشفى 6 أيام و أروح البيت يوم ده إذا ما حصلش مشاكل)

دلوقتي في الجيش و من غير واسطة جيشي في القاهرة و باخد في الأسبوع 3 أيام راحة و 3 أيام مبيت (أروح و أرجع بعد الظهر) و يوم نوبتجية و الأجازات الرسمية و أجازة امتحانات تاخدها عادي
و شفت أماكن و حاجات و ناس و عملت حاجات لا يمكن أتخيل أنها تحصل
طبعاً دي المميزات، العيوب بقى أنك تحت نظام الجيش و كل يوم حوار جديد و كــــــــــــــــــــــــ ــــــــــــــــــــــل ده : بدون استفادة.

و الحياة مش وردي دايماً، صديقي و زميلي في الشغل و دفتي راح سيناء و بيقعد أسبوعين و ينزل أجازة أسبوع (و مش منتظمة) و بيقف خدمة بسلاح و الكلاب بتتلم عليه عشان سندوتش فول و البدو طلعو على واحد صاحبه ثبتوه و أخدوا السلاح و راح محاكمة عسكرية إلخ.. إلخ...
واحد تاني راح حتة اسمها (حباطة) بيضيع يوم مواصلات بس لما يروح، و طلع مشروع حرب في الصحراء 45 يوم
واحد تالت في وادي النطرون، مشوار صعب آه بس مرة في الأسبوع و بيقعد هناك زي الملك و القائد بيخليه يركن عربيته (جوه الوحدة)
أنا باتكلم عن الدكاترة

هي بطيخة في الآخر. و حمراء مع الواسطة

المشاركة الأصلية كتبت بواسطة abdo_general

لو عسكري هتقعد 14 شهر
لو ظابط هتقعد 28 شهر

لو عسكري هتفضل هناك وهتنزل اجازة كل فترة
لو ظابط انت طبعا بتقعد او 45 يوم بس وبعد كده المفروض بتنزل كل يوم

لو عسكري لازم تسد ودانك وتنفض عن اي اهانة تسمعها لانها تقريبا كتير
لو ظابط ليك وضعك ومحدش يقدر يكلمك

لو عسكري مش بتخرج من الجيش مستفاد من اي حاجة غير ان انت احتكيت بناس واخدت خبرة حياتية
لو ظابط بتستفيد من التعامل مع الناس برضه بجانب ان انت بتبقي في مجال تخصصك وبتاخد خبرة ( دا فعلا بجد )

لو عسكري بتاخد تقريبا 300 جنيه في الشهر
لو ظابط بتاهد 1500 جنيه في الشهر

الجيش مفيهوش عزيز , اى حد بيتهان كرامته من اى حد اقدم منه مفيش فرق لا عسكرى ولا ظابط

انا اعرف ظباط خريجين حربيه وظباط احتياط فى فترة الخدمة والكل بيتهان بالظبط زى العساكر , فرق ان العسكرى بيتهان من صول والظابط بيتهان من ظابط كبير , بالعكس ده بتبقى المصيبة اكبر لما الظابط بيتهان بقا قصاد العساكر بتوعه

ده بجانب بقا ان الظباط العاملين اساسا مبيحبوش ظباط الاحتياط وبيضايقوهم طول فترة الخدمه ( الا من رحم ربى )

وبرده مش شرط ان الظابط بينزل مبيت , فى منهم بينزل كل اسبوع وكل اتنين ويمكن كل شهر حسب ظروف المكان اللى هو فيه يعنى الجيش مش فرض عليه انه يبقى مبيت

ونيجى للفلوس , خلى بالك كل ما يكون المرتب كويس ده معناه ان الظابط ده محدوف فى اخر بلاد المسلمين

يعنى اكيد مش هيبقى فى مكان كويس وبياخد مرتب عالى , كله بثمنه , وبرده بصراحه مسمعتش رقم 1500 ده قبل كدا انا اعرف ان الموضوع ما بين 600 و 800 جنيه

واخيرا , الاستدعاء للظابط بيبقى لحد 45 سنه مش زى العسكرى بيخلص على 30 او 35 تقريبا

يعنى هتقعد 15 سنه اكتر من اللى زيك بتاخد اذن سفر من الجيش ولو حصل اى قلق وانت راجل كبير فى السن وعندك مشاغل واسرة هيبعتوا يجيبوك تانى

صدقنى لو حسبتها هتلاقيها كسبانه بكل الاحوال انك تبقى عسكرى مش ظابط

كده هتتبهدل و كده هتتبهدل يبقى بهدلة ببهدلة عسكرى و ريح دماغك

انا رأيى لو قدامك شغل و فرص عمل و شايف ان دخولط ظابط هيعطلك يبقة ادخل عسكرى .. لكن لو مفيش حاجة قدامك و تخصصك مش مطلوب قوى فى سوق العمل ادخل ظابط .. على الاقل هتستفيد بالمرتب فى الفترة دى .. دة غير انك هتستفيد جامد جدا من الناحية الشخصية و الخبرة فى التعامل مع كافة انواع البشر اللى هيعدوا عليك فى خدمتك .
بالنسبة لموضوع التحويل لظابط عامل دة .. الكلام دة اتلغى من زمان .. و كبيرك يجددولك 5 سنين كمان و بعدها ينظروا فى امرك .. يجددولك تانى او لا .
انا شخصيا دحلت الجيش ظابط .. و عايز اقولك انها كانت احلى ايام حياتى و مش هقدر احكيلك كنت عايش ازاى و شفت و عملت حاجات عمرى ما هشوفها فى الملكية .. مع انى كنت بخدم فى حلايب و شلاتين و كنت بروح و انزل طيران .
بالنسبة للراحة طبعا الظابط بياخد وضعة عن العسكرى و لو انت كفاءة و القائد هيلاقى انك يعتمد عليك هتتعامل زى الظابط العامل و ممكن احسن كمان ... لكن لو زمايلك من الظباط العاملين و قائد الوحدة حسوا انك ضعيف و مش قد البدلة .. التعامل معاك مش هيفرق كتير عن العساكر .
و عموما سواء عسكرى او ظابط انت و حظك مفيش قواعد .. حسب سلاحك و حسب منطقة خدمتك .. و ربنا يوفقك .

يارب تطلع اعفا نهائى من اللجنة