ظابط احتياطى ولا عسكرى

**mr_safwt** · 25-08-2010 08:16 PM

انا متشكر ليكم جدا يا جماعة وادعولى

**korkor** · 25-08-2010 09:29 PM

بالمناسبه الموضوع بتاع عرق الايد ده بيطلع اعفاء من الجيش ربنا يكرمك كده بيوم حر يوم الكشف وان شاء الله تاخد اعفاء

**Eng_AmrAllam** · 25-08-2010 09:49 PM

انا كمان مضايقني الموضوع دة وشالل تفكيري
بس سايبها علي ربنا
انا هكشف ان شاء الله نصف تاني
ادعولي اني اطلع خااالص لا ظابط ولا عسكري

**mahamedaraby** · 25-08-2010 10:10 PM

المشاركة الأصلية كتبت بواسطة hazoom2006

انا لسسة متخرج السنةدى انا مواليد 30/9/1988 ولسة مروحتش التجنيد انا كده اتاخرت ولا اية ؟؟؟؟

انا قلقان جدا من الموضوع ده !!!!!

التقديم بتاعك فى شهر 1/2011 واتاكد برضوا

**ashraf_msd** · 25-08-2010 10:35 PM

اهلا بالباشمهندس الجديد

لو دخلت ظابط تلت سنين مستقبلك المهني كله هيبوظ

مش هتبقي عندك خبره بما يعادل سنه تخرجك ودي مشكله كبيره جدا

ادخل سنه واخلص منها لو حتي هيودوك حلايب وشلاتين

**SeiffoZ** · 25-08-2010 10:38 PM

المشاركة الأصلية كتبت بواسطة Col. Eng. Khaled

ياريت لو في مصدر مؤكد عند حضرتك من شؤون ضباط القوات المسلحة

سيادة العقيد ... يا مرحبا بك ... الحقيقة انا زعلت قوى لما جيت بعد الفطار و مشفتكش و لقيت حضرتك مشيت .... ينفع كده ؟؟؟

1- الضابط المتخصص ( إللى هو إللى دخل الكلية الحربية بعد الجامعة ) ده بيقعد لحد عقيد و يدوله عميد و يطلع معاش و لو أثبت كفاءته أو كانوا محتجانيه بيكمل ... و الأولوية فى التكميل لخريج الكليات العسكرية . و إللى قال كده العقيد إللى مسئول عن التربية العسكرية فى محاضرة لما كنت بعملها فى من كام إسبوع

2- ممكن ضابط الإحتياط يكمل .. قريبى خرج من الجيش فى إبريل 2010 و القائد بتاعه حاول يقنعه إنه يتحول لضابط عامل و يكمل معاهم و هو مرضاش ( . يعنى ممكن يتحول لضابط عامل فى القوات المسلحة ) .

3- ضابط الإحتياط لو عايز يجدد المده .. يجدد لمرة واحدة بس و بعد كده ماينفعش .. لو عايز يكمل يتحول لضابط عامل .
مصدرى بردوا العقيد التربية العسكرية .

**eng_ahmedryad** · 25-08-2010 11:34 PM

معظم المعلومات اللي اتذكرت في الموضوع غلط

وانا عارف ان الزملاء مايقصدوش

علشان كده هاوضحلك كل حاجه بالتفصيل بناء على معلوماتي لأني خرجت من الجيش من 4 شهور وكنت ضابط احتياط

1. مدة خدمة العسكري الفعلية 14 شهر
مدة خدمة الضابط الأحتياط الفعلية 30 شهر

2. راتب العسكري 150 جنيه قبل علاوة شهر 7 الماضي
راتب الضابط الأحتياط 1170 جنيه قبل علاوة شهر 7 الماضي

3. مدة تدريب العسكري 45 يوم في مركز التدريب - بتنزل بعدهم ( أو ممكن قبلهم ) أجازة ويترجع على الترحيل
مدة تدريب الضابط 9 شهور في كلية الضباط الأحتياط بفايد ( اسوء بكتير من مركز تدريب العساكر ) بتكون فيها طالب وليس ضابط ، أول أجازة بعد 45 يوم قد تزيد أو تقل ايام قليلة ، وبعديها تنزل اجازة الأربعاء ترجع الجمعة طوال باقي الـ 9شهور

بعد ماتخلص الـ 9 شهور تتخرج ملازم مجند ، وتتخصص في سلاح معين وتروح على المعهد بتاع تخصصك لمدة 3 شهور ، مع نفس نمط الأجازة من الأربعاء إلى الجمعة

وبعدها بتتوزع على الوحدة بتاعتك

وحتى ترقيتك إلى ملازم أول مستدعى بيكون الراتب بتاعك نفس راتب العسكري

-- الترقية إلى ملازم أول أحتياط مستدعى بتكون بعد 14 شهر من دخولك الجيش

أحب أضيف أن مش شرط انك تنزل لعسكري بعد ما أخدت لائق ب

بالنسبة لموضوع المد للضباط الأحتياط موجود لسه - كانوا بيتحيلوا عليا امد بس انا مش مجنون - وبيكون 6 شهور وبتوصية من قائد وحدتك

موضوع انك تكمل ضابط عامل ده كلام مش حقيقي بأستثناء الدفعات الموجودة حاليا والسبب سد العجز الناتج من فرق سنة الثانوية العامة ، وبعدها يرجع الحال كما هو عليه

وكمان الموجودين حاليا ليكون ضابط عامل بيتم عليه جميع اختبارات القبول الخاصة بالكليات العسكرية من كشف طبي وهيئة وأمني وخلافه

اتمنى اني اكون فدت الجميع

وكل عام وانتم بخير

**mr_safwt** · 26-08-2010 12:02 AM

المشاركة الأصلية كتبت بواسطة korkor

بالمناسبه الموضوع بتاع عرق الايد ده بيطلع اعفاء من الجيش ربنا يكرمك كده بيوم حر يوم الكشف وان شاء الله تاخد اعفاء

يارررررررررررررررب
ما انا واخد لائق ب عشان كدة

**mr_safwt** · 26-08-2010 12:05 AM

المشاركة الأصلية كتبت بواسطة ashraf_msd

اهلا بالباشمهندس الجديد

لو دخلت ظابط تلت سنين مستقبلك المهني كله هيبوظ

مش هتبقي عندك خبره بما يعادل سنه تخرجك ودي مشكله كبيره جدا

ادخل سنه واخلص منها لو حتي هيودوك حلايب وشلاتين

عندك حق ربنا يكرم واعرف انزل عسكرى او اخد اعفا

**Ignition-Kid** · 26-08-2010 01:50 AM

المشاركة الأصلية كتبت بواسطة eng_ahmedryad

معظم المعلومات اللي اتذكرت في الموضوع غلط

وانا عارف ان الزملاء مايقصدوش

علشان كده هاوضحلك كل حاجه بالتفصيل بناء على معلوماتي لأني خرجت من الجيش من 4 شهور وكنت ضابط احتياط

1. مدة خدمة العسكري الفعلية 14 شهر
مدة خدمة الضابط الأحتياط الفعلية 30 شهر

2. راتب العسكري 150 جنيه قبل علاوة شهر 7 الماضي
راتب الضابط الأحتياط 1170 جنيه قبل علاوة شهر 7 الماضي

3. مدة تدريب العسكري 45 يوم في مركز التدريب - بتنزل بعدهم ( أو ممكن قبلهم ) أجازة ويترجع على الترحيل
مدة تدريب الضابط 9 شهور في كلية الضباط الأحتياط بفايد ( اسوء بكتير من مركز تدريب العساكر ) بتكون فيها طالب وليس ضابط ، أول أجازة بعد 45 يوم قد تزيد أو تقل ايام قليلة ، وبعديها تنزل اجازة الأربعاء ترجع الجمعة طوال باقي الـ 9شهور

بعد ماتخلص الـ 9 شهور تتخرج ملازم مجند ، وتتخصص في سلاح معين وتروح على المعهد بتاع تخصصك لمدة 3 شهور ، مع نفس نمط الأجازة من الأربعاء إلى الجمعة

وبعدها بتتوزع على الوحدة بتاعتك

وحتى ترقيتك إلى ملازم أول مستدعى بيكون الراتب بتاعك نفس راتب العسكري

-- الترقية إلى ملازم أول أحتياط مستدعى بتكون بعد 14 شهر من دخولك الجيش

أحب أضيف أن مش شرط انك تنزل لعسكري بعد ما أخدت لائق ب

بالنسبة لموضوع المد للضباط الأحتياط موجود لسه - كانوا بيتحيلوا عليا امد بس انا مش مجنون - وبيكون 6 شهور وبتوصية من قائد وحدتك

موضوع انك تكمل ضابط عامل ده كلام مش حقيقي بأستثناء الدفعات الموجودة حاليا والسبب سد العجز الناتج من فرق سنة الثانوية العامة ، وبعدها يرجع الحال كما هو عليه

وكمان الموجودين حاليا ليكون ضابط عامل بيتم عليه جميع اختبارات القبول الخاصة بالكليات العسكرية من كشف طبي وهيئة وأمني وخلافه

اتمنى اني اكون فدت الجميع

وكل عام وانتم بخير

شكرا لحضرتك..بس ياريت شويه توضيح لموضوع العلاوه ده..اصل انا داخل ضابط احتياط برضوا وكنت عايز اعرف ايه النظام جوا علشان ابقى فاهم الدنيا ماشيه ازاى..خصوصا انى بسمع كلام كتير متناقض والواحد بيتلخبط ومش بيبقى عارف ايه الصح وايه الغلط..وشكرا لحضرتك تانى.

الموضوع: ظابط احتياطى ولا عسكرى

LinkBack

أدوات الموضوع

عرض

-

-

-

-

-

المواضيع المتشابهه

احتياطى تانك بنزين الصنى الجديدة

هل يوجد تانك بنزين احتياطى خاص باللوجان

لمبة احتياطى البنزين

عسكرى المرور

الكلمات الدلالية لهذا الموضوع

المفضلات

المفضلات

ضوابط المشاركة