اصعب قرار ومش هاتعرف تختار!. Honda Civic 92_(Vs)_Bmw E30

طبعا العربيتين مافيهمش كلام ال2 شكلهم سابق لعصرهم ال2 ملوك الثبات ال2 يعلموا على عربية زيرو حتى لو هى 2000 سى سى .اى عربية 1600 ايا كان نوعها هايتعلم عليها اساسى جدا.ال2 ثبات مافيهوش كلام. وياريت ركيبة السيفيك والاى ثرتى يحكوا للناس.ال2 فى التعديل -اوووووووف-سقط موتور اس اى ار .للهوندا - هاتطلع من السيفيك ال2010نفسها.سقط موتور الدبانة فى الاى ثرتى هاطتلع من الدبانة نفسها ويا سلام لو كورونا لوك -والعفشة ال6 سلندر.انسى كلمة ثبات..طبعا العربيتين قطع غيارهم مرمية جديد .واستيراد كتيييير -لانهم نزلو ا برة بفئات كتيرة مختلفة.طبعا العربيتين مكيفين وال2 تابلوهاتهم حديثة وشيك جدا.وال2بيخطفوا الانظار فى الشارع .واى حاجة بتتعمل فيهم بتبان-وال2 احسن واسهل فى التعديل وال2 قابلين لاى تعديل بودى كيت.العربيتين يهبلو ويدوخوا اى حد .يا ترى انت لو فى يوم قررت تركب عربية من دول هاتختارا ايه.دة اذا عرفت تختار.وتاخد قرار.

ايه يا باشا ناوى تبيع التوب ولا ايه بس انا بالنسبالى البى ام افضل انا بعشق الموديل ده من هوندا بس عشقى للموديل ده افضل من اى حاجه و عايز اشوفك قريب وسمسم مكبر اوى و عمال اقوله عايز اقابلك و اشوفك بيقولى طيب طيب و لا حياه لمن تنادى و نروح نفطر مع بعض كده و قالى ظب يوم و نتقابل ايه رأيك

bmw
هذه حياتى
e30 وش حيث الخلفى و اللعب و الدريفتات و الجنااااااااااااااااان ده
بس برضه السيفيك حبيبتى و الاختيار يعقد بصراحه و يروش
بس انا البى امات عندى فى المقام الاول
تحياتى

الاختيار صعب فعلا بس لو انا هختار سيفيك sir

أول عربية جبتها كانت ال e30 أيام الرخص.......كنت جايبها فى 99 ب 27 ألف جنيه :))))

مش هقولك غير أنى لحد دلوقتى بحلف بيها و بكره اليوم اللى بعتها فيه.

كانت 318 و بعد فترة المتور فوت.......جبت موتور 320 و غيرت العفشة لعفشة 6 سلندر و غيرت الكورونة بس مش لوك.

كنت بدخل بيها ملفات غبية على 140 و 120 و مكنتش بحس.....و كنت بجيب بيها على طريق الساحل 200 و 210 عادى جداً......و تحس أنك جايب 160 بالكتير.

الكلام ده أيام الشقاوة بقى.......دلوقتى الجواز و العيال أدبوا الواحد :(((

اقتباس:

---

المشاركة الأصلية كتبت بواسطة amrseba

ايه يا باشا ناوى تبيع التوب ولا ايه بس انا بالنسبالى البى ام افضل انا بعشق الموديل ده من هوندا بس عشقى للموديل ده افضل من اى حاجه و عايز اشوفك قريب وسمسم مكبر اوى و عمال اقوله عايز اقابلك و اشوفك بيقولى طيب طيب و لا حياه لمن تنادى و نروح نفطر مع بعض كده و قالى ظب يوم و نتقابل ايه رأيك

---

حبيب قلبى..والله سمسم كلمنى عنك كتير-وكنت انا وهو فى ش دمشق اول امبارح .وبالنسبة للتوب مش هابيعها الا لحد فاهم -دى نادرة جدا-اسال سمسم عليها -والله من يوما جبتها عامل 3000 كيلو فى 3 شهور -مش بتاخد غير بنزين -وتزود المياه كل 3 ايام كدة نص لتر فى القربة -وزيت فيسكو كل 3000 انا بغيرة على 2000-سيبك انت ايه رايك فى المقارنة الفحيتة دى صعب قوى صعب صعب -العربيتين فتنة .والله فتنة يسيطوا اى حد .ويلعبوا فى دماغ اى حد.

النهاردة وانا مروح ساعة الفطار -لقيت اى ثرتى 318 جنبى ستوك مافيهاش غير جنط بس.فضلت ماشى جنبة ومتنح -هو افتكرنى عايز اشد-وسمعت صوت زئيررر اسد-وبيختفى من جنبى العربية سحبتها غبية صوت الموتور غبى قوى -انا بتخدر لما بشوف العربية دى هى او السيفيك.

التسارع و الريسنج تفوز الهندا بمحرك التب ار او ال اس اي ار و حجم العربيه و رشاقتها بتخليها عربيت ريسنج و لعب اولي
اما بي ام فالخلفي بقا و اللعب الصح و التخميس و الدرفتات و البريك اوت المحترم و كلمه بي ام و الصوت و الفخامه انت راكب عربيه حاجه و تمينين و تبص للكورولا و الشارك الجديد بستحقار و حتي لو سقط m3 تبص لل320 الجديده و تقول له اطلع و انا هجيبك
بس انا عن نفسي كنت هجيب هندا قطع غيار رخصيه سحب بنزين قليل جدا اقدر اعدل فيها زي ما انا عاوز شبابي جدا برحتي لكن البي ام لازم احترم المركه الي انا ركبها التعديل فيها محجم شويه
ولله هما الاثنين انا بعشقهم عشق جنون و الموضوع هيتحسم بميلك لايهم اكثر

بس انا حاسس الاى ثرتى .اقوى واثبت من السيفيك-واظن البى ام وزنها تقيل وصاجها محمل قوى-اظن السيفيك ممكن تطلع من البى ام -بحكم الوزن الخفيف-لكن الطلعة بس.لكن بعد كدة مش عارف ايه الكلام -وحاسس ان البى ام هى اللى هاتبقى ثابتة اكتر بعد ال160 وحاسس انها هاتقفل عداد على ار بى ام اقل -وهاتفضل لسة عايزة تجيب -بسبب السى سى العالى -وبصراحة الاى ثرتى ماتتركبش اقل من 2000 سى سى--احنا مستنين الخبراء ومالكى السيارتين يكلمونا عن تجربتهم.الموضوع مفتوح للمناقشة .

والله موضوعك في الجون و المنافسه بين العربيتين عاليه اوي وصعب الواحد يختار بنهم
بس اكيد BMW اثبت وده عن تجربه مع واحد صاحبي كان معاه E21 العربيه وهم ثبات فاكيد ال BMW هاتكسب ثبات لكن honda هتكسب طلعات و بنزين و موديل اجدد بس العربيتيين حكايه .