السلام عليكم و رحمه الله و بركاته,
ياريت تساعدونى فى المقارنه بين :
Cruise Automatic و دى سعرها 116000
و
Cerato EX Automatic و دى سعرها 113000
انا محتار بين الاتنين خصوصا بعد نزول سعر كروز حوالى 10000 جنيه و ارتفاع سعر سيراتو 2011 بحوالى 5000 حنيه.
الاتنين دلوقت سعرهم قرب أوى من بعض , فياريت تقولولى مين الافضل من حيث الاتى:
- الموتور
- الصاج
- التوكيل و قطع الغيار
- سعر اعاده البيع
- الاداء على الطريق
- الاوبشنز
و شكرا لكم جميعا
العربيتين كويسين مش هاتندم عى واحده فيهم
بس على فكره الكروز غليت تانى 3 الاف بقت اول فئه اوتوماتيك ب 119
ولسه هاتغلى تانى بعد رمضان
اما السيراتو Ex فسعرها 113 ومش هايزيد عن كدا على ما اعتقد
فكدا الفرق 6 الاف
والسيراتو تتفوق فى الاوبشنز
تزيد عن الكروز جنوط سبور وايرباج للسائق وملتى فنكشن للتحكم فى السى دى
شكرا ليك على الرد , طيب و التوكيل و قطع الغيار ؟
كروز بحس انها مميزه اكتر واشيك
Cruise Automatic و دى سعرها 116000
it is a perfect car
perfect stabilily
perfect shape
توكيل شيفروليه الشكاوى منها كتيراقتباس:
المشاركة الأصلية كتبت بواسطة gazarco84
توكيل كيا ابتدى يبوظ هو كمان لكن احسن من شيفروليه
قطع الغيار مش متأكد بس اعتقد بعد مرور اكتر من سنه على كل واحده فيهم اكيد قطع غيارهم موجوده ومنتشره
الكروز اجمل و اشيك في رايي
لو تقدر تستني وتشوف الالنترا النيو شيب هيبقي افضل
بالاسعار الجديدة انا شايف ان الكروز اختيار افضل من السيراتو
شكرا ليكم يا جماعه , انا بس اللى عاوز اعرفه هل فعلا ال Offer اللى كان نازل على الكروز ده خلص فى كل مكان و لا لسه شغال فى اماكن معينه ؟
اقتباس:
المشاركة الأصلية كتبت بواسطة gazarco84
1- الموتور: السيراتو اقوى (بجد موتور مفتري)
2- الصاج: السيراتو صاجها قوي (لكن الكروز صاجها كويس بردو)
3- التوكيل: كيا eit أفضل نسبياً من منصور (سلبيات منصور كتيير بشهادة الملاك)
4- قطع الغيار: الاثنين لحد اللحظه دي لسه في البعض من قطع الغيار مش متوفره (بعض)
5- سعر اعادة البيع: السيراتو اسرع في البيع, و اعلى سعراً من الكروز لكن بفرق مش كبير
6- الأداء على الطريق: انا بصراحه ما جربتش الكروز, لكن كنت مالك للسيراتو, و ليا عتب على ثباتها
7- الاوبشنز: السيراتو اعلى
انا شخصياً بحب السيراتو و الكروز طبعاً, لكن بسمع كلام غريب
عن الكروز مش عارف ايه مدى صحته..!!
يا رب اكون قدرت افيدك...
تقبل تحياتي...
بعد السلامات
أنا معايا نيسان صني 2009 ex أتوماتيك و ناوي علي السنة الجديدة أغيرها و بتكلم في نفس السعر اللي بتفكر فيه و كنت من أشد المعجبين بالسيراتو لحد ما بحثت كتير و وصلت أن الكروز أرقي منها بكتير علما أن كان نفسي في الجيتا زي اللي مع أخويا لكن لقيت أقرب حاجة لمواصفات الجيتا كانت الكروز عشان
- لو أنت بحثت علي النت حتلاقي في أوروبا مقارنة الكروز بتكون بالجيتا و الأوكتافيا ( مع فارق السعر كأفضلية و ملاحظة أن الأوكتافيا اسمها في أوروبا لورا )
- فتيس الكروز أتوماتيك 6 نقلات ( السيراتو 4 بس عشان كدة الناس بتشتكي صو ت الموتور بيعلي بعد ال120 )
- توفير الكروز في البنزين عالي جدا زي الجيتا عشان الفتيس 6 نقلات ( عن تجربة في الجيتا )
- سرعة قصوي للكروز أعلي من السيراتو ( عندك نقلتين في الفتيس أكتر من السيراتو )
- ثبات الكروز عالي جدا بيقترب من ثبات الجيتا ( عرفت عن طريق البحث عن المقارانات علي يوتيوب )
- الكروز مريحة جوة البلد و في المطبات راحة معقولة
- عفشة الكروز تصميمها متقدم جدا و دة السبب في الثبات علي السرعات العالية مع راحة في المطبات و السواقة حوة البلد
- عفشة السيراتو تقريبا كيا وفرت فلوس تصميمها و أكتفت بتصميم تقليدي جدا عبارة عن ( قنطرة في الخلف ماسكة العجلتين ) و عشان تكون ثابتة علي السرعات العالية خلت المساعدين و السوست ناشفة( بتعبير تاني بيسموها رياضية ) لكن سواقتها داخل البلد أو في المطبات بتكون شوية متعبة لأنك بتحس بالمطبات و اللي قاعد ورا بيتضايق ( عن صديق يملك السيراتو جنط 16 )
- و زود علي كدة أنتشار السيراتو و تميز الكروز و ده وجهة نظر شخصية
- مع ملاحظة أن شنطة الكروز و السيراتو قريبين من بعض بس أعتقد شنطة الكروز ممكن تكون أقل في العملانية شوية و ده محتاج منك زيار تشوف بعا العربيتين علي الطبيعة
و نسيت لأقولك لو استنيت لحد أول السنة الهيونداي الألنترا الجديدة ممكن تكون خيار تالت لك و دور علي النت عشان تعرف شكلها بأسم هيونداي أفنت avent ده أسمها في أوروبا و هي المفروض تنزل بفتيس أتومتيك 6 نقلات زي الكروز
اقتباس:
المشاركة الأصلية كتبت بواسطة hossam_zaky
i agree with you
هوا الفتيس الاوتو بتاع الكروز نوعه ايه؟؟
انتاج دايو ولا شركة تانية
اصل 6 سرعات دي عاجباني اوي خاصة انه اوتو عادي :)
تبترونيك 6 سرعات من اوبل مش دايواقتباس:
المشاركة الأصلية كتبت بواسطة dr.almaghraby
زى اللى فى الاسترا الجديده بالظبط