بالنسبة لأنواع الزينون في الرابط دا معلومات مفيدة جداً
http://www.nilemotors.net/Nile/110863-a.html
وبالنسبة للماركات في صيني ودي الي منتشره دلوقت وبتعمل حوالي 500 جنيه للطقم سواء H7 او H1 (عالي او واطي)
وبيقولوا في الالماني ودا بيعدي 1200 جنيه للطقم تقريباً ودا مش منتشر خالص ومش عند اي حد
وفي نوع تايواني اصلي وسعره هايبقى اغلى من الصيني شويه بس ممتاز عن تجربه
عموماً الصيني مشكلته اللمبة مش بتعيش وعلشان كده ماعليهاش ضمان لكن المحول أو الموديول بتاعها بيبقى معاه ضمان سنة فيبقى كويس على قد فلوسه يعني
ومش شرط تروح التوكيل ممكن تركبه عند المحل الي هاتشتريه منه لانهم متخصصين في تركيبه افضل من التوكيل في النقطة دي (وكمان السعر بيبقى شامل التركيب) ومش بيأثر على كهربة العربية خالص لان اللمبة بتاعته بتبقى 30 واط فقط مش 50 او 55 واط زي لمبة العربية والمحول بيقوم بتوفير الشحنة اللازمة لتقويم اللمبة
وماتشغلش بالك بموضوع انك ممكن تعمي الناس طالما انك عندك تحكم في مستوى ارتفاع وانخفاض الضوء (القمرة الي في الكشافات) لانك ببساطة ممكن توجه الضوء بحيث يبقى ضارب في الارض بدل من عين الي جاي قدامك
للأسف ماعرفش حد بيبيعه في الاسكندريه لاني من القاهرة ممكن الزملاء تفيدك اكتر في النقطة دي وبالتوفيق
المفضلات