احنا يا جماعه بقينا كتير الكيا السيراتو بقه كتير كأنها ببلاش.
بصراحه الانتشار ده سلاح ذو حدين من وجه نظري :-
1 - الانتشار يعني توافر قطع الغير والاكسسوار والصيانه
2 - الانتشار فقد رونق التميز وهبوط قيمتها
ايه رأيكم بموضوعيه ؟!
عرض للطباعة
احنا يا جماعه بقينا كتير الكيا السيراتو بقه كتير كأنها ببلاش.
بصراحه الانتشار ده سلاح ذو حدين من وجه نظري :-
1 - الانتشار يعني توافر قطع الغير والاكسسوار والصيانه
2 - الانتشار فقد رونق التميز وهبوط قيمتها
ايه رأيكم بموضوعيه ؟!
فعلا الانتشار دا مش طبيعي ابدا يعني!!
مش عارف بس أصل ما باليد حيله :)
هتقل الناس متجبوهاش :))
هى فلوسها قليله عليها علشان كدا بتتجاب دى وجه نظرى
والله أعلم هنروح فين تانى فى كتير مستنيين 2011 :)
هتبقى زى الفيرنا و اللانوس
بس الموضوع ده بيسبب مشكلة لاصحابها ولا عادى؟
يا جماعه من الاول معروف انه العربيه كانت هتبقى زى اللانسر و اللانوس و 128 قبل كل ده هو بيجى فتره و بتبقى فى عربيه مكتسحه البلد بشكل مش طبيعى و انا شايف انه معظم الناس بتدور على قطع الغيار الارخص و دى هتبقى ميزه الانتشار الكبير اوى ده موضوع التميز و الرونق ده اظن انه اختفى من زمان لانه التوكيل و الخليجى مالين السوق من بدرى يبقى الانتشار يمكن يكون ميزه بالنسبه لمعظم الناس
اخوانى انا شايف ان كدة كويس علشان توافر قطع الغيار وبعدين دة بيدل ان العربية (كيداهم)مشاء الله عليها مالية مركزها ودة اكبر دليل بغض النظر عن بعض الحالات :verygood:
مع اني مش من ملاك السيراتو انما شايف ان الانتشار ده ميزة كبيرة جدا يقلل من سعر قطع الغيار ووقت الطوارئ تلاقي صنايعية يفهموا يشتغلوا في العربية وكمان سعراعادة البيع يكون جيد
فعلا انتشرت جدا
الإنتشار سلاح ذو حدين فعلاً ...
العربية النادرة ... مميزة ... بس متعبة
العربية المنتشرة ... انتشارها بيخليك "ساعات" تندم انك جبتها.... لكن مريحة جداً و مش بتبهدل صاحبها..
افتكرت جروب "كفاية فيرنا بقى" على الفيس
ههههه يا جدعان هيا منتشرة موت فعلا - بس عشان الناس مركزة معاها - طيب ايه رايكم اني في الشارع عندي 8 بي ام 320 و 2 سيراتو :)))))
وحتي السي 180 منتشرة - كل العربيات منتشرة - اه طبعا السيراتو انتشرت بس ملاحظة النتشارها عشان انتشرت بسرع - فجاءة الشوارع في مصر طفحت سيراتو والناس مركزة معاها - انزل اي مشوار وعد السيراتو مقابل بي ام وانت تعرف :)))))))))))
حرام عليك يا راجل
انا لو عملت كدا حلاقي 10 سيراتو مقابل 2 بي ام مثلا
الإنتشار في صالح السيارة بالكامل .. ويكفي لما تيجي تبيع ما تغلبكش
انا معاكم فى موضوع انتشار السيراتو وان له مميزات وعيوب بس ليا ملاحظه عايز اقول عليها ان العربيات كيا عموما بقى ليها فترة كبيرة مكنتش بتنزل مصر من ساعه التوكيل ماتسحب من وليد توفيق
سوال على السريع كده ينفع انقل موضوع من منتدى تانى هنا ولا ايه النظام؟؟؟
مش شايف اى مشكلة فى الانتشار واللى بيحب السيراتو وخيف من الانتشار يجيب كوبية واللى مش عاوز يجيب كوبية يجيب سول المهم يفضل كياوى
انتشرت جدا فعلا مافيش شارع في مصر مافيهوش سيراتو و دة بيفقدها شوية من الرونق و التميز بس فوائده اكبر بكتير زي توافر قطع الغيار و اعادة البيع و الصنايعية يفهمو فيها
اولا طبعا انتشارها دليل على نجاحها على الرغم من الاشاعات اللي بتجري وراها وربنا يبارك لملاكها فيها
ملاحظه بس على كلامك يا استاذ مجدي ملهاش لازمه كلمه كيداهم دي لانها كلمه استفزازيه مش اكتر والموضوع ملوش اي ضرر للسيراتو ولا نقد ليها عشان تقول كيداهم ومزعلاهم
ياريت كلامي مايضيقش حضرتك
هى صحيح انتشرت بس اعتقد لسه بدرى اوى على ما الناس تزهق منها
امال نقول ايه على البوما اللى من 2003 ولسه موجوده واحنا داخلين على 2011
ولسه فى ناس بتشتريها عادى
على فكره انا رأي في موضوع الانتشار انك هتحس الناس كلها شاريه زيك ( حاول تختار لون مميز ) - وحتى لو جبت الكوبيه برده منتشره بس اقل ( انا كل ما اطلع 6 اكتوبر اشوف 3 - 4 كوبيه ده اقل واجب ) -
بس هتحس بميزه الانتشار اول ما تحتاج لقطع الغيار و الصيانه و الاصلاح او لما تنوي تبيع :shine[1]: هتنبسط اوي على عكس اللي كان فرحان بالتميز ( هيسب و يلعن اول ما يحتاج لقطع الغيار او يبيع :eee: هيتصدم بالحقيقه بس وقتها خلاص )
بس في سؤال مهم وكنت ناوي اعمله موضوع :
احنا لو افترضنا ان كيا نزلت موديل مثلا 2012 للسيراتوا و مكنش كويس ( وده وارد لاي عربيه ) ومتبعتش العربيه او ملاقتش الاقبال هتعملوا ايه يا كياويه .
اولا صفحة كيا اعتقد انها هتزل وهتلاقيها كل فين وفين حد يخش يصبح ويخرج ( والسبب انه كله مثلا هيكون متجه لعربيه جديده سرقت بساط الانتشار من السيراتوا )
ومش هنروح بعيد زي اللانسر و الانوس
وقتها هتفضلوا اصحاب ولا هيتفرق دمكم بين المنتديات ........
وكل ده لو كيا نزلت موديل وحش للسيراتوا وملقاش الاقبال زي النيو سيراتوا......... :Oc_sun1[1]:
وقتها هتعملوا ايه يا شاطريين ؟؟؟؟؟؟؟؟؟؟؟؟؟؟؟؟؟؟؟؟
تاني كيداهم ...
على الر غم إنى مش من ملاك السيراتو
لكن أنا معجب جدا بالعربيه دى وربنا يبارك لكل ملاكها .
وأعتقد إنتشار العربيه الكبير دليل واضح على كفائتها وقوتها وتحقيقها
للمعادله الصعبه ( الجودة والاعتماديه والرفاهيه والسعر المناسب )
ودة أكيد ميزة كبيرة جدا وخاصه من حيث توافر قطع الغيار والاكسسوارات وخلافه .
تقبلوا تحياتى
أكيد هنفضل أصحاب لأن صحيح امتلاك سيارة من ماركة معينة (فى حالتنا دى السيراتو) هى اللى جمعتنا بس بعد ما اتعرفنا وأتقابلنا بقى فيه ما بين الملاك علاقة أنسانية تانية (صداقة، محبة، ود، وأخاء) والموضوع مبقاش ليه علاقة بنوع العربية.
بدليل وجود صداقات كتير مع عدد من ملاك الماركات أخرى، وربنا يديم الروح دى دائما فى نايل موتورز.
التصميم الخارجي للسيراتو يلعب دورا كبيرا في انتشار السيارة
حيث استمع من اناس كثر حلم حياتهم امتلاك السيارة الوهم جميلة الجميلات
سيراتو :36_1_1[1]:
نا ها اريحك واطمنك عشان تبطل مواضيع من دي
حتو لو في موديل احلي او عربية احلي من السيراتو برضوا حنفضل مع بعض سيراتاوية - وكمان حتفضل السيراتو تحفة في عنينا - زي البي ام (ام فورتي ) وعربيات كتير مهما موديلها قدم برضوا بتفضل تحفة - السيراتو بقي من النوع دة - حتفضل حلوه وليها ناسها اللي بتحباها وبتشتريها - وفوق ده كلله - كفايا ملاكها يخلوها احلي عربية في العالم
ولكل شباب الكيا - عايزين نعمل kia egypt club برعاية نايل موتورز - وانا حسال الاسبوع الجاي اجراءات انشاء النادي دة بترخيص من نادي السيارات المصري - انا عارف ان نادي السيارات بيقبل دة برة مصر :)
ريح نفسك بقي من الاسئلة اللي مالهاش معني دي احنا صايمين - رمضان كريم يا راجل - روق كدة وبلاش مواضيع مش مفيدة
هو أنا مش فاهم المغزى من السؤال لكن لو كيا مثلا نزلت عربيه وحشه ومحدش جبها أكيد القسم مش هيبقى نشيط زى مهو دلوقتى علشان السيراتو
أيه المشكله؟
غير كدا مين قال أن ترابطنا بعربيه كان كدا فى الاول
كلنا عرفنا بعضنا علشان راكبين سيراتو بعد متعرفنا خلاص بقينا أصحاب والعربيه بخ
أفرض أنا غيرت عربيتى دلوقتى هقل الناس الى عرفتها من هنا سلام بقى مش عايز أعرفكم :)
سؤال غريب :)
نورمال باشا رمضان كريم امال فين الزواوى مالوش حس ولاخبر ربنا يطمنا علية:satelite:
عموما احنا بقينا كتير (( ملاك النيو سيراتو )) ولازم نكون أغلبيه ايجابيه يعني يكون لنا مواقف رائده ولا نكون أغلبيه صامته يعني لا بنهش ولابنش.
أخوكم
أحمد بهي الدين
الانتشار ميزة وليس عيب خاصة فى السوق المصرى لان العربية المنتشرة سوق اعادة البيع بيبقى كويس كمان قطع الغيار بتبقى رخيصة
شهاده لله العربيه دى ماشاء الله كويسه وفعلا تصميمها روعة ربنا يبارك فى كل السيراتو الى فى مصر