الموضوع: استفسار عن الa516

المشاركة الأصلية كتبت بواسطة firstknight_eg

يا باشا تلقيها عيب في عربيتك وهما مش قصدهم، اوعي باه تقول في التوكيل لحسن يرجعوها زي باقي العربيات

السلام عليكم:
والله يا اخي لما عرفت كدة خفت لتكون فعلا غلطة...
معلش انا بهزر معاك ربنا يحافظلك عليها


وسؤال تاني البنزين عامل ايه معاك

العربية دي 2000سي سي معدلات استهلاكها متفاوتة
طوالي سرعة 90 بدون تكييف عدد الركاب 3 وصلت لـ250/الصفيحة
جوة البلد مش سالك على طول ولا زحمة على طول بدون تكييف وصلت من 170-180
جوة البلد زحمة معظم الوقت بالتكييف 145........تصور؟؟؟
بس الحمد لله انا حاسس جدا بفرق ال2000 سي سي عن ال1600 في الa516 مع انها مانيوال

م.ياسر

تفاوت غريب جدا

أصل انا يا باشا ناوي اشتري إن شاء الله

وبقارن ما بين عربيتين وانا عارف ان مفيش وجه للمقارنة

التيجو كسر زيرو يعني تعملها بتاع 90 ألف

أو فيتارا موديل 2006 تعملها بتاع 135000 وهتكون عملة فوق الميت ألف كيلو

وطبعا الناس هتقول انت مجنون ولا ايه يا ادهم الفيتارا طبعا

بس انا بحسبها بطريقة تانية

اولا الفيتارا تقيلة في بيعها يعني لو ما عجبتنيش هتأنس معايا فترة لغاية ما القيلها حد يشتريها

إنما التيجو اسرع

الفيتارا طبعا اشيك وكماليات اعلي وتقفيل نضيف (الله يسامحك يا ابو الفتوح)

الفيتارا 2000 سي سي وطبعا الكل بيقول 100 100 علي الموتور بس عاوز اقولك ان في امريكا اول ما نزل موديل 2006 الناس كلهم كانوا بيشتكوا من ضعف الموتور عشان حجم العربية والموتور كان 2700 سي سي 175 حصان

عشان كده تقريبا موديل 2007 أو 2008 نزلوا الموتور 3300 سي سي

إنما التيجو الموتور مناسب علي حجم العربية

ثالثا بقول اوفر ال 50 الف واجرب التيجو شوية ولو ما عجبتنيش يبقي يا دار ما دخلك شر والفيتارا موجودة

ومحدش يقول التريوس عشان مش ناقصة 1500 سي سي

انا معايا هيونداي وبصراحة مش بجري كتير بس بحب لما ادوس علي البنزين الاقي التسارع كويس وما يخنقنيش

نسيت أقول طبعا اسعار قطع الغيار

التيجو تكسب

يعني الفيتارا اللي عاملة 130 او 140 الف كيلو هتكون اكيد محتاجة قطع غيار