إلى كل المدخنين وغير المدخنين بالمنتدى شارك برأيك ( رأيك مهم ) ...

**sokasoon** · 08-03-2008 10:31 PM

ظهرت منذ اسبوعين تقريبا على مجموعة من علب السجائر صورة تظهر

الرئة المصابة بالسرطان فى نية من شركات التدخين لتوعية المدخنين بنتائجه

اولا : ما رأيك فى هذه الخطوة من شركات التدخين

ثانيا : هل هى فكرة مجدية بالفعل تجعلك تمتنع عن التدخين

ثالثا : ما هو الحل فى رأيك للقضاء على التدخين نهائيا

هذه الاسئلة وغيرها تراودنى كثيرا ولم اجد لها إجابة

ولاكن لى وجه نظر فى القضاء على التدخين سأثردها لكم ولاكن اريد

ان اعرف اولا الاجابة من المدخنين وغير المدخنين بما انى غير مدخن

**محمد ابراهيم 1** · 08-03-2008 11:34 PM

طبعا شركات السجائر لا تبغى توعيه الناس
هى تبغى الربح فقط
الشعار الجديد مفروض عليها مش بمزاجها
الشعارعلى ما اعتقد لن يقدم ولن يؤخر

**hesham2004** · 08-03-2008 11:39 PM

بفضل الله وحده بطلت تدخين من اربع سنوات
دعوت ربنا بصدق ان يخلصنى من العادة دى و اخلصت فى الدعاء و ايقنت بالأجابة ، و اخذت بالأسباب ( ماشتريتش سجاير و لا استخدمت الموجود عندى و رفضت العزومة عليها ) و الحمد لله ربنا استجاب لدعائى و ربنا يدمها عليا نعمة و يصيبكم من فضله .

**حماده عزو** · 09-03-2008 12:44 AM

أنا الحمد لله مبدخنش
وبصراحه ببوص للى بيدخن على أنو
شحط ماسك بزازه

**m7md_hany2** · 09-03-2008 12:48 AM

المشاركة الأصلية كتبت بواسطة hesham2004

بفضل الله وحده بطلت تدخين من اربع سنوات
دعوت ربنا بصدق ان يخلصنى من العادة دى و اخلصت فى الدعاء و ايقنت بالأجابة ، و اخذت بالأسباب ( ماشتريتش سجاير و لا استخدمت الموجود عندى و رفضت العزومة عليها ) و الحمد لله ربنا استجاب لدعائى و ربنا يدمها عليا نعمة و يصيبكم من فضله .

أنا مشفتش الصورة دي غير علي الكليوبترا بس الصراحة و أنا كدة كدة مبشربش كليوبترا :D:D:D
بس شفتها وبصراحة لو مكنش معايا سجاير كنت هاخد من العلبة عادي جدا أكني مشفتش حاجة :D

و بصراحة ..... أنا نش عارف ليه حتي مبفكرش أني ابطلها

**fahd_628** · 09-03-2008 12:53 AM

انا مش بدخن الحمد لله

**kimo-nubira** · 09-03-2008 01:44 AM

انا الحمدلله كده بقالي 9 ايام مبطل السجاير من غير ما اشوف الصوره ديه

بس ادعولي ان ربنا يثبتني واقدر اكمل بس والله انا حاسس اني فوقت ومافيش

صداع ولا دوخه ولا الكلام اللي بيقوله الناس ده ساعات بحس اني عايز اشرب سجاره

بس بلهي نفسي في اي حاجه وبنسها وربنا يتوب علينا منها علي فكره انا كنت بدخن من 12 سنه

**msoliem** · 09-03-2008 10:16 AM

ربنا يعين اخوانا اللى بطلو تدخين , والله انا بفرح كل لما بسمع ان فى حد بطل تدخين , يمكن لأنى بحاول مع والدى بقالى 15 سنة ولسه منجحتش انى اخليه يبطل , مش قادر اتخيل ان فى حد بيدفع فلوس عشان يعدم صحته ..

وعلى فكرة , فى فكرة لا انسبها لنفسى و لكن انا شفت صيدلى معرفه نفذها و كانت رائعة

كان مدخن شرس و لما عزم على الاقلاع بقى يوميا بيحوش الفلوس اللى كان بيشترى بيها السجاير كأنه لسه بيشرب بالظبط ولما جمع مبلغ محترم طلع عمل عمرة شكرا لله على انه بطل السجاير

لو قعدنا نحسب الفوايد اللى حصلها من التجربة دى تقريبا لا تحصى
وتانى ربنا يعين اخوانا اللى بطلو تدخين ويساعدهم ياخدوا بايد غيرهم ان شاء الله

**Xpert** · 09-03-2008 10:17 AM

الحمد لله مابدخنش ... و ان شاء الله هافضل كده ...

**Islam_galal** · 09-03-2008 10:25 AM

الحمد لله لا أدخن

مشاهدة نتائج الإستطلاع: هل منعتك صورة الرئة المصابة على علبة السجائر من تدخينها ؟

الموضوع: إلى كل المدخنين وغير المدخنين بالمنتدى شارك برأيك ( رأيك مهم ) ...

LinkBack

أدوات الموضوع

عرض

إلى كل المدخنين وغير المدخنين بالمنتدى شارك برأيك ( رأيك مهم ) ... - انشر الموضوع فى :

-

-

-

-

-

-

المواضيع المتشابهه

انسب لون للسيارات في مصر(شارك برأيك).

مقارنة صينى شارك برأيك :

رسالة الى كل المدخنين Askafrawy

إلى السادة المدخنين ... لعل وعسى

الكلمات الدلالية لهذا الموضوع

المفضلات

المفضلات

ضوابط المشاركة