الموضوع: فكرة

متابع ومنتظر باقي التفاصيل لأني حابب المشاركة والفكرة مش جديدة لكن محتاجة جرأة وتخطيط وأتمنى انهم يكونو عندنا، للأسف أنا مش هقدر أجي الفطار بكرة.
مستنيين بشغف جامد جدا نتيجة المقابلة وربنا يوفقنا جميعا.

يا باشا أنا مش من ملاك السيارة؛ بس الفكرة ممتازة وهايلة جداً، وتعتبر خطوة جبارة ورائدة على طريق الارتقاء بالسيارة وانتشارها فى مصر بس الفكرة محتاجة دراسة أكبر من كده، يعنى:ـ

هل شركة بروتون على استعداد أنها تقوم بالتعاون معكم، وإذا تم ذلك هيكون بأى اسم يعنى هتبقى شركتكو تحت اسم موزع معتمد أم أنها توكيل آخر، يعنى هتكون علاقة شركتكم بشركة بروتون بأى صفة (موزع معتمد لقطع الغيار ــ أم أنه فرع آخر للتوكيل يعنى تشتغل فى قطع الغيار وبيع السيارة كمان) ، لاحظ أننى لم اتعرض لشكل الشركة يعنى ممكن تكون (توصية بالأسهم أو مساهمة أو حتى تضامن). لأن ده بصراحة ممكن يكون تمهيد لسحب توكيل السيارة من عز العرب واللى أكيد مش هيسكت على ده لأن أكيد فيه عقود بينه وبين شركة بروتون الأم ممكن تحظر عليها وتمنعها من التعامل مع حد غيره فى مصر، يعنى عز العرب ممكن يكون وكيل حصرى وبرضه موزع معتمد حصرى لبرتون فى مصر، وبالتالى شركة بروتون متقدرش تتعامل مع أى كيان قانونى آخر غيره؛ ولو عملت كده يبقى بتعرض نفسها لمشاكل قانونية وممكن تدفع تعويضات كبيرة؛ ومن واقع خبرتى القانونية الضئيلة والمتواضعة أنا شايف إنه هو ده الأقرب للمنطق والواقع.

أنا بجد الفكرة عجبانى جداً جداً جداً جداً جداً، ونفسى تنجح عشان كده ياريت تتأكد من النقطة دى قبل ما تبدأ فى إجراءات تأسيس الشركة لأن أنا شايف إن دى حاجة ما فيهاش مشكلة؛ المشكلة الحقيقية من هناك عند بروتون هل عندهم استعداد أو قابلية للتعاون معاكم أم لا؛ لو الأولى يبقى توكل على الله وربنا معاك وبعدين كل أعضاء المنتدى الجميل ده معك برضه (لاحظ أنا قولت المنتدى مش القسم فقط)، وبالتوفيق يا معلم

بص يا برنس استكمالاً للموضوع السابق أنا عندى حل مش عارف هيعجبك ولا لأ؛ يمكن أن تراسل شركة بروتون ماليزيا الأم بصفتك مستورد زى ما أنا فهمت من موضوعك تمام، وأنك عاوز تستورد منها قطع غيار للسيارة (بيرسونا ـ جين2 ـ واجا) موديلات مختلفة تمام، وبعدين تحدد قطع الغيار دى (علب دريكسيون، تيل فرامل، فوانيس أمامية وخلفية، اكصدامات أمامية وخلفية .........إلخ) ويكون ده فى حدود مثلاً مائة ألف جنية أو بحسب طاقتك والمبلغ التى تقدر تجمعه أنت والأعضاء اللى معاك، وعلى أساس رد الشركة هتقدر تعرف مدى علاقتها بالتوكيل ومدى نجاح فكرتك وده طبعاً قبل ما تبدأ فى أى حاجة فى مصر، وبالتوفيق مرة أخرى يا برنس

المشاركة الأصلية كتبت بواسطة alarabiya11

بالنسبة للاستيراد قطع الغيار لبروتون السوق مفتوح فى العالم يعنى مثلا الدايو سوف تجد كورى وتايوانى وهندى وصينى ومصرى والخ

والف مورد من ماليزيا يحب يزودنا بالبضاعة قطع غيار اورجينال وتايوانى والمانى وانجليزى وفى حلول كتير زى ممكن نصمم اسطمبات لحسابنا وتصنعها فى الصين تحت اشرفنا وده سهل ويكون القطع ارخص وجوده عاليه وكمان اكسسوارات زى البكيتات body kit ,dvd,,etc
يعنى الا عمل الاسبرانزا وهو فى القيد مش حسن مننا

لاحظ أنك كده مش هتشترى قطع غيار أصلية، ودى حاجة هتكون فى صالح التوكيل.


واما بخصوص مراكز الصيانة برده لا قيود من الشركة الام بعد ما السيارة تخرج من الضمان وممكن نبقى معتمدين من التوكيل زى امير وجوزيف.

أمير وجوزيف مركز صيانة وبعدين معتمدين من التوكيل مش من الشركة الأم زى ما انت عايز يعنى برضه بقيت مرتبط بالتوكيل هو اللى هيدليك قطع الغيار وبالسعر اللى بيحدده، وبيتهيألى أنك مش عاوز كده

بص مثلاً عندك شركة نيسان ليها أكثر من مركز صيانة وأكثر من موزع معتمد للشركة أحسنهم السبع وبعدين مودرن موتورز، وكمان تلاقى ياسين وأبو غالى تقريباً، بس دول مراكز صيانة وشغالين من خلال الوكيل الأصلى مش موازيين ليه يعنى الأسعار فيهم قريبة من بعض أسف أقصد متماثلة، وقطع الغيار بيشتروها من الشركة الأم الفرق بينهم فى العمال وطريقة المقابلة وحسن الاستقبال والقرب من مقر عملك أو إقامتك وحاجات تانية كتير؛ فلو ده اللى فى دماغك أنك تكون مركز صيانة ثانى ده هيبقى من خلال الوكيل فى مصر يعنى الموضوع فى إيد عز العرب وما اعتقدش أن دى تبقى فكرة ناجحة لا سيما وإن التوكيل فااااااااشل يبقى منين يجى النجاح.

ولو بتفكر تشتغل لوحدك أو موازى للتوكيل يبقى ممكن تشوف الحل اللى قلت عليه؛ وفى النهاية أنا آسف على التطويل بس حدد فى الأول غرض الشركة وطبيعة نشاطها وبعدين نتكلم فى شكلها القانونى.