سؤال لملاك الملكه

**seadaelbeda** · 26-08-2010 06:24 PM

هى العربيه مرتفعة عن الارض ولا لا لان انا معروض عليا واحده خليجى وعاوز اروح اشوفها بس المشكله كمان انها موديل 93 هل فيه مشاكل فى الموديل ده لانى سمعت انها مفيش فيها بور يعنى بتختلف من موديل 93 ل97 وايه احسن موديل فيهم ارجو الرد للاهميه وشكرا

**mr_sameh** · 26-08-2010 09:38 PM

طبعا هي عربيه ممتازه بس عيبها انها واطيه من الارض

**seadaelbeda** · 27-08-2010 02:01 AM

يعنى كل الشكل ده من93 الى97 واطى من الارض وهل فيه فروق بين الموديلات دى

**Ahmed Galal** · 27-08-2010 08:44 AM

العربية مش واطية قوى كده بس لو مساعدينها تعبانه هاتحس انها قريبة من الارض لكن العادى بتاعها و ارتفاعها الطبيعى موجود فى صورة العربية البيضا اللى فى اللنك ده
Ride height question...Help - Toyota Forums :: Toyota Nation
و الموديلات من 93 ل 97 تنقسم لشقين منها الاوروبى و الخليجى و دول قريبين من بعض و الامريكى و ده يختلف شوية و قليل فى مصر
الامريكى هايتميز باكصداماته الاكبر و البارزة لان تحتيها دعامات قوية و فيه ABS و وسائد هوا و منه بفتحة سقف و عداده بالميل و الكيلو و ده بيخش مصر من بورسعيد عربيات معوقين
الخليجى و الاوروبى زى بعض شوية و لكن موديلات ال 93 فقيرة فى التجهيزات يعنى مش هاتلاقى باور و لا ازاز كهربا فيستحسن تطلع لل 95 لحد ال 97 عشان يبقا فيها الاوبشن ده و ما تقعدش تدور على التركيب برة
غير كده كل موديلات الملكة لا يوجد اى شك فى اعتماديتها و كفائتها و ادائها لكن اهم شىء هو فحص ما قبل البيع و ربنا يوفقك

**engahmedsamy** · 27-08-2010 09:01 AM

عربية محترمة جدا

**amrseba** · 27-08-2010 10:07 AM

عربيه كويسه جدا جدا و معايا جميله جدا و انا عندى اوبشن عالى abs . airbag و مريات كهربا و عداد اربى ام و ديه النسخه اليابانى و كمان الامريكانى مفيهوش اربى ام و سعر اليابانى و الامريكى بيلعب فوق ال 55 الف