استلمت الفلونس الشامبين

**bukla** · 28-08-2010 04:18 PM

الف مبروك ربنا يديك خيرها و يكفيك شرها
بالنسبة لاستهلاك البنزين زى ما الاخوة قالوا لازم تعمل ريسيت بعد التفويل يعنى تفضل ضاغط على الزر (لفوق او تحت) اللى فى الدراع لحد لما العداد يصفر و استنى شوية بعد ما تمشى لغاية ما الكومبيوتر يظبط الاستهلاك علشان يديك قراية مظبوطة دة و انا راجع من الساحل بعد ما فولت عند البنزينة اللى جنب مارينا و بعد ما مشيت حوالى 100 كيلو بقلب فى العداد لقيت الكومبيوتر كاتب انى اقدر امشى 900 كيلو بس دة طبعا فى السفر و بتثبيت سرعة على 100 كيلو\ساعة
اما الكرسى فهو مريح جدا جرب بس وضعيات اخرى مختلفة عن اللى انت عاملها مش الكرسى بس لأ و الدركسيون كمان حاول تنزلة او ترفعة او تشدة ناحيتك او تدفعة للامام لغاية ما يتظبط على راحة ايدك و الكرسى زى ما قال الاخ hermiro فى دراع على يمينك فى جنب الكرسى نفسة بيريح الظهر جدا
و مبروك مرة اخرى

**د.محمود صلاح** · 30-08-2010 04:26 AM

الف مبروك وأحسنت الإختيار .

**ledo7** · 01-09-2010 07:23 AM

...........................

استخدام الأحرف الانجليزية في كتابة اللغة العربية مخالف للقاعدة رقم 6 بند "ب".

يرجى مراجعة قواعد المنتدى

9:52am 1/9/2010
المشرف العام 5

**Trickster** · 01-09-2010 11:20 AM

المشاركة الأصلية كتبت بواسطة tamagogo

ا
اما بالنسبه للكرسي فانا مش عارف اظبطه خالصصصصصصصصصصصصص لعبته كل الالعاب فوق وتحت وقدام وورا وبرضه مش مستريح. انا متضايق جدا وساعات بنزل من المشوار ركبتي سخنه وبعرج مش قادر امشي.

انا ابتديت افكر ابيعها. تجيب كام لو حبيت ابيعها؟

روح التوكيل خليهم يعملوه علشان بجد ده عيب مستحيل يعنى غلب الكارت اللى بيملح بصراحه و الكومبيوتر اللى بيقلب العربيه يعنى هو حضرتك 183 سم مش كتير يعنى العربيه اوروبى مش كورى يعنى عاملين حساب اطوال فوق 2 متر و كده المفروض بالطريقه دى دول يسوقوا و رجلهم بتحك فى الاسفلت ولا ايه؟

**tamagogo** · 01-09-2010 09:28 PM

المشاركة الأصلية كتبت بواسطة trickster

روح التوكيل خليهم يعملوه علشان بجد ده عيب مستحيل يعنى غلب الكارت اللى بيملح بصراحه و الكومبيوتر اللى بيقلب العربيه يعنى هو حضرتك 183 سم مش كتير يعنى العربيه اوروبى مش كورى يعنى عاملين حساب اطوال فوق 2 متر و كده المفروض بالطريقه دى دول يسوقوا و رجلهم بتحك فى الاسفلت ولا ايه؟

بص ياباشا, انا مش عايز الموضوع يسخن الله يكرمك. العربيه ديه عربيتي برضه وانا مش بعيب فيها. لكن انا لما اقارن العربيه وادائها الحلو والاوبشنز الرائعه بركبتي او ضهري بختار ضهري او ركبتي.

انا حاليا بكتب وكتفي شادد عليا وضهري وجنبي بيوجعوني.

ممكن اتعود عليها كمان شويه ويمكن اعرف اظبطها, انا هصبر عليها شويه كمان وهروح التوكيل على الالف كيلو عشان يظبطوهالي لكن لو فضل ضهري وركبتي بتوجعني يبقى اكيد هختار راحتي.

**Waleed_Fathy** · 02-09-2010 04:27 AM

ربنا يبارك ليك فى العربيه و يكفيك شرها و يعطيك خيرها

انا حصل تقريبا معايا موضوع مشابه لموضوعك
انا عندى مشكله فى عضلات الرقبه عندى و دية مشكله ليها اكثر من 6 سنين
و توصيات الدكاتره انى مسوقش و لا اقعد على كمبيوتر لفترات طويله

و لما جبت العربيه قعدت كام يوم اروح البيت هبكى من الوجع و الصداع اللى سببه عرفته بعد كده الا و ان الكرسي مكنش مضبوط
ربنا وفقنى و قعدت العب فى وضعية الطاره و الكرسي و درجة ميل الظهر لحد ما وصلت لوضعيه الحمد لله مريحه جدا
و دلوقتى بسوق بنفس معدلات السواقه بتاعتى و مافيش مشاكل الحمد لله

**engahmedmahfouz** · 02-09-2010 04:49 PM

انا طولي 168 cm و مدلع في الكرسي

عرفتو فايدة القصر إيه بقى؟

**tamagogo** · 03-09-2010 12:18 AM

المشاركة الأصلية كتبت بواسطة waleed_fathy

ربنا يبارك ليك فى العربيه و يكفيك شرها و يعطيك خيرها

انا حصل تقريبا معايا موضوع مشابه لموضوعك
انا عندى مشكله فى عضلات الرقبه عندى و دية مشكله ليها اكثر من 6 سنين
و توصيات الدكاتره انى مسوقش و لا اقعد على كمبيوتر لفترات طويله

و لما جبت العربيه قعدت كام يوم اروح البيت هبكى من الوجع و الصداع اللى سببه عرفته بعد كده الا و ان الكرسي مكنش مضبوط
ربنا وفقنى و قعدت العب فى وضعية الطاره و الكرسي و درجة ميل الظهر لحد ما وصلت لوضعيه الحمد لله مريحه جدا
و دلوقتى بسوق بنفس معدلات السواقه بتاعتى و مافيش مشاكل الحمد لله

الحمد لله انك قدرت تظبط الكرسي وربنا يفرحك بيها
تقدر تفيدنا بالوضعيه التقريبيه للكرسي

الموضوع: استلمت الفلونس الشامبين

LinkBack

أدوات الموضوع

عرض

-

-

-

المواضيع المتشابهه

دايخ على سينسور بارك باللون الشامبين

مشكلة في الفلونس

انا جبت الفلونس

ممكن وضع صورة للون الشامبين في الفنتازيا

اللون الشامبين فى الالنترا

الكلمات الدلالية لهذا الموضوع

المفضلات

المفضلات

ضوابط المشاركة