ان شاء الله يوم الاتنين حروح مبني وزارة الزراعة اللي في الدقي
انا معرفش اي حاجة في القاهرة وحاجي من الاسكندرية اطلع صحراوي ولا زراعي واوصل هناك ازاي؟؟
عرض للطباعة
ان شاء الله يوم الاتنين حروح مبني وزارة الزراعة اللي في الدقي
انا معرفش اي حاجة في القاهرة وحاجي من الاسكندرية اطلع صحراوي ولا زراعي واوصل هناك ازاي؟؟
بص أنا هقولك أسهل و أضمن طريقة أعرفها بالنسبة ليك طبعا لو فى حد من الأعضاء يقدر يفيدك بحاجة تانية ياريت بص ياسيدى
1- تأخد الصحرواى وتطلع المحور
2- تأخد المحور لحد 15 مايو(تخليك على الكوبرى يعنى ماتنزلش) وتكمل لأخر منزل خالص( الكوبرى هينزل بيك) هتلاقى نفسك فى حته شعبية شوية وشارع ضيق دى أسمها (الوكالة)
3 - غصب عنك أجبارى هتكمل لحد أخر الشارع ده وتأخد يمين معاه شوية و هتلاقى نفسك دخلت ميدان كبير ده ميدان التحرير
4 هتلاقى مطلع كوبرى فى وشك ده كوبرى أكتوبر أطلعه لحد أخره (زى إللى فات )
5 - بعد ماتنزل أخر نازلة خالص تأخد أول يمين
6 - أسئل أى حد وزارة الزراعة فين هيشورلك عليها
أتمنى أكون قدرت أفيدك بس دى أسهل حاجة ممكن أفكر فيها ومافيهاش لخبطة كتير
اقتباس:
المشاركة الأصلية كتبت بواسطة artyboy
طيب هل في موقف مشاريع اروح له ويكون في مشروع بيروح الحتة دي امشي معاه
اقتباس:
المشاركة الأصلية كتبت بواسطة artyboy
باشا يا ريت تقولي قد اية وقت مع العلم اني حطلع من اسكندرية الساعة 5 فجراَ
(طيب هل في موقف مشاريع اروح له ويكون في مشروع بيروح الحتة دي امشي معاه)
هو فى ميكروباصات ده طريقها بس ما ضمنش ممكن تمشى ورا ميكروباص غلط تلاقى نفسك فى رمسيس ولا حاجة فا ما فيش داعى
(باشا يا ريت تقولي قد اية وقت مع العلم اني حطلع من اسكندرية الساعة 5 فجراَ)
بكره الجمعة ورمضان فا أن شاء الله هتكون الدنيا رايقة و بالنسبة لتاخد قد إيه فا تقريبا ساعة إلا ربع من ساعة ما تطلع المحور فى أتجاة القاهرة طبعا
اقتباس:
المشاركة الأصلية كتبت بواسطة artyboy
حروح يوم التلات القادم مبني الوزارة
(حروح يوم التلات القادم مبني الوزارة)
خلاص يبقى أنت ونصيبك بقا بس بردوا ماعتقدش هتبقى زحمة لأنك هتصول بالكتير الساعة 8 وده بدرى برضوا و أى أستفسار أنا تحت أمرك
اقتباس:
المشاركة الأصلية كتبت بواسطة artyboy
شكرا لردك وفي انتظار مزيد من الردود
اولا توصل بالسلامة ان شاء اللهاقتباس:
المشاركة الأصلية كتبت بواسطة mohamed2002
بس علي فكرة الميكروباصات في القاهرة مش بيحبو حد يقول مشاريع عليهم خالص
فا خد بالك علشان لو جيت تسئل حد حتي وقولتله المشروع مش هيبقي فاهم قصدك
شكرا لردك لكن هل في موقف ميكروباصات فيه ميكروباص يودي وزارة الزراعة؟اقتباس:
المشاركة الأصلية كتبت بواسطة abdo_general
والله بصراحة انا مش عارف
بس اتمني حد من الاعضاء يرد عليك ويفيدك في اقرب وقت
اقتباس:
المشاركة الأصلية كتبت بواسطة abdo_general
شكرا ليك وفي انتظار ردود الاعضاء
انا شغلى فى الدقى وساكن على شارع الهرم ( فى مكروباس بيروح هناك انت تقول له وزارة الرزاعة عتنزل بعد كوبرى الدقى عند بن شاهين )
ومن هناك عتمشى مسافه مش كتير من 3 الى 8 دقائق تكون فى الوزارة ولو سألت اى احد هناك عيقول لك
اقتباس:
المشاركة الأصلية كتبت بواسطة mahgary
باشا انا جاي من اسكندرية ومعرفش حاجة في القاهرة وعاوز اوصل لموقف مشاريع يكون فيه مشروع يوصل لمكان الوزارة عشان امشي وراه
هل المسافة من الدقي للحسين بعيدة؟
أنا مش فاهم تحديداً .. انت جاي من الإسكندرية بسيارة ولا مواصلات
الأرجح بسؤالك عن المشروع إنك جاي مواصلات
لو جاي من اسكندرية الصحراوي لحد رمسيس تبقى الحكاية محلولة جداً
من رمسيس عند مترو مصر الجديدة ميكروباصات بتروح بولاق الدكرور بتعدي قدام وزارة الزراعة
لو مفيش أو اتأخرت وعايز تركب حاجة سريعة يبقى مترو الأنفاق حتى محطة الدقي اتجاه الجيزة
ومن محطة الدقي حوالي 5 دقائق مشي في شارع الدقي هاتكون عند وزارة الزراعة
لو جاي صحراوي لحد الهرم وبس
هتركب ميكروباص الدقي من الهرم هاينزلك عند وزارة الزراعة
لو ملقتش اركب ميكروباص المؤسسة وده بيروح المؤسسة عن طريق كوبري أكتوبر فبيعدي على وزارة الزراعة قبل طلوع الكوبري .
لو ملقتش اركب ميكروباص بولاق أو لواء أو امبابه وانزل عند آخر شارع جامعة الدول ومن هناك تاكسي بخمسة جنيه للوزارة أو تمشية صغيرة من محيي الدين أبو العز وشارع نادي الصيد حتى الوزارة وهتاخد حوالي ربع ساعة مشي فقط .
لو جاي بالسيارة يبقى أسهل شيء صحراوي ثم محور 26 يوليو
هيقابلك كوبري 15 مايو تطلعه ، وتنزل الزمالك أول نزلة شمال ، وراعي أن تكون محضن يمين علشان فيه ثلاث مطالع قبل المنزل ده .
هاتنزل الزمالك تمشي طوالي لا يمين ولا شمال لحد ما يقابلك كوبري أكتوبر .
هاتطلعه وتكمل طوالي لحد نهايته تماماً وتنزل ، أول شارع يمين بعد منزل الكوبري هو شارع وزارة الزراعة
وتوصل بالسلامة
الدقي مش بعيد عن الحسين لو بالمترو هاتركب وتنزل محطة العتبة ، ومن هناك فيه تاكسيات 7 راكب بجنيه واحد لحد الحسين .
لو بالعربية هاتطلع كوبري أكتوبر ، وتنزل بعد النيل مباشرة يمين إلى وسط البلد ..
ملحوظة بعد النيل فيه منزل يمين على الكورنيش تسيبه ، ومنزل تاني جنب سور المتحف تسيبه برضه ، لكن الكوبري لما يتقسم يمين وشمال خد يمين وانزل ..
بعد حوالي 100 متر هتلاقي شارع عبد الخالق ثروت على يمينك وفيه نقابة الصحفيين والمحامين ونادي القضاة خش فيه لحد آخره
هتلاقي نفسك في ميدان الأوبرا
وهتلاقي كوبري ونفق ، اطلع الكوبري .. نهاية الكوبري هي ميدان الحسين ، وفي بارك في آخر الشارع جنب مستشفى الحسين .
اقتباس:
المشاركة الأصلية كتبت بواسطة د.أحمد سمير
شكرا لردك يادكتور احمد وانا رايح بالعربية بس كان قصدي امشي ورا مشروع يكون رايح عند وزارة الزراعة دة قصدي
في انتظار مزيد من الردود
هو نصيحة بجد
في القاهرة
فكرة ان انت تمشي ورا ميكروباص علشان توصل هتتعبك اوي
هو احسن حل قدام انتي جاي بالعربية
تاخد الوصفة زي ما الاعضاء قالولك الطريق وانت ماشي برضه
اسئل اي عربية ملاكي او تاكسي كل شوية
علشان تتأكد ان انت ماشي تمام
وتوصل بالسلامة ان شاء الله