الموضوع: مشكله في فتيس كليو 2003

أولاً الحمد لله و قدر الله وما شاء فعل
ثانياً كنت في مشوار علي طريق الصعيد الزراعي والحمد لله المطبات هناك زي الفل المهم أنا بحاول أعدي سواق ميكروباص عماني بدخان عربيته والمشكله إن الكلام ده كان في حدود الواحده صباحاً وبعدي من ملف وفجأه مطب زي الفل فسمعت خبطه أسفل السياره
المهم عرفت بعد كده إن الفتيس هو اللي إتخبط من تحت وبينقط زيت من ناحية العصايه والميكانيكي اللي بتعامل معاه واضح إن إمكانياته علي قده فنصحني أسيبها كده وكل شويه أروحله يكشفلي علي الزيت ويزوده إذا كانت محتاجه لكني بصراحه معرفشي أتعامل مع العربيه وانا عارف إن فيها مشكله فياريت لو حد من الأعضاء يقدر يساعدني بميكانيكي كويس يبقي مشكور جداً علي فكره انا ساكن في ارض اللواء وبلاش حد يقوللي روح لسيد لأنه بصراحه له سابقه معايا مش كويسه بالمره
معلهشي طولت عليكم ولو حد يقدر يدلني علي حد بينضف الرشاشات كمان
بشكر كل واحد حاول يهتم بمشكلتي سواءً قدر يساعدني أو لم يستطع
علي فكره أنا كنت قريت هنا قبل كده إن زيت الفتيس بتاع العربيه ديه صعب تلاقيه أنا بالصدفه لقيته في سبينس اللي موجدو في سيتي مول وهو 80w90 من توتال

المشاركة الأصلية كتبت بواسطة albasha

بشكرك جداً pioneerahmed علي إستجابتك وفعلاً واحد سواق تاكسي وصفهولي قبل كده وقاللي إنه خلف مسجد النور المحمدي
وبشكرك تاني إنك طمنتني إنه ميكانيكي كويس والواحد يروحله وهو مطمن

يا باشا العفو