الموضوع: ( بوسة غشيمة شوية للينيا )

المشاركة الأصلية كتبت بواسطة yoko

أولا حمد الله على سلامة الوالد وفعلا فيه كمره صلب تحت الإكصدام زي ما قال سمسم

معلش تعديل بسيط مصر للتأمين وقناة السويس الإتنين تبع التوكيل بتروح التوكيل تطلع فوق بعد ما تسلم العربيه أول ما تطلع السلالم على الشمال تدخل تقولهم عايز إخطار حادث وبعد متعمله بشويه هتيجي موافقة مبدأيه ةوتمشي وتابع معاهم في التليفون لحد ما تخلص العربيه وتتعاين تروح التوكيل تاخد الفاتوره والقطع البايظة وتروح التأمين وتاخد منهم وصل مخصوم منه نسبه التحمل وترجع على التوكيل تديهم الوصل وتدفع نسبتك وتاخد العربيه وتمشي

أما لو تأمين مختلف بتروح التأمين تعمل معاينه وإخطار حادث وتروح بعدها التوكل تعمل العربيه وتدفع تمنها وتاخودها تروح التوكيل تديهم قطع الغيار وتعمل معاينه بعد الإصلاح وهيقولولك تيجي بعد فتره (من 3 أيام لشهر حسب التأمين) وتروح تستلم منهم شيك بالمبلغ

شكرا يوكو على معلوماتك الحلوة بس انا عايز اعرف هل لازم محضر و الكلام ده ولا ممكن اروح على طول اخلص الحاجات اللى انت قولت عليها دى ؟
و هل لازم العربية تتصلح فى وقتها ولا ممكن تمشى شوية ولا اية ؟

المشاركة الأصلية كتبت بواسطة yoko

إنت تبع تأمين إيه لو قناة السويس مفيش محضر لو العربيه هتكلف أقل من 10 الاف جنيه وأكيد الموضوع موصلش لنصهم حتى

الحمد لله الخسائر كلها فى الاكصدام و نمرة العربية يعنى ممكن الاكصدام يترش او هايتغير كله دى اقصى حاجة ممكن تتعمل ان شاء الله ( ده لو مفيش حاجة مستخبية ربنا يستر )
بالنسبة للتأمين انا مش عارف و الله والدى هو اللى خلص ورق العربية فا هاعرفلك انا مأمن مع مين و هاقولك

المشاركة الأصلية كتبت بواسطة ahmadmidop

يلا قدر الله ماشاء فعل معلش ياميدووو ....... وحمد الله على سلامة الوالد

الله يسلمك يا حبيبى شكرا على مشاركتك و ربنا يكفيك شر البلاوى اللى غرقت البلد دى
و الحمد لله على كل شىء

المشاركة الأصلية كتبت بواسطة yoko

تمام ومتخفش الإكصدام فيه كمرا صلب (هتشوفها بنفسك في التوكيل)

شكرا يا يوكو
معلش انت عديت سؤال ما جاوبتش عليه يا يوكو :b4_611:
هل لازم العربية تتصلح فى ساعتها ولا ممكن اأجلها شوية ؟