تجريح الزجاج من المساحات ، ليها حل؟

**doglas** · 09-03-2008 11:10 AM

السلام عليكم

عندى تجريح بسيط على الزجاج الأمامي من المساحات القديمة اللى باظط و انا مش واخد بالى لحد ما جرحت الزجاج بشكل نصف دائرة

هل فيه حل ليها او تصليح زى شروخ الزجاج كدة ولا لأ
و أيضا عندى نقرة من زلطة كبيرة وقعت من عربية نقل ضغطت الزجاج على شكل دائرة صغيرة (قطرها حوالى واحد سنتيمتر) ولكنها لم تشرخه

**memo_hefnawy** · 09-03-2008 11:16 AM

النقرة ليها حل - روح لدكتور خالد لتصليح الشروخ - فيه فرع فى جامعة الدول و فرع فى المرغنى مصر الجديده - باقى الفروع مش فاكر فيين

لكن التجريح أعتقد مفيش حل

و النقرة لازم تعملها عشان الزجاج مايتشرخش مع الوقت

**Moh.Fahmy** · 09-03-2008 11:26 AM

النقرة يا استاذي بيبقي ليها حل انما تجريح الزجاج ده اللي اعتقد انه لازم يتغير و ده نتيجة ان الزجاج اتصنفر ..لانه بيبقي عليه تراب و ممكن حضرتك شغلت المساحة علي الناشف فصنفرت التراب في الزجاج
الموضوع ده المصنعون ظبطوه في الموديلات الحديثة و عشان تغسل الزجاج الغسالة تشتغل الاول و بعد كده المساحات
لذلك في حاجة ناس كتير ما بتهتمش بيها الا وهي مياه الغسالة الزرقاء لانها مهمة جدا عشان بتحافظ علي الزجاج و كاوتش المساحة و موتور الغسالة من تمليح المياه العادية لان المياه الزرقاء بتكون متعادلة

محمد فهمي

**doglas** · 10-03-2008 01:21 AM

شكرا يا جماعة على المساعدة

ب بالنسبة للنقرة هى الزجاج إنضغط و ليس إتشرخ !!
انا مش عارف أشرحها إزاى .. يعنى مفيش اى شرخ تماما ولا حتى ملي متر ، دى دائرة قطرها 1 سم تقريبا أصبح سمكها أقل من سمك باقي الزجاج (إنضغطت)

**meza** · 10-03-2008 01:38 AM

المشاركة الأصلية كتبت بواسطة doglas

شكرا يا جماعة على المساعدة

ب بالنسبة للنقرة هى الزجاج إنضغط و ليس إتشرخ !!
انا مش عارف أشرحها إزاى .. يعنى مفيش اى شرخ تماما ولا حتى ملي متر ، دى دائرة قطرها 1 سم تقريبا أصبح سمكها أقل من سمك باقي الزجاج (إنضغطت)

كده يبقى فى حتة طارت من الزجاج
لكن مش إضغطت ... لأن ده زجاج مش بلاستيك

و طبعاً لازم تعالجه لأن كده الشرخ هيبقى أسهل

**M.Mokhtar** · 10-03-2008 03:36 PM

المشاركة الأصلية كتبت بواسطة memo_hefnawy

النقرة ليها حل - روح لدكتور خالد لتصليح الشروخ - فيه فرع فى جامعة الدول و فرع فى المرغنى مصر الجديده - باقى الفروع مش فاكر فيين

لكن التجريح أعتقد مفيش حل

و النقرة لازم تعملها عشان الزجاج مايتشرخش مع الوقت

ده هزار ولا بجد
ولو بجد فى تصليح لنقر الزجاج مين اللى بيعملها وايه العنوان بالظبط؟

**memo_hefnawy** · 10-03-2008 03:43 PM

إللى بيصلحها محلات (دكتور خالد)

إتصل بالدليل و إسأل على محلات دكتور خالد لتصليح الزجاج و فعلا بيصلح كل الشروخ و بيدى على التصليح ضمان كمان

فى جامعة الدول قريب من فرغلى على ما أفتكر و فى المرغنى مش فاكر فين بالظبط و فى إسكندرية و فى أماكن كثيره لما تجيب التليفون هاتعرف منهم بالتفصيل و ساعات بينزل ليهم إعلان فى ملحق الأهرام فى الصفحة رقم 2

**Ahmad Allawy** · 17-03-2008 09:32 PM

ليهم فلرع في المنيل فيق الشارع اللي قبل متحف الميل.. الشارع اللي قدام كلية طب اسنان القاهرة.. لما تخلصض الشارع ده هتلاقيه قدامك بالعرض..
وليه فرع في المقطم في شارع 9 في عمارات البترول..دلو اللي شوفتهم..

**elayat** · 18-03-2008 05:15 PM

المشاركة الأصلية كتبت بواسطة borgelharm

لذلك في حاجة ناس كتير ما بتهتمش بيها الا وهي مياه الغسالة الزرقاء لانها مهمة جدا عشان بتحافظ علي الزجاج و كاوتش المساحة و موتور الغسالة من تمليح المياه العادية لان المياه الزرقاء بتكون متعادلة

محمد فهمي

المياه الزرقاء دى بتتباع فين وبكام تقريبا
وشكراً على تعاونك

**tohamy007** · 18-03-2008 05:25 PM

هو بخصوص النقرة خلاص الشباب قالولك على الحل وهو موضوع سهل وبسيط وخلال دقايق عن ( دكتور خالد ) بتكون المشكلة اتحلت اما بخصوص التجريح انا بقولك حل ممكن بنسبة كبيرة ينجح معاك لو مكنش التجريح عميق اووي يعني .. وهو انك تروح لواحد بتاع دوكو ويحطلك بولش خشن على مكان التجريح ويبدأ يلمع بقطن ويتك عليها اووووي ودي طريقة ممتازة للمشكلة دي ولو مش راح نهائي عالاقل بيقل وبيكون مش ظاهر نفس الاول .... اتمنى تنجح معاك الطريقة دي