لمبه الهاند ..............منورة؟

**dr_raveheart84** · 27-08-2010 10:36 PM

الف شكر ياجماعه هجرب مع موضوع زيت الفرامل وهقولكو

**Adham** · 27-08-2010 10:42 PM

اكبر غلط انك تزود زيت الفرامل

لانة لو ناقص بسبب ان التيل عايز يتغير مش حايحل الموضوع

و لما تغير التيل الزيت حايطفح من العلبة لو نسيت تسحب منة بالسرنجه (شغلانة بقى)

و لو كان ناقص بسبب ان فية تسريب من خرطوم باكم برضة العيب ماتحلش و الخرطوم دة ممكن يضرب في اي وقت و ماتلاقيش فرامل تحت رجلك

ابدأ بالكشف عالتيل الامامي لو ناقص كتير غيرة

لو كويس يبقى شوف اي تسريب من الخراطيم او اللواكير بتاعه الباكم

**cardevil** · 27-08-2010 10:52 PM

المشاركة الأصلية كتبت بواسطة dr_raveheart84

لمبه الفرامل بتنور وانا ماشي مع اني منزل الهاند
وساعات لما اخد مطب بتطفي شويه وتنور تاني
ايه السبب؟

بص ياسيدى انا الموضوع دة حصل معايا في عربيتى السابقة الموضوع اللى كان عندى هو ان التيل اللى ورا كان عايز يتلجلش علية يعنى المكانيكى يفك الطنابير اللى ورا ويعمل عملية نظافة وسنفرة للتيل ويعيد على اللجلاش بتاع الفرامل وجرب وشوف ...

وخلى بالك لو لقيت الزيت ناقص في قربة زيت الفرامل متزوتش الزيت الا لما تعمل الفرامل اللى ورا عشان التيل ساعتها بيكون فاتح بمعنى ان العربية عندها احساس ان الفرامل حد دايس عليها فالزيت بالتالى بيكون شغال جوا مواسبر الماستر بتاع الفرامل فلما يتعمل اللجلاش بتاع الفرامل بالتالى الزيت حيرد تانى لقربة الزيت وشوف وان شاء الله بسيطة

اسف على الاطالة وتقبل مرورى

**aYaBooY** · 28-08-2010 01:34 AM

الاخ صاخب الموضوع انت مش كاتب نوع عربيتك ايه
اولا كلام الاخوة عن مشكلة زيت الفرامل كلام مظبوط و المفروض يتراجع على مكونات الفرامل كويس و يتشاف فيه تسريب ولا مجرد تيل منتهي
الاحتمال التاني لو عربية حضرتك الدبرياج بتاعها باكم مش واير ممكن يكون الماستر بتاعة مسرب او الماستر الداخلي و طبعا لو سكت عليه هايفصل مرة واحدة و يبقي مفيش دبرياج

**nice_bird** · 28-08-2010 07:01 AM

إما التيل او الزيت عن تجربه

**dr_raveheart84** · 28-08-2010 02:57 PM

المشاركة الأصلية كتبت بواسطة ayabooy

الاخ صاخب الموضوع انت مش كاتب نوع عربيتك ايه
اولا كلام الاخوة عن مشكلة زيت الفرامل كلام مظبوط و المفروض يتراجع على مكونات الفرامل كويس و يتشاف فيه تسريب ولا مجرد تيل منتهي
الاحتمال التاني لو عربية حضرتك الدبرياج بتاعها باكم مش واير ممكن يكون الماستر بتاعة مسرب او الماستر الداخلي و طبعا لو سكت عليه هايفصل مرة واحدة و يبقي مفيش دبرياج

العربيه اكسيل 95
طب اعرف ازاي الدبرياج باكم ولا واير؟
علي فكرة العربيه بقالها فتره بتنقط زيت من تحت بس نسبه بسيطه مش عارف لها علاقه بالموضوع ولا لا

**Adham** · 28-08-2010 03:04 PM

روح لميكانيكي يشوف الزيت اللي بينقط دة منين و ماتسكتش علية لانة لو زيت باكم يبقى انت في دايرة الخطر

و لو زيت موتور او زيت باور مش زيت باكم يبقى غير الجوان اللي بيرشح

و خللي الميكانيكي بالمرة يرجلشلك تيل ورا و يكشف على تيل امامي لو خلصان غيرة

**aYaBooY** · 28-08-2010 07:37 PM

المشاركة الأصلية كتبت بواسطة dr_raveheart84

العربيه اكسيل 95
طب اعرف ازاي الدبرياج باكم ولا واير؟
علي فكرة العربيه بقالها فتره بتنقط زيت من تحت بس نسبه بسيطه مش عارف لها علاقه بالموضوع ولا لا

الاكسيل على ما اذكر دبرياج باكم لكن الدبرياج ليه قربة زيت مستقلة مش زي عندي و موضوع الزيت الي بينقط من فين بالظبط

**tamer_a7** · 29-08-2010 12:44 PM

لا الاكسيل وير
اللي باكم الانجيكشن الاتوماتيك ودي قليله جدا

**dr_raveheart84** · 29-08-2010 10:04 PM

الف شكر يا جماعه ليكو
انا هقولكو عاللي عملتو عشان تعم الفايده باذن الله
انا روحت للميكانيكي لقي زيت الفرامل ناقص شويه
كشف عالتيل لقي فيه نصه تقريبا روحت مغير الطقم كله والزيت رجع مضبوط
نبص بعد كده ......برده اللمبه منوره
بعد محاولات كتيره اكتشفنا ان الطرمبه اللي في علبه زيت الفرامل مزرجنه مبتتحركشي
وديه كان السبب لما نضفناها اللمبه بقت مش بتنور

الموضوع: لمبه الهاند ..............منورة؟

LinkBack

أدوات الموضوع

عرض

-

-

-

-

-

المواضيع المتشابهه

لمبة abs منورة مع لمبة الهاند بريك

لمبه الهاند بريك

لمبه الهاند بترعش

لمبه الهاند بريك

لمبه التشيك منورة على طول

الكلمات الدلالية لهذا الموضوع

المفضلات

المفضلات

ضوابط المشاركة