انا عارف الموضوع قتل بحث بس انا تعبت من التفكير ومش عارف اختار وقلت اخد راى الى جاب العربيه ؟
اكتر حاجه عجبانى فى الكروز شكلها من جوه ومن بره بس السيراتو بعد كده شايفها تكسب
انا عارف الموضوع قتل بحث بس انا تعبت من التفكير ومش عارف اختار وقلت اخد راى الى جاب العربيه ؟
اكتر حاجه عجبانى فى الكروز شكلها من جوه ومن بره بس السيراتو بعد كده شايفها تكسب
باشا استخير واعمل اللي قلبك مرتحلو، بس انا هقولك على موقف وتخيل معايا
انت معزوم على فرح مع مراتك ف فندق كبير، تحب تظهر ف عربية شكلها ايه؟ اصل كل العربيات الغرض منها واحد لكن البرستيج بيفرق معايا (زي ما قلت قبل كده انا متربي في الخليج وبقدر العربيات الكبيرة)
السيراتو جميلة وبجد مليانة اوبشنز بس فكر انت محتاج ايه فعلا.. انا فعلا رحت للكروز عشان شكلها احلى واوسع وراسية كدة وشكلها كأنها طالعة من خناقة مع 6 اسود ولسه عايزة تتخانق
وخد بالك بعد التعديلات الاخيرة الكروز بقت اغلى
الكروز = امان دي واخدة خمس نجوم بالدرجات النهائية في كل اختبارات التصادم
طبعا انا عارف ان في ناس هتقول مش هي دي نفس العربية التانية 6 ايرباج وكدا ولكن الصاج والتقفيل واللحامات في الشاسية واحدة وانا عايز اقول عن كام موقف حصلي اثبتلي فعلا ان العربية صاجها جامد جدااااااااااااا
دا كفاية قفلت الباب تحس انة باب عمارة مش عربية هههههههه
:mad2:يا باشا السيراتو مليانة اوبشنز كثيرة وشكلها حلو لكن عربية ورق امسك باب الكروز وباب السيراتو وانت تعرف
this is the reply of mr hossam_zaky
أنا معايا نيسان صني 2009 ex أتوماتيك و ناوي علي السنة الجديدة أغيرها و بتكلم في نفس السعر اللي بتفكر فيه و كنت من أشد المعجبين بالسيراتو لحد ما بحثت كتير و وصلت أن الكروز أرقي منها بكتير علما أن كان نفسي في الجيتا زي اللي مع أخويا لكن لقيت أقرب حاجة لمواصفات الجيتا كانت الكروز عشان
- لو أنت بحثت علي النت حتلاقي في أوروبا مقارنة الكروز بتكون بالجيتا و الأوكتافيا ( مع فارق السعر كأفضلية و ملاحظة أن الأوكتافيا اسمها في أوروبا لورا )
- فتيس الكروز أتوماتيك 6 نقلات ( السيراتو 4 بس عشان كدة الناس بتشتكي صو ت الموتور بيعلي بعد ال120 )
- توفير الكروز في البنزين عالي جدا زي الجيتا عشان الفتيس 6 نقلات ( عن تجربة في الجيتا )
- سرعة قصوي للكروز أعلي من السيراتو ( عندك نقلتين في الفتيس أكتر من السيراتو )
- ثبات الكروز عالي جدا بيقترب من ثبات الجيتا ( عرفت عن طريق البحث عن المقارانات علي يوتيوب )
- الكروز مريحة جوة البلد و في المطبات راحة معقولة
- عفشة الكروز تصميمها متقدم جدا و دة السبب في الثبات علي السرعات العالية مع راحة في المطبات و السواقة حوة البلد
- عفشة السيراتو تقريبا كيا وفرت فلوس تصميمها و أكتفت بتصميم تقليدي جدا عبارة عن ( قنطرة في الخلف ماسكة العجلتين ) و عشان تكون ثابتة علي السرعات العالية خلت المساعدين و السوست ناشفة( بتعبير تاني بيسموها رياضية ) لكن سواقتها داخل البلد أو في المطبات بتكون شوية متعبة لأنك بتحس بالمطبات و اللي قاعد ورا بيتضايق ( عن صديق يملك السيراتو جنط 16 )
- و زود علي كدة أنتشار السيراتو و تميز الكروز و ده وجهة نظر شخصية
- مع ملاحظة أن شنطة الكروز و السيراتو قريبين من بعض بس أعتقد شنطة الكروز ممكن تكون أقل في العملانية شوية و ده محتاج منك زيار تشوف بعا العربيتين علي الطبيعة
انا معيش دي ولا ديه لكن معظم الكلام ده مش مظبوط!!!
اقتباس:
المشاركة الأصلية كتبت بواسطة ahmedbeirut123
الناس الى بتقول ان الكروز ثابتة ما طبعا لازم تبقى ثابته بسبب الحجم بتاعها و عرضها و وزنها يعنى مش ابداع
انما عربية زى الجين 2 لما يتقال عليها ثابتة جدا ده الى يعتبر شىء كويس لان العربية حجمها مش كبير
اص كل ما واحد صاحبى و حتى اخويا لما يجربو الكروز يعدو يقولو انها ثابتة و ماسكة نفسها
الموضوع دا فيه كلام كتير بس الي اقدر اقولهولك ان الموضوع دا موضوعك انتا فقط لاغير روح للي تستريحلها اكتر العربيتين حلوين علا قد فلوسهم
انا عن نفسي بحب الكروز اكتر بكتيير
و انصحك باالموضوع ده لو حابب الكروز
http://www.nilemotors.net/Nile/175625-a.html
توكل على الله و خد الكروز و مش هتندم
ده رأيى
لكن الرأى ليك و اللى أنت مستريح له
برضة العربية دى زى القميص و البنطلون لازم تشتريهم على زوقك
الفكره انى مش عايز امشى بالمستريحلو وخلاص الكروز انا سقتها وظريفه بس موتو ر ضعيف وباين قوى بس هى عجبانى وفخمه جدا بس بعد كده سعر اعادة البيع هيكون فى الارض السيراتو برده سوقتها كتير وهى ناشفه شويه بس مش وحشه والاهم ان سعر اعادة البيع كويس ومشاكل الصيانه اقل
ربنا يسهل بقى
اقتباس:
المشاركة الأصلية كتبت بواسطة mido
انت ليه متوقع سعر اعادة البيع للكروز في الارض !!؟؟؟
علشان هما اصلا مش عارفين يبيعوها جديده :) وبعد العرض ما يخلص وتغلى محدش هيشتريها تانىاقتباس:
المشاركة الأصلية كتبت بواسطة nouranwar
اقتباس:
المشاركة الأصلية كتبت بواسطة mido
بص يا باشا الناس مكنتش بتشتري العربية ديه عشان هما كانوا شايفنها غالية ...و كمان مقلقين من منصور
بلعكس ممكن يكون العرض ده يخلي الطلب عليها يزيد بعد العرض كمان......!!
حتقولي ليه؟؟ عشان منصور عامل العرض ده عشان الغرض منه ان الناس تجرب العربية و تشوفها و اللي جابها و جربها يحكي عنها
يعني مثلا هنا في المنتدي كان كل المواضيع عن الكروز كانت بتقول (( انا سمعت ان العربية فيها عيوب......ده بيقولو ان العربية ميتة علي الارض........انا سمعت ان ثباتها مش عالي ولا حاجة...)) كل ده عشان اصحابها قليلين جدا
لكن لسا في عضو جديد اشتري العربية قريب اسمه استاذ كمال kamalsalim و بعد اما جابها و جربها شكر فيها جدا و عمل تقرير رائع عنها...خلي الناس و انا واحد منهم بنصح بشراء العربية ديه...بعد اما كنت الاول اي حد يسألني عليها اقوله مش عارف في ناس بتقول انها مش حلوة......!!
انا رأيي ان العربية ديه في سنة 2011 مبيعاتها حتزيد لأنها بدأت تنتشر بعد العرض اللي الحصل ده و الناس شافتها كتير في الشارع.......و بالتالي حتبقي من ضمن اختيارات الشراء....يعني سعر اعادة البيع حيبقي كويس
والله عندك حق برده النهارده هروح اشوف ابو غالى كان عامل عرض تقسيط بدون فايده وبرده هشوف لو سعر السيراتو استلام فورى نفس سعر التوكيل ولا غاليه كتيرعنه وربنا يكرماقتباس:
المشاركة الأصلية كتبت بواسطة fawzyyyy
اقتباس:
المشاركة الأصلية كتبت بواسطة mido
ربنا يوفقك في الاختيار ان شاء الله
والله العربية مظلومة، 8 عربيات مانوال ف 2500 ف أول دفعة بس يطلع فيهم عيب والوكيل يطرمخ عليهم نقوم نقول عليها عربية وحشة؟
العربية والله ما ضعيفة واتفضلو معايا ف اي حتة ونشوف بتجري ولا لأ
+11111111111111111111111111111اقتباس:
المشاركة الأصلية كتبت بواسطة fawzyyyy
انا معايا نيو سيراتو المانيوال
لو انتا عايز عربية
فى الشد و الجرى
الشياكة و الشكل الهجومى
امكانيات و اوبشنز
يبقى السيراتو
انا هقولك على موقف حصل معايا
قبل ما اشترى كننت محتار ذيك كدة بين الكروز المانيوال و السيراتو
روحت معرض اتوماك 2009 و شوفت الاثنين ولفت انتباهى للكروز حاجة سخيفة اوى
الزجاج نتاع العربية المفروض انة كهربا بس لاقيت الزجاج الامامى بس كهربا والخلفى بكرة من النوع الرخيص اوى 1.5 ج
سالت السيلز مان على الحكاية دية ولكن هو نفسة مش لاقى تفسير
و على العموم ربنا يبركلك فى اى واحد وممكن الناس تكون كلة مش مستريحة للعربية بس فى عينك هى احلى عربيى
واسف على الاطالة شكررررررررررررررررررررررر رررررررررررررررر
ربنا يباركلك يا باشا بس الكروز المانوال 4 زجاج كهرباء، انت كده بتتكلم عن اول دفعة نزلت مصر خالص، حتى الخليجي كان فيه منه زجاج يدوي ورا. كل ده اتغير دلوقتي.اقتباس:
المشاركة الأصلية كتبت بواسطة bmwx5
مبروك على سيادتك السيراتو. عربية تحفة ف نظري والله.
ان شاء الله هروح احجز الكروز بس يا رب السعر مايكونش زاد
انا كنت فى مقار امبارح واتكلمت مع 4 معاهم العربيه ومحدش مضايق منها