قول الحقيقه أشتريت فيات تمبرا ليه؟؟؟

**heshamzaky** · 29-08-2010 04:00 PM

المشاركة الأصلية كتبت بواسطة mikology

700 الف كيلو !!!- ده عملها عمره كام مره ؟؟

طقم شنبر مرة واحدة يا معلم

**kdosoki** · 29-08-2010 06:15 PM

المشاركة الأصلية كتبت بواسطة amrseba

طبعا الركنه بتبوظ حاجات كتير بس اكيد انت كنت بتدور على الاساسيات و كويس ابنك اسمه على اسمى ههههههههههههه ربنا يخليهولك

ربنا يخليك يا عمرو ده من حسن حظى

**heshamzaky** · 29-08-2010 10:20 PM

زاجو و الله العظيم انا ضحكت جدا من عنوان الموضوع بتاعك طبعا مش تريقة يا معلم بس لقيت فى المنتدى زمايل عاملين موضوع لية اشتريت نبسان فضحكت و عاملين موضوع تحفة بص المشاركة دى

المشاركة الأصلية كتبت بواسطة ahmed.tv

http://www.nilemotors.net/nile/174943-a.html

والموضوع ده كمان فكرته حلوة

ياريت ياجماعة نشوف ترشيحاتكم عشان نجمع الاصوات
ونبتدى الشهر الجية فى الجديد

وكمان بردوا ترشيحاتكم هنا دايما وارائكم من خلالها اسرة نيسان تقدر تكرم الاعضاء المجتهدين فى المقابلات , لان المقابلة الجاية باذن الله اخر السنة حيكون فيها تكريمات على الطبيعة وكمان حيكون فيها هدايا

حنكرم احسن عضو متداخل معانا من بره القسم , وحنكرم احسن عضو فى القسم وحنكرم افضل موضوع مميز طول السنة , وحنكرم كمان مهندسين , وكل ده تكريم للناس اللى بتحبنا وبتخدمنا من قلبها تقديرا منا لهم على مجهوداتهم معانا

وبنامل فى ترابط اكبر بينا وتفاعل وبتمنى من كل الاعضاء الجدد تعرفنا بنفسيهم وتتداخل معانا اكتر ,لان كل المجهود اللى بنبذله ده بسبب ترابطنا ببعض وعشان دايما عاوزين نخدم بعض , واعتقد ناس كتير شايفة ان فى مجموعات عارفة بعضها وصداقتها ببعض ازاى , لا وبره النت عاوز اقولكم اكبر من كدا كمان ,, وكل الناس دى عاوزينكم تنضموا عليهم اكتر والجروب صداقة نيسان يكبر اكتر واكتر , فتكتفوا معانا لمزيد من الارتباط والتعاون , ولطرح افضل مالدينا من مجهود لكم وطرح موضوعات منظمة ومفيدة وخلق منافسة شريفة

**heshamzaky** · 29-08-2010 10:23 PM

ودة رابط المشاركة كاملا منقول من المنتدى قسم نيسان بجد حلو لو انا ادى عادل ملك الكوميديا و المواتير اديها لشخصين بالتساوى معروفين و الكهرباء زلبانى و تيفا و كل واحد لة هدية مخصوص الرابط للمعلومية اهوة http://www.nilemotors.net/Nile/175426-a.html

**zago** · 30-08-2010 04:46 AM

المشاركة الأصلية كتبت بواسطة kdosoki

لو عرفتو ليه اشتريت التمبرا هصعب علي
انا كنت راكب ميجان 2006 هاى لاين
وبعدين حصل ظروف فى الشغل واضطريت اشترى اى عربية تكون موجوده قدامى
واحنا عندنا فى الشركة فى عرض اللى يشترى عربية تملكها الشركة يدفع 25% والباقى على 4 سنوات بفايدة 6 %
ودى كانت عربية مركونة اكتر من 5 سنين والشمس مبهدلاها المهم سألت عليها وقالولى انها بتاعت واحد قريب صاحب الشركة وهو اول مالك ليها وكان جايبها معاه من الكويت سألت على سعرها 32000 وصرف عليها تقريبا 5000 جنيه فى التوكيل سمكرة ودهان وعمرة كاملة
والحمد لله لسه بظبط فى التكييف وعندى كام مشكلة ربنا يسهل وتعدى على خير
بس والله كنت راكب عربية اونو امبارح انا ومراتى وابنى وبقولهم احسن عربية ركبناها ايه ؟
طبعا قالو الميجان وعمرو ابنى بيقولى العربية اللى فيها فتحة سقف وكارت هى احسن عربية
بس طبعا التمبرا رقم 2
وده تقدير متميز علشان قبل الميجان ركبنا نيسان صنى 1300 2001 اتوماتيك
وغيرها من اول ال 127 توب لحد التمبرا دلوقتى

ياباشا ولا يهمك
بكره تركب مرسيدس s 500 ( بتاعت زعماء المافيا )ههههههههههههه
وبكره تحصل ظروف كويسه وتخلي التمبرا لعمرو يتعلم عليها
بس على فكره انا اسمع مشاكل كتير عن الميجان دي زي انها بتهنج وحركات كده بس انا معرفش حد معاه منها
كمان انت دخلت جوه الأونو أزاي؟؟ ههههههههه انا ركبتها مره مع واحد افتكرت الفولكس بتاعتنا زمان ( كان مع والدي واحده في الماضي السحيق ) هههههههههه

**zago** · 30-08-2010 04:52 AM

المشاركة الأصلية كتبت بواسطة heshamzaky

زاجو و الله العظيم انا ضحكت جدا من عنوان الموضوع بتاعك طبعا مش تريقة يا معلم بس لقيت فى المنتدى زمايل عاملين موضوع لية اشتريت نبسان فضحكت و عاملين موضوع تحفة بص المشاركة دى

مانا قريت الموضوع بتاع النيسان ده
على فكره النيسان عربيه محترمه جدا جدا بس مش عارف هنا كله راكب كورولا ولا نسر لييييييييييييه؟
ما علينا...
انا قريت الموضوع وقلت اعمل زييه عشان ناس كتير في المنتدى بتمدح في عربياتها
يعني بتوع ال 132 بيقولو ناعمه جدا وبتوع ال 131 بيقولو ناعمه جدا وبتوع ال هيونداي بيقولو ....بلاش هههههههه
يعني كله بيتكلم على عربيته اللي راكبها وشايفها احسن حاجه ( القناعه كنز لا يفنى )
لكن بصراحه انا مش عجباني العربيه
انا كنت عايز بورش 911 بس الفلوس مكفتش
ده غير انها مبتاخدش بنزين 80
وسمعت ان قطع غيارها غاليه ههههههههههههههههههه
فقلت ما بدهاش بقى نتوكل على الله ونشتري تمبرا

**heshamzaky** · 30-08-2010 05:13 AM

ماشى يا عم زاجو بس برضو الموضوع حلو يا باشا هههههههههه

**adelco** · 31-08-2010 01:06 AM

السلام عليكم
والله يا زاجو انت ابن حلال عفريت يا خواتى عفريت
بص يا سيدى انا اساسا عمرى ما كنت بحلم اركب عربيه اخرى عجله رالى
المهم والدى جت له فترة وتعب خالص وكنت باتبهدل بيه فى المواصلات فقررت اشترى عربيه
وكان نفسى اشترى اكسل كانت واكله دماغى جدا لان صديقى رقم واحد معاه اكسل المهم لما قررت كان معايا35000 وحاولت انى اشترى اكسل بالمبلغ ده ما لاقيتش ابدا كله ماسك على من 37 الى 40 العربيات اللى عجبتنى
فجاه قررت اطلع عمرة انا والمدام وصرفت الفلوس ورجعت ربنا وسع عليا وبقى معايا 24 الف وفضلت ادور لمده 3 شهور كانت الاسعار انضربت فيهم لحد ما الاكسل بقت ب 28 وانت طالع لحد 33 بس فى الوقت ده وانا بدور شفت عربه تمبرا مجهزه استيراد وما اعرفش ايه اللى حصلى فضلت اسال ايه دى اسمها ايه وحاجات كده وعلقت معايا وبعدين دخلت على نايل موتورز فى شهر يناير 2010 بدات اقرا عن التمبرا وبصراح زلبانى كان له تاثير كبير عليا المهم من شهر يناير 2010 وانا بدور لحد ما لاقيت اعلان عن سيارة فى الدقى اتصلت بصاحبها قالى ان العربيه فى الدوكو تتصوروا انا رحت اتفرجت على العربيه عند بتاع الدوكو وما كنتش شايف غير المعجون وعجبتنى جدا وصاحبها راجل محترم جدا اخدتها ب 30000 وهى كانت تجيب 35 مستريح والحمد لله
ولا زالت قصه الحب مستمرة

**zago** · 31-08-2010 07:04 PM

المشاركة الأصلية كتبت بواسطة adelco

السلام عليكم
والله يا زاجو انت ابن حلال عفريت يا خواتى عفريت
بص يا سيدى انا اساسا عمرى ما كنت بحلم اركب عربيه اخرى عجله رالى
المهم والدى جت له فترة وتعب خالص وكنت باتبهدل بيه فى المواصلات فقررت اشترى عربيه
وكان نفسى اشترى اكسل كانت واكله دماغى جدا لان صديقى رقم واحد معاه اكسل المهم لما قررت كان معايا35000 وحاولت انى اشترى اكسل بالمبلغ ده ما لاقيتش ابدا كله ماسك على من 37 الى 40 العربيات اللى عجبتنى
فجاه قررت اطلع عمرة انا والمدام وصرفت الفلوس ورجعت ربنا وسع عليا وبقى معايا 24 الف وفضلت ادور لمده 3 شهور كانت الاسعار انضربت فيهم لحد ما الاكسل بقت ب 28 وانت طالع لحد 33 بس فى الوقت ده وانا بدور شفت عربه تمبرا مجهزه استيراد وما اعرفش ايه اللى حصلى فضلت اسال ايه دى اسمها ايه وحاجات كده وعلقت معايا وبعدين دخلت على نايل موتورز فى شهر يناير 2010 بدات اقرا عن التمبرا وبصراح زلبانى كان له تاثير كبير عليا المهم من شهر يناير 2010 وانا بدور لحد ما لاقيت اعلان عن سيارة فى الدقى اتصلت بصاحبها قالى ان العربيه فى الدوكو تتصوروا انا رحت اتفرجت على العربيه عند بتاع الدوكو وما كنتش شايف غير المعجون وعجبتنى جدا وصاحبها راجل محترم جدا اخدتها ب 30000 وهى كانت تجيب 35 مستريح والحمد لله
ولا زالت قصه الحب مستمرة

ياباشا ربنا يباركلك فيها ومبروك على العمره وعقبال الحج انشاء الله
بس انا على فكره عندي عجله رالي ههههههههههههه 12 ترس وفيها جرس كمان

بس للأسف كبرت عليها لكن بركبها في المصيف