الموضوع: بعد اذنكم فكرة صغيرة من اخوكم لإستفادة كل اعضاء قسم نيسان الكرام

هو فعلا العناوين دى ممنوعة اصلا وفقا لقواعد المنتدى
ورغم كده الاعضاء بيستخدموها فى المنتدى كله مش نيسان بس
وميرسى ليك يا بشوى على طرح الفكرة على الاعضاء
لان فعلا مفيش افضل من العنوان المعبر عن محتوى الموضوع

فعلا انا مع راى بسكوتة تماما , يا بيشوى , لان كل ده منافى لقواعد وقوانين المنتدى , ولو كل عضو كان بيقرا القوانين اللى حاكمة المكان اللى فيه كل شى حيكون تمام

وكلامك صح مفروض الناس تنتقى العنوان بتعها كويس عشان يدل على اللى جواه , بدل ما يتغير لوحده
واى حد عاوز يوجه شكر يوجهوه جوة الموضوع مش من العنوان

وده اللى بنقترحه وبنقول عليه فى شروط تصويت افضل موضوع مميز فى الشهر , بس محتاج الى تكاتف منكم , عشان ملاحظ ان الناس مش بتدخل المواضيع اللى شايفة انها مفهاش معلومات ميكانيكية وفاكرين اننا مجموعة اصدقاء لبعض , وبنحى بعض وخلاص ومترابطين مع بعض بانغلاق , وده طبعا غلط , لاننا بندعوا على الترابط العام , وعلى معرفة كل الاعضاء الجديدة , وخدمة كل الناس الجديدة قبل الاعضاء القدام , وكلنا اسرة واحدة مترابطين مع بعض , وبنخدم بعض بدون مقابل والمقابل هو حبنا لبعض

وبترابطنا ده واهتمامنا بالبيت اللى بيجمعنا مع بعض وهو قسم نيسان وبتقيمنا الى الموضوعات المميزة , يبقا حنلاقى عناوين قوية , وكمان حنلاقى مواضيع مميزة ومهمة ومفيدة ليكم ولينا

وبعدين بخصوص تجميع الموضوعات االلى شبه بعضها والمهمة , موجودة ومثبتة , ولما كنت بجمع وقتها الموضوعات المهمة كنت بشوف موضوعات كتير جدا فيها عناوين شكر ومهمة وبعت لاصحابها عشان تتغير والحمد لله اتغيرت بعد تعب كبير
ولسه فى اكتر بس الناس تجتهد فى عمل التقارير

مزيد من التفاعل الفعلى وليس المشاهدة

يسمع من بوقك ربنا يابيشوى

واذا كنا حنتكلم يا بيشوى نتكلم على التداخل والترابط والمشاركات اهم من العناوين , لانك اهو اديك شايف الدنيا , مفكوكة ازاى
وانا ياست بصراحة وزعلان جدا بجد , ودى حقيقة , وظاهر ان الحبال دايبة ومهما مسكنا فيها يا بيشوى لوحدينا حتقع بردوا
لان ايد لوحدها متسقفش
وانا ايدى تعبت من كتر ما انا مددها , واعتقد انت عارف ده كويس ,وانا بستمد طاقتى من الترابط والصداقة
فشكلى انا كمان حريح دماغى بعد كدا واكتفى بالمشاهدة فقط , مثل باقى الاعضاء , وكمان يبقا الواحد يكتفى بانه ياخد المعلومة وخلاص ولو عنده حاجة يقولها وخلاص من غير ما يجتهد, لان واضح ان جهدنا مش لاقى تكاتف من الناس لنجاحه
والجهد ده اللى بيبذله الواحد بيكون احيانا على حساب شغله وبيته وافضل انادى لوحدى على الناس من غير ما حد يقف جنبى ويمدلى ايده هو كمان
بصراحة الدنيا مبقتش تشجع ,الواحد مش عاوز حد يشكر فيه ولا اى حاجة , الواحد محتاج لترابط بينا اكتر من كدا , وتضافر الجهود وتعاونا مع بعض لاجل خدمة الناس , بس ده واضح انه صعب تطويره