نربو الملاكي و تربو الديزيل

السلام عليكم شباب المنتدي

اولا :- رمضان كريم

ثانيا الموضوع
دلوقتي في موتير الديزل بيستخدموا التربو و ده بيجهد الموتور جدا بيخليه عامل كدا :fun_36_3_4[1]: وفي الملاكي بردوا والموتور هيدور علي اقرب قسم عشان يعمل محضر
لو تربو الديزل اتركب في الملاكي هيدخل ضغط هواء كبير جدا علي الموتور هايخليه ينفجر في ساعتها :049:
السؤال بقي انا عايز اقلل ضغط الهواء ده باي طريقة بحيث اعادل ضغط الهواء زي التربو العادي بتاع الملاكي :Oc_sun1[1]:
محدش عنده افكار مطرقعة كدا:Ka_che1[1]:
مع العلم ضغط موتور الملاكي من 2500 الي 3000 psi
و الديزل من 5000 الي 6000 psi

هوا السؤال الأوقع انت ليه عايز تركب تربو الديزل على موتور بنزين مع العلم انو تربو الديزل تمنه اغلى ؟؟

بس انا هقول على كام فكرة جم فى بالى :

1- انك تركب حاجة زى safety Valve تظبطه مثلاً على 2500 و تركبه على مخرج التربو و لما الضغط يعدى الرقم ده الفالف بيفتح و يعمل release للضغط لحد ما يرجع تانى تحت 2500 بس كل الفالفات اللى شفتهم كانوا بيفتحوا بس و الضغط بيرجع لزيرو تانى بس عشان نبتدى الضغط من اول و جديد لازم نعمل زى reset للفالف دهو كده طبعاً حضرتك كل ما تكبس شوية هتنزل تشغل الفالف تانى بس أكيد البشرية اخترعت فالف يفتح لما الضغط يعلى و يقفل تانى لوحده لما الضغط يرجع تحت المسموح

2-و ده تطوير للفكرة الأولى و هى انك تركب عداد ضغط على مخرج التربو و تكون شاشته قدامك و تركب بعديه الفالف اللى قلته فى (1) و انت بقه لما تييجى تكبس بنزين متخليش الضغط يعدى 2500 و لو سرحت الفالف هيفتح و هتنزل تعمله يدوى.

3- ده بقى ممكن تعتبرها فتوى عشان انا عمرى ما سمعت عنها و محتاج أخصائى تربو يرد عليك فييها. التربو بكل بساطة بيلف و بيضغط الهوا سواء بقه اللف ده جى من الموتور ذات نفسه أو راكبله موتور كهربا لوحده، المهم هوا بيلف و على حسب سرعة اللف بيزيد الضغط، يعنى كل ما سرعته زادت، ضغطه بيزيد ( هنا انا بفترض انو التربو الديزل و الملاكى زى بعض فى كل حاجة بإستثناء ان الديزل بيلف أسرع و معمول انو يستحمل ضغط أعلى) يبقى كل اللى حضرتك محتاج تعمله انك تظبط عدد لفات التربو بحيث الضغط اللى خارج منه لا يتجاوز الـ2500 ، لو التربو شغال على موتور العربية يبقى محتاج تركب قبله جير بوكس عشان يقلل عدد اللفات و نفس الجير بوكس ممكن يستخدم فى التربو الكهربا بس طبعاً فى التربو الكهربا هيكون الأوقع انك تغير الموتور بواحد ذو عدد لفات أقل.

طبعاً ال3 أفكار دول من المعلومات البسيطة اللى أعرفها عن التربو و طريقة عمله

كلام كويس جدااااااااااااا
وتسلم يا باشا علي رداك

ولو في حاجة جديدة هاقولك

مع احترامى الشديد... نص الحاجات اللى قولتها مش مضبوطة

بس اختصارا للوقت... التربوهات زى الجزم... لازم تلبس الجزمة اللى مقاسك... بالتالى لازم الاول تعرف امكانيات مكنتك و استخدامك ليها حيكون ايه و على الاساس دة تجيب التربو المناسب... مينفعش تجي اى تربو و السلام و بعد كدة تحاول تضبطة على عربيتك

MMamdouh

اقتباس:

---

المشاركة الأصلية كتبت بواسطة mmamdouh

مع احترامى الشديد... نص الحاجات اللى قولتها مش مضبوطة

بس اختصارا للوقت... التربوهات زى الجزم... لازم تلبس الجزمة اللى مقاسك... بالتالى لازم الاول تعرف امكانيات مكنتك و استخدامك ليها حيكون ايه و على الاساس دة تجيب التربو المناسب... مينفعش تجي اى تربو و السلام و بعد كدة تحاول تضبطة على عربيتك

mmamdouh

---

كنت مستني ردك يا هندسة

بس ازاي اقدر اعرف الموتور ده عايز تربو قد ايه و ضغط هواء قد ايه؟
و السؤال بقي التربو بيتقاس قوته ازاي يعني لما اجي اشتري اقول عايز تربو ايه ؟

وانا كمان مستنى ردك يا بشمهندس محمد على السؤال اللى فوق على اى اساس بنركب تيربو ياترى حجم الموتور ولا حاجات تانية

الاساس هو حجم الموتور و القوة اللى عايز تاخدها من الموتور... دة بيتحسب فى معادلة و الناتج بيحدد الAR بتاع التوربينة اللى تناسب موتورك و احتياجاتك

كل تربو له compression map و دى اللى بتحدد المدى الفعال للتربو و مع مقارنتها بسعة موتورك و الغرض اللى بتركب عشانة التربو بيتحدد اذا كان التربو دة مناسب لعربيتك ولا لا

MMamdouh

اقتباس:

---

المشاركة الأصلية كتبت بواسطة mmamdouh

الاساس هو حجم الموتور و القوة اللى عايز تاخدها من الموتور... دة بيتحسب فى معادلة و الناتج بيحدد الar بتاع التوربينة اللى تناسب موتورك و احتياجاتك

كل تربو له compression map و دى اللى بتحدد المدى الفعال للتربو و مع مقارنتها بسعة موتورك و الغرض اللى بتركب عشانة التربو بيتحدد اذا كان التربو دة مناسب لعربيتك ولا لا

mmamdouh

---

معلش سؤال بس برة الموضوع ده
حضرتك والمهندس مصطفى لسة عندكو استعداد تركبو تربو؟

no

MMamdouh

حضرتك تركيب تربو علي المحرك مش شئ سهل و مش اي محرك يتحمله لكم المواتير الي بتنزل ديزل بتربو زي الايسزوزو و اليتوتا هاي لوكس دا عادي جدا بالنسبه لهم لان الشركه مصمماه عشان يستحملهم و مش هيعمل اي ضرر عليهم لا بالعكس هو بيزود الهواء و طبعا سحب البنزين بيزيد و ضغط الكهرباء مما يعطي اداء عالي و يكون المحرك في انشط حالاته
و نفس الموضوع في البنزين لو الموترو ده يستحمل تربو عادي جدا بياخده و مش بيحصل اي مشاكل اهم حاجه ان الموتور يقدر يستحمله و ده بنعرفه من ضغط الموتور اما لو الموتور ملهوش انه يركب تربو فهو مش هيلحق يروح القسم اصلا
ععموما انا مش متعمق في عالم التربو لكن الي اعرفه ان في تربوهات بتزود القدره ل100% اصلا يعني البنزين مش محتاج لتربو الجاز و تربو الجاز مش بيدي اداء زي البنزين لان المحرك بطبيعته ليس صاحب قدره حصنيه عاليه

انا كل اللي عايز اعرفه
ازاي اعرف ان الموتور ده يستحمل التربو واني تربو بنفع يركيب علي الموتور ؟
او بصيغة تانية
ازاي اقدر اوفق موتور مع تربو ؟

اى مكنة ينفع عليها تربو... المهم التربو يبقى مناسب للمكنة... لازم تقارن سعة المكنة مع الcomporession map بتاعت التربو عشان تعرف التربو دة حيشتغل امتى و يجيب اخرة امتى و بالتالى تعرف هل هو كبير ولا صغير ولا مناسب للمكنة

MMamdouh

اقتباس:

---

المشاركة الأصلية كتبت بواسطة mmamdouh

اى مكنة ينفع عليها تربو... المهم التربو يبقى مناسب للمكنة... لازم تقارن سعة المكنة مع الcomporession map بتاعت التربو عشان تعرف التربو دة حيشتغل امتى و يجيب اخرة امتى و بالتالى تعرف هل هو كبير ولا صغير ولا مناسب للمكنة

mmamdouh

---

مشكووووور جدا يا هندسة انا استفدت جداجدا
انا بعت لحضرتك رسالة وياريت حضرتك ترد عليا اكون شاكر جدا