الموضوع: ::: الحقيقة في "فضيحة" الزمالك في قضية جدو بالكامل .. وامسك نفسك من الضحك! :::

المشاركة الأصلية كتبت بواسطة أشرف العدوي

ممكن اقول وجهة نظري المتواضعة ( ممكن تكون صح و ممكن تكون غلط )
انا أهلاوي جداً
و معلش انا كل وجهات النظر الزمالكاوية انا حاسس بعكسها تمامً ( ممكن يكون ده سببه انتمائي للنادي الأهلي و الله أعلم )
يعني حوار ان النادي بدون قيم و بدون مبادئ ما اعتقدتش
هو الأهلي عمل ايه غلط
النادي اشترى لاعب من ناديه ( المشكلة كانت بين الأتحاد و جدو و الزمالك )
أتحاد الكرة اقر ان جدو من حق نادي الأتحاد و الأهلي اشتراه من الأتحاد بطريقة طبيعية ايه المشكلة في كدة

على فكرة الكلام مش بس علي جدو موضوع جدو ده نقطة في بحر, بس ردا على كلامك هو ايه اللي دخل الأهلي أصلا في موضوع جدو؟؟ لاعب متنازع عليه بين ناديين عشان شخص مخادع و مضى للأتنين في وقت واحد أدخل أنا اصطاد في المية العكرة ليه؟؟ هي دي الأخلاق و المبادئ؟

طيب ازاي الأهلي يخاطر و يشتريه بتمن ضخم 10 مليون جنيه (سبعة مليون+2 لعيبة)؟؟ لو الموضوع أحترافي بجد ازاي اشتري لعيب معرض للايقاف و الغرامة الضخمة؟ لكن طبعا لأن الأهلي مطبخها من الأول مع أتحاد الكورة عارف كويس ان محدش حيقدر يعمله حاجة. الأهلي هنا هو البلطجي اللي جدو اتحامى فيه عشان ياكل حق الزمالك.

موضوع انه بلا مبادئ و انه نادي نصابين و الكلام ده مش بحسه في النادي الأهلي
على الأقل إدارة النادي إدارة واعية و فاهمة مش اي حد يقدر يتكل في اي حاجة
زي نادي الزمالك
كل من هب و دب اتكلم في موضوع جدو
و المشكلة انهم هما الي شحنوا الرأي العام و المشجعين إلى اقصى درجة ضد الاعب و ضد النادي الاهلي
و صورا ان دائماً هناك مؤامرة تدار في اتحاد الكرة للنيل من نادي الزمالك
و الله كنت لما بشوف ابراهيم يوسف بيتكلم في قضية جدو كنت بموت من الضحك و خصوصاً موضوع بنحضر لمفاجآة و السسبنس و الكلام ده
و إبراهيم حسن الذي ترك مهامه و أنشغل بجدو كأنه أختزل مهمة مدير الكرة في التصريحات ضد لاعب و ضد نادي واحدين فقط

مسئولي نادي الزمالك اساسا غلطانين لأنهم كانوا أضعف من أنهم يدافعوا عن حقوق النادي فمش ححاول أدافع عنهم.

مين يقدر يقولي حد من مسئولي الأهلي صرح تصريح واحد في هذه القضية
مين شحن الراي العام
مين النادي بلا مبادئ ؟؟؟؟
نادي ترك أحسن حارس في افريقيا
نادي ترك لاعب بحجم ابراهيم سعيد ( في وقتها )
نادي ترك عمرو سماكة
نادي ترك ( حسام و إبراهيم حسن في اوج مجدهم )

معلوماتك كلها مغلوطة
الأهلي لم يترك أحسن حارس في أفريقيا رغم مرور ثلاث سنوات على مشكلته و مازالت شكوى الأهلي ضده قائمة و هو معرض للأيقاف في أي لحظة.

الأهلي لم يترك أبراهيم سعيد بل حاول بيعه قبل انتهاء تعاقده و لكن اللاعب رفض كل العروض التي تلقاها لينتقل الى الزمالك في صفقة انتقال حر, فما كان من الأهلي الا ان أستخدم سلطاته و تواطئ اتحاد الكرة كالعادة ليتم اصدار قرار فضيحة لا يمت بصلة لأي لوائح أو قوانين بايقاف اللاعب ستة أشهر و غرامة مليون و نصف المليون جنيه بدعوى انه اضاع على الأهلى فرصة بيعه في أغرب و أقذر قرار في تاريخ الرياضة المصرية.

الأهلي لم يترك عمرو سماكة بل طارده بعد توقيعه للزمالك - كالعادة - و قام باخفاء اللاعب بطريقته الملتوية المعتادة و حصل على توقيعه. و مكث اللاعب في الأهلي فترة قبل الأستغناء عنه بسبب فضيحة تعاطيه للحشيش التي اثبتها كشف المنشطات في احدى البطولات و هو واحد من سلسلة من اللاعبين الذين تعاقد الأهلي معهم باستخدام كل الاعيبه الملتوية فقط لحرمان الزمالك من التعاقد معهم,مثل سعيد عبد العزيز و طارق السعيد و محمد صديق و أحمد حسن دروجبا و حسين علي و أحمد بلال بعد العودة من تركيا على سبيل المثال لا الحصر. و أتوقع بشدة أن ينضم جدو لهذه السلسة من الفشلة.

الأهلي لم يترك حسام و ابراهيم حسن بل رفض التؤام التجديد للأهلي الا بشروطهما, حيث أرادت ادارة الأهلي التجديد لحسام فقط و لموسم واحد و اشترط هو التجديد لتؤامه معه لمدة ثلاث سنوات, و عندما لم تستجيب له ادراة الأهلي ذهب للزمالك و قضى ثلاث سنوات في الزمالك حصل فيهما على بطولات عديدة. و هذا هو سبب كره جمهور الأهلى و مسئوليه التؤام حتى الأن.

ام نادي يجدد عقد بملاين للاعب قضى فترة التحضير في شواطئ مارينا و في الحفلات و ماضي عقد مع نادي اخر
إذا كانت إدارة الزمالك نفسها تقدر من لا يحترمها فماذا تنتظرون من الخصوم

تجديد الزمالك تعاقده مع لاعبيه من عدمه يخصه وحده و لا أرى له اي دخل بموضوعنا.

عماد متعب تلاعب بادارة الأهلي و ماطلهم في التجديد و وقع مع النادي البلجيكي رغم استجداءات مسئولي الأهلي له في الفضائيات على الهواء, ثم تراجع و يحاول الأن فسخ تعاقده و سيعود للأهلي في يناير, هل هذا هو الأحترام؟؟

محمد شوقي اشترط على ادارة الأهلي ان يقيد في القائمة الافريقية و أن يحصل على 5 ملايين جنيه في الموسم و الا انضم للزمالك بدلا من الأهلي و أضطروا للموافقة رغم تخمة مركزه في الأهلى, فهل هذا هو الأحترام؟؟

أحمد حسن أعترض مرارا على مدربه عند تغييره بطريقة غير لائقة أمام عدسات التليفزيون, ثم اشتبك معه في غرفة خلع الملابس بعد احدى المباريات و رغم ذلك لم يجروء على استبعاده, فهل هذا هو الأحترام؟؟


للأسف الشحن الزائد من إدارة الزمالك كله جه فوق دماغه ( كالدبة التي قتلت صاحبها )
الزمالك حالة لن ينصلح حتى يهتم بشئونه و ليس شئون الأخرين

ممكن تكون وجهة نظري هذه خاطئة تماماً و لكني مقتنع بها لما اراه من أحداث

للأسف فكرة المؤامرة المسيطر على تفكير مجلس إدارة الزمالك و التي بدورها تصدرها للجماهير هي الي عاملة كدة


الأهلي للأسف ناجح و هذه حقيقة ( محلياً و أفريقياً و دولياً )

الحزب الوطني برضه ناجح و بيكسب كل الانتخابات باكتساح, و أحمد عز أنجح رجل أعمال في مصر, بس المهم ازاي؟؟
مهي الرقاصة نظريا ناجحة و بتكسب فلوس كتير, لكن حتفضل الدكتورة أو المهندسة أشرف ميت مرة رغم انها مش بتكسب زيها. الغاية لا تبرر الوسيلة.

نجاح الأهلي محليا يخضع لنفس التقييم ده من وجهة نظري, نجاحه أفريقيا موجود بس على فكرة الزمالك قبل سنوات الأنهيار الأخيرة دي كان عنده بطولات أفريقية أكتر من الأهلي و رغم الأنهيار ده الأهلي يدوب عدى بطولات الزمالك الأفريقية ببطولة واحدة, أما ناجح دوليا فدي نكتة بايخة قوي. الأهلي أشترك 3 مرات في كاس العالم للأندية خرج مرتين بفضيحة في المركز اللأخير بعد ما أتغلب من أندية مغمورة من بلاد معندهاش كورة أساسا, و مرة واحدة خد المركز التالت من ست أندية, يعني يدوب مركز متوسط في بطولة ضعيفة مبيبقاش فيها غير ناديين أقويا (بطل أوروربا و بطل أمريكا اللاتينية), بس كالعادة طبعا شغل الطبل و الزمر اشتغل زي ما يكون جاب الديب من ديله. تبقى ناجح دوليا دي جت منين؟؟

انا رديت عليك فوق بالازرق عشان الرد يبقى منظم.

المشاركة الأصلية كتبت بواسطة hh

طيب طالما فاتح الموضوع للضحك و الفرفشة,تعالوا نضحك أكتر.

تيجي نخمن مع بعض مين الشخصية المهمة اللى مارست ضغوط على ادارة الزمالك - كالعادة - عشان تسيب حق النادي؟؟

تعرف حضرتك ان النائب العام عضو سابق في مجلس ادارة الأهلي و صديق شخصي لحسن حمدي؟؟؟

و ايه المشكلة هو لازم الزمالك يعلق غلطاته على غيره !!
لو فيه دليل يا ريت حضرتك تقدمه مافيش يبقى بلاش افتراءات و خلاص

المشاركة الأصلية كتبت بواسطة hh

تعرف حضرتك ان الزمالك لو نادي قذر زي غيره مكانش جدو عرف يفلت منها عشان الوصل والعقود مش مزورين و هو ماضي و باصم, و كان بمنتهى البساطة يقدروا يتمسكوا بأنه أخذ الفلوس و يقولوا انها تبرع من ممدوح عباس و جدو يخبط دماغه في الحيط؟؟

حضرتك الزمالك مزور بإعتراف إدارة الزمالك وليد بدر
أمال ايه اللى خلى الزمالك يجرى على التصالح و عباس يدفع من جيبه و يخلى جماهير الزمالك شايطه !!!

المشاركة الأصلية كتبت بواسطة hh

تعرف كمان انه الزمالك لو رفع قضية على جدو يتهمه بالنصب كان حيتسجن حيتسجن و ان حتى لو في مسئولية جنائية على الزمالك كان بسهولة أي موظف صغير يشيلها زي ما الأهلي عمل في موضوع شريف أشرف اللي كان فيها تزوير حقيقي لتوقيع الولد, ده لو الزمالك عايز يلجأ للأساليب القذرة زي غيره؟؟؟

الزمالك مسئوليه هما اللى كانوا حيتسجنوا و دا معروف للجميع
واضح ان حضرتك مش عارفه حاجة عن اللى حصل !!!

المشاركة الأصلية كتبت بواسطة human12

و ليه نكتم الضحك انا بضحك بصوت عالى
و على فكره حازم امام اللى قاله انه ماشفوش بياخد فلوس
ماقلش انه ماخدش فلوس

حضرتك ماقراتش المقال كويس
وليد بدر ادارى الزمالك اعترف ان جدو مضى على ورق ابيض مش ايصالات و عقود
يعنى الزمالك زور :)

المشاركة الأصلية كتبت بواسطة skybird

هههههههه عندك حق
والله بحس ان النادي الاهلي والحزب الوطني واحد
علشان كده استغرب من مثقف او متعلم ازاي يشجع النادي الاهلي
اي حد تاني ممكن من غير الفئة المذكورة اعلاه

و هو المفروض المثقف و متعلم يشجع نادى مزور و متخبط !!
و هو المحترم يزور و يعاند و يكابر لحد ما يتفضح برده !!
أظن واضح قوى ان عكس كلامك هو الصحيح

يعنى ماسمعتش عن اى حد زملكاوى اتكلم عن موضوع شيكابلا اللى وقع برضه لناديين و الزمالك بيجرى وراه لحد دلوقتى !!





لكثرة التجاوزات و عدم الإيمان بقيمة المحتوى
تم غلق الموضوع
مشرف عام .2