السلام عليكم
هل يمكن ان تفيدونى ايهما افضل : بريليانس fsv ام رينو لوجان
و شكرا
عرض للطباعة
السلام عليكم
هل يمكن ان تفيدونى ايهما افضل : بريليانس fsv ام رينو لوجان
و شكرا
لو كنت سألتني من شهر كنت قلت اللوجان لأن ال fsv كان سعرها اول ما نزل ب 83 الف و هبل في استعباط من البافاريه بس دلوقتي لما خدوا على قفاهم و حدش اشتراها نزل تمنها 12 الف و باقت ب 69900 فده سعر لقطه على عربيه ( هاف اوبشن ) بموتور 1500 بتكنولوجيا تويوتا واسعه و صالونها حلو! اللوجان التوكيل بتاعها لسه شغال في الاستهبال و سايق العبط و العربيه اول ما نزلت كل الخبراء الماليين و خبراء السيارات قالوا ان المفروض سعرها لا يزيد عن 55 الف للفل اوبشن بس برضه باعها ب 68 الف و حاليا خلاها 69 الف على الرغم من فقر خاماتها و ضعف جودة التصنيع المغربي و الخامات! انصح بال fsv و لو اني مبحبش انصح بصيني بس ربنا يسامحني بقى
بفئة السعر دي ممكن تشوف ال f3 byd
انصحك اكتر ب جولف 4 موديل من 1999 - 2002 او بي ام 1996 316 او 318 و ممكن اوبل فيكترا 2003 او استرا 2006
لو مصر على زيرو يبقى بص على الفيات بونتو كلاسيك او هيونداي فيرنا او دايهاتسو سيريون وان
ال fsv افضل من اللوجان
جزاكم الله خيرا, هل يمكن ان تفيدونى بتفاصيل اكثر عن fsv و خصوصا اسعار قطع الغيار
مع إحترامى لحضرتك كلامك مش مظبوط....مفيش حد قال حكاية فقر الخامات دى غير حضرتك..أول مره أسمعها...مش كده وبس أنا معايا العربيه عمرى ما حسيت بكده أبدا بل بعكس تماما.....وحته ضعف جوده التصنيع المغربي! مع إحترامى حضرتك جبت الكلام ده منين...
وعلى إفتراض صحة الكلام ده..حقولك التصنيع مش مغربى...ده مصنع رينو موجود فى المغرب...يعنى المصنع فى المغرب...بس التصنيع رومانى فرنسى
يا سيدي الفاضل لما الشركة المصنعة مصنفه العربيه من السيارات الاقتصاديه رخيصه التكلفه و متوسطة الخامه نبقى احنا بنعمل دعايا في ايه؟ العربيه دي تعاون نيسان و داتشيا برعاية رينو لانتاج سياره رخيصه للاستحواذ على فئه سعريه منخفضه فبلاش ندافع و خلاص! و ثم العربيه تجميع مغربي و اتفاقيه اغادير بتنص بالحرف ان الخامات المحليه المغربيه في السياره لازم متقلش عن 50 او 60% من اجمالي مكونات السياره فياريت انت اللي تعرف اللي بتقوله و عن علم و كون انك مالك للسيارة مش معناه انها مرسيدس و ربنا يباركلك فيها
كون الراجل مالك للسيارة فا دة يعطيه اوبشن مميز انه يتكلم عن عربيته بحرية وبعد كدة الاختلاف فى الرأى لا يفسد للود قضية
مش معنى انه بيوضح حاجة هو ادرى بيها يبقى بيدافع وخلاص وعربيته باقت مرسيدس
........................................
1- مافيش حد قال ان اللوجان ليست من السيارات المتوسطة الخامات لكن فى نفس الوقت مقارنة خامتها مع منافسيها توضع فى المرتبة الاولى من حيث الخامات
2- بالنسبة لموضوع التعاون قبل ما تقول برعاية رينو وتصنيع داتشيا ولا اى شركة مع ان دة مايهمنيش انا يهمنى العربية اللى قدامى بغض النظر مكتوب عليها ايه ... افتح كبوت اللوجان وشوف اختام رينو وبعد كدة نتكلم
3- بالنسبة للمكونات المغربية فهى 40 % وبتكون من الصناعات المغذية فقط زى تيل فرامل ... الفرش والكراسى ... الفلاتر الحاجات ذات الصناعات البسيطة اللى ممكن اى بلد ينتجها وبجودة كويسة يا ريت انت كمان تكون دقيق فى الكلام اللى بتقوله زى ما بتطالب العضو
.........................................
يا ريت حضرتك ما تفسرش مشاركتى بانى منحاز للسيارة اللوجان ولا يهمنى اى حاجة اصلا
العربية ولله الحمد مريحانى جدا .... كان فى خوف من عدم انتشارها ومع ذلك حققت اعلى مبيعات السنة دى ... كان فى خوف من اسعار قطع الغيار وحاليا اسعار قطع الغيار اسعارها كويسة جدا داخل التوكيل وخارج التوكيل القطع بتنتشر كل يوم اكتر من اللى قبله والحلول بتتوالى كل يوم فى منتدانا العزيز وفى ناس كتير اتجهت للصيانات خارج التوكيل زيها زى اى عربية
اعتقد بعد الكلام الكتير دة ان دى مقومات لعربية ناجحة ومحترمة يبقى ماتحرمش حد انه ينصح بيها بعد ما جربها بل وامتلكها
وكل سنة وانت طيب وربنا يوفق صاحب الموضوع للاختيار الامثل
لكن مازالت اللو جان نعاني من ارتفاع اسعار قطع الغيار عن مثيلاتها في نفس الفئه السعريه
وهذا اكبر خطاء من التوكيل لو كان يريد الانتشار اكثر للسياره
المفروض انها سياره شعبيه لاصحاب الدخول المتوسطه
انا لاامدح او ازم في السياره لكني اتكلم في نقطه عامه
كان الاولي بالوكيل تخفيض اسعار قطع الغيار لتتماشي مع الفيرنا والانوس
+ حسب الكلام المعروف عنها انها دخلت البلاد خاليه الجمارك
السعر لو كان 55000 للفول اوبشن المفروض دخولها البلاد بالسعر ده
كان عمل نجاح رهيب للوجان + تخفيض قطع الغيار
طيب يا هوجان حنتكلم بالعقل ومن غير ضرب علشان انت هوجان يعنى :B4_282:
احنا دلوقتى عايشين فى بلد معفنة .. هو دة الحال بتاعنا مافيش رقابة على التجار والمنتجات المستوردة من الخارج او بمعنى اصح مافيش جهاز حماية مستهلك يحمى المستهلك قبل ما يشترى لا لازم تحصله مصيبة علشان يبدأ يتحرك
.................
طيب نيجى لنقطة السعر ... السوق المصرى سوق فريد من نوعه تحكمه بعض المصالح الشخصية زى ما كلنا عارفين ... اقصد ان العربية اللى بتنزل عندنا لازم تتحكم بسعر معين بحيث ما يكونش فى عربية واحدة هى اللى تاكل السوق انا عايز اقولك ان اللوجان لو نزلت استوك زى برة مفيش عربية فى مصر حتتباع غيرها ودة طبعا ضد لمصالح الشخصية لباقى التجار والسوق كله حيكون مع تاجر واحد اى كان هو
.........................
نيجى لنقطة تانية لو انا بقارن عربية سعرها 70 الف جنية بعربية تانية بردو ب 70 الف جنيه بس العربية الاولى المفروض تكون ب 60 الف جنيه ومع ذلك العربية الاولى (60 الف) احسن من العربية التانية
حط نفسك مكان المستهلك المصرى حتقول لنفسك لا يعم التوكيل دة حرامى .. انا حشترى العربية التانية الاقل جودة وبنفس السعر طبعا الكلام دة مغاير للحقيقة
انت على طول واتوماتيك حتقول دى احسن وبنفس السعر يبقى انا اولى بفرق الجودة وهنا بردو المصلحة الشخصية هى الطاغية
.........................
اللى عايز اقوله ان المستهلك لما بيروح يدفع فلوس مش بيفكر دى المفروض تكون بكام بيفكر ازاى ياخد اكبر قيمة مقابل المال بغض النظر عن سعر العربية اللى المفروض تكون عليه
........................
حد سأل نفسه سؤال .. منافسين اللوجان لو اتشال من عليهم الجمارج حيبقوا سعرهم كااااااام ؟؟؟؟؟؟
:satelite:
سؤال اخير تانى .... انهى عربية اقتصادية فى مصر كان اسعار قطع غيارها رخيصة اول ما نزلت ؟؟؟؟؟؟ :satelite:
احب اقولك ان حضرتك اسلوبك حلو فى النقد لانك مش بتنقد وخلاص لأ بتنقد جزئية معينة
وربنا يباركلك فى عربيتك وفى ممتلكاتك وكل سنة وحضرتك طيب
اشكرك علي ذوقك
اتفق معك اننا في بلد عايزه ال ولا بلاش
ياريت حضرتك تدخل على الينك ده حتعرف إن العربيه مش برعايه رينو ...لأ دى هى أصلا رينو
FRANCE: 'Design to cost' approach keeps Renault Logan development and production bill down: Automotive news & analysis
وحتلاقى إن العربيه واخده ماتور وحجات تانيه من الكليو وواخده كمان من التوينجو...
عايزك بقى تدخل عاى اللينك ده
Dacia Logan - Wikipedia, the free encyclopedia
حتعرف إن شركة رينو إشترت شركة داتشيا أو إستحوذت عليها سنة 1998 وعملت مشروع الوجان الكان إسمهx90 سنة 1999 و ظل فى البجث والتطوير لمدة 4 سنين...يعنى رينو بعد ما إشترت داتشيا بسنه بدأت المشروع من فرنسا بمركز الأبحاث الخاص برينو بجوار باريس..أظن الكلام واضح جدا...
إنما حضرتك بتقول تعاون نيسان وداتشيا!!
جكاية نيسان دى حاجه دعائيه فقط لا غير ناتجه عن إتفاقيات بين رينو ونيسان عشان يحطوا شعار نيسان فقط...
أحب أقولك يا أخى أنى لا أنشر معلومه إلا بعد التأكد منها ....والله يبارك فيك
جزاكم الله خيرا
العملية عملية مبدأ ! لو توكيل حرامي انا اختار ميت بديل و لا انيش انضرب على قفايا ان شاء الله حتى لو مشيت على رجلي
ياريت حضرتك تتفضل وتقول ال 100 بديل دول لعل وعسي صاحب الموضوع يستفيد
ويرايت تقوله برضه ازاى التوكيلات مبتسرقش فيهم
ده سعر اللوجان الكاملة باليورو
http://www.renault-dacia-logan.com/r...es-options.php
الموديل اللى بينزل مصر هو: 1.6 MPi هتلاقى سعره: 9290 يورو
بحسبة بسيطة هنقول اليورور ب 7 جنيه مصري هتلاقى الناتج 65000 ألف جنيه
احنا مسامحين للتوكيل فى ال 3000 جنيه يا عم، شوف انت توكيل تاني ميسرقش،
عمال تقول للناس متفتوش وانت اللى بتفتى أهو.
اسلوبك مش عاجبني و لما بتكلم انا بتكلم للاخرين مش علشان خاطر سيادتك! و لما انا قولت محدش ينصح باللي ميعرفهوش كان كلام عام لكن انت شخصنت الوصف و وصفتني بالقتي و ده اسلوب مش ظريف !
يا استاذي لما انا فتاي اقرا المقال ده
تبدأ شركة سوماكا المغربية في تصنيع 70.000 نسخة سنوياً من السيارة الشعبية "لوجان" تحت إشراف مجموعة رينو الفرنسية في شهر يونيو 2005
و تأتي هذه الخطوة بعد أن اشترت الشركة الفرنسية حصة مقدارها 20% من أسهم الشركة المغربية من مالكة هذه الحصة فيات، و بذلك تسيطر رينو على 54% من كامل أسهم "سوماكا".
يذكر أننا قد أخبرنا قبل حوالي سنة كاملة عن هذه الخطة و ذكرنا في هذا الصدد أن سعر السيارة سوف يبدأ من حوالي 34.000 جنيه فقط!! و هو سعر خيالي لسيارة بهذه الإمكانيات، استطاعت رينو أن تصل إليه بتقنية فرنسية بالكامل لترفع من شأن "داتشيا" المملوكة لها و تزيد من مبيعاتها بشكل مضطرد
و هي السيارة التي أطلقت عليها رينو منذ بدء التخطيط لها: "مشروع السيارة تحت الخمسة آلاف يورو".
و نوجه عناية القارئ الكريم إلى أنه للحصول على تفاصيل الحديث عن الـ "لوجان" يرجى الرجوع إلى أعدادنا السابقة (منذ حوالي عشرة أشهر)، لكننا للتذكرة فقط نؤكد بأن السيارة قد فازت على الشاهين بجدارة في المقارنة المعقودة بينهما بغض النظر عن الناحية السعرية التي هي بالتأكيد أيضاً من نصيب "لوجان".
و حرجع تاني و ارد عليك بان اللوجان الروماني اللي عليها الجمارك كانت بتتباع بالظبط ب 69900 جنيه فلما يشيله من عليها الجمارك بما يعادل 56% من تمنها تبقى ب 68900 يبقى مين الفتاي يا محترم و لو انت شاري لوجان ده حاجه شخصيه بيك و مش حتحتكر اراء الاعضاء الاخرين في نقض سياسه تسعير العربيه او حتى العربيه نفسها لأنك حتى لو اشتريت مرسيدس مش حتبقى بيرفكت يا باشا .
نتفق نحسن اسلوبنا شويه!
البدائل في فئة من 56 - 69 الف
1- بي واي دي اف 0 = 43 الف
2- سبارك 49900
3- سبيرانزا 113 49900
4- بيكانتو 55000 - 64000
5- بروتون ساجا 62000 - 69000 (اوتوماتيك)
6- سبيرانزا 516 64000
7- سبيرانزا a11 69900
8- هيونداي فيرنا 63000 - 68000
9- شيفروليه لانوس 64000 - 68000
10- بريليانس fsv frv 69900
11- دايهاتسو سيريون وان 64500
12- فيات بونتو 65000
13- بي واي دي f3 62000 - 67000
14- شاهين 1400 او ال 1600 فل اوبشن انجيكشن و باور 58000 - 68000
15- فاو فيتا (موتور تويوتا ) 60000 مانيوال 68000 اوتوماتيك ايزي ترونيك فتيس ايطالي اصلي سيدان او هاتش
و الخيارات كتيره و لو زاد الف او الفين ححطلك 10 او عشرين خيار تاني! فبلاش الكلام الناشف.
و على فكره انا ليا صحابي شغالين في التوكيل اول ما المغربي نزل حذروني ان في عيوب في العربيه لأني كنت ناوي اشتريها!
و اخيرا انا اجيب نيسان صني كسر زيرو ب 70 الف او لانسر 2007 ب 60 او 64 الف احسن من عربيه حاسس اني واخد فيها مقلب ( بس انا ماقولش مقلب و لسن تسعير الوكيل مبالغ فيه ) زي مقولت الموتورجل اهون من اننا نساعد الحرامي على انه يسرقنا
لو تلاخظ انا ذكرت العربيات الصيني المحترمه فقط زي البي واي دي و الاسبيرانزا و البريليانس و الفاو و دول اكبر مصنعي سيارات صيني ما عدا سبيرانزا بس توكيلها قوي و قطع غيارها متوفره فتعتبر منافس قوي لو فتحت لأي عربيه ممكن اكتب 5 او 6 عربيات تانيه
راجع الموضوع ده من سنه و نص http://www.nilemotors.net/Nile/64043-a.html حتعرف ان الفل كان المفروض تنزل ب 62 الف و الهاف ب 55 الف و الاوتوماتيك ب 66 الف يعني مع انهم ناهبين مهانش عليهم الهبره تبقى وسط لأ نزلوا الهاف ب 64 الف حاليا بزياده 7 الاف عن السعر اللي هما نفسهم اعلنوه
كل متقول رأيك في عربيه حتى لو معاك ميت دليل و عن تجربه برضه تلاقي اللي بيهاجم علشان شاري العربيه او ناوي يجيبها فبيقنع نفسه! دي حاجه حلوه انك تبقى قنوع و راضي باللي معاك بس مش معناه انك ترفض راي الطرف الاخر لأنك مش عايش لوحدك في الدنيا ديه! و بلاش اسلوب الاهانه علشان تسكت اللي قدامك لأن جايز بينفع مع بعض الاخوه هنا اللي بيأثر السلامه لأن مش كل الناس حتقبل الهجوم الغير مبرر
بص ... انا ارشح اللوجان .. لو كان الموضوع ده اتكتب مش شهر كنت حاقولك البريليانس
قولي ليه بقى؟
انا ال اف اس في دي شوفتها قبل كده و كنت معجب بيها جدا و بكمالياتها .. بس الصراحة لما ركبتها .. خاماتها من جوه معجبتنيش .. حسيت انها مقلب مش عارف ليه ...
خليك في اللوجان ناس كتير اوي هنا في المنتدى شارينها و بيشكروا فيها .. و متسمعش من حد الا لما يكون شاري سيبك من كلام الناس والله ما حتوصل منه لحاجة ...
ولا تنسى صلاة الاستخارة طبعا ...
بص أنا مش بحب الكلام الكتير،
أنا جايبلك السعر من الموقع الرسمي للعربية
انت بقى جايبلى السعر من مقال أعمل بيه ايه؟ ممكن يكون واحد بينتقد العربية والسلام
زى المقالات اللى بنشوفها كل يوم
هاتلى سعر من موقع رسمي وأنا معاك،
وبما انك قارنت العربية مع الشاهين وال 113 والاسبارك، يبقى متشكرين قوي مناقشة لحد كده