انا محتاج اشترى عدد 2 كاوتش للعربية بتاعتى لانوس 2 بافكر اجيب نفس المقاس اللى فيها 13/175 بس عاوز اعرف السعر كام وما هو احسن ماركة فى الاسوق وعند مين وشكرا لاحلى اعضاء
انا محتاج اشترى عدد 2 كاوتش للعربية بتاعتى لانوس 2 بافكر اجيب نفس المقاس اللى فيها 13/175 بس عاوز اعرف السعر كام وما هو احسن ماركة فى الاسوق وعند مين وشكرا لاحلى اعضاء
واحد صاحبى معه لانوس 2 لسه جايب اربع فرد ماشاء الله برجستون الفرده حوالى 270 واخذ خدمة تركيب وترصيص وضبط زوايا مجانا بس طبعا رضى العمال
اشهر الانواع الموجوده , بريدجستون , جوديير , بريللي , كومهو , ميشلان , جي تي
وياريت تفكر تجيب مقاس اعرض شويه يناسب عربيتك وليكن 185 / 65 / 13
بالنسبه للأسعار , بصراحه من فتره معرفش عنها حاجه , ومش هينفع اقولك اسعار عدا عليها سنه مثلا
وبالنسبه للاماكن الموثوق فيها , فـ حضرتك مقولتش انت ساكن فين او محافظتك ايه عشان نفيدك :-) بس لو حضرتك من القاهره فأقدر اقولك سمير بيومي في ميدان الدقي ممتااااااااااااز واسعاره كويسه وحاجته مضمونه
شكرا لكل الاعضاء الذين قاموا بالرد وده كان توقعى منهم الاهتمام وسرعة الرد
وبالنسبة للاستاذ / محمد الشامى اشكرك على النصيحة بس عاوز اعرف ايه الفرق بين 185 و175 /13 وعلى فكرة ميدان الدقى قريب منى وممكن اشوف المحل ده لو سيادتك تثق فيه وشكر خاص على الرد
الفرق بين المقاسين هيكون عباره عن فرق بسيط في عرض الكاوتش , والفكره من تعريض الكاوتش هو رفع نسبه ثبات العربيه
لو انت جاي من اتجاه ميدان الجلاء هتلاقي محل سمير بيومي بعد ميدان الدقي على الشمال و قبل مطعم جاد
والمحل اسمه على ما اتذكر شركه الايمان للبطاريات , وهتلاقي محل جنوط بتاعه بردو اسمه شركه الايمان . وبينهم مطعم صغير
السلام عليكم ,
انا لقيت المقاس دة من اسبوعين تقريبا فى محل فى الحى السادس اللى بعد أشرفكوا على طول كان فيه طقم 4 فرد كومهو و الفردة كانت 270 (تقريبا أنا مش متذكر كويس السعر) و الراجل قالى ان المقاس دة مفيش عليه طلب كتير
بس انا عندى سؤأل هل المقاس دة ليه أى تأثير على العربية او محتاج تنى للشفة او اى حاجة و الف شكر مقدما
لا خالص ملهوش اي تأثر وانا مركبه عندي من سنين
اللي يستدعي تني الشفه انك تركب جنط 16 , وتركب عليه كاوتش مقاس 205 / 45 / 16 , وكمان مش اي جنط يخلي الكاوتش يحك معاك
الجنط بيكون عليه رقم من جوا اسمه رقم الـ et لو الرقم ده زاد عن 49 الكاوتش يحك في المساعد , ولو الرقم اقل من 35 الكاوتش يحك في الشفه الخارجيه للرفرف
المقاييس دي خاصه باللانوس
http://www.team-bhp.com/forum/iipcache/39000.jpg
و ده رقم الـ et
http://i757.photobucket.com/albums/x...0091117612.jpg
حضرتك ممكن تبص على الموضوع ده
http://www.nilemotors.net/Nile/172360-a.html
ألف شكر يا ا/ محمد و جزاك الله خيرا
لا شكر على واجب يا استاذ علاء :-) انا تحت امرك
معلش يا ا/ محمد أخر سؤال , هل المقاس دة بيأثر على القراءة لعداد السرعة ؟