الموضوع: اريد شراء كاوتش جديد حد عنده فكره عن الانواع والاسعار

واحد صاحبى معه لانوس 2 لسه جايب اربع فرد ماشاء الله برجستون الفرده حوالى 270 واخذ خدمة تركيب وترصيص وضبط زوايا مجانا بس طبعا رضى العمال

اشهر الانواع الموجوده , بريدجستون , جوديير , بريللي , كومهو , ميشلان , جي تي

وياريت تفكر تجيب مقاس اعرض شويه يناسب عربيتك وليكن 185 / 65 / 13

بالنسبه للأسعار , بصراحه من فتره معرفش عنها حاجه , ومش هينفع اقولك اسعار عدا عليها سنه مثلا

وبالنسبه للاماكن الموثوق فيها , فـ حضرتك مقولتش انت ساكن فين او محافظتك ايه عشان نفيدك :-) بس لو حضرتك من القاهره فأقدر اقولك سمير بيومي في ميدان الدقي ممتااااااااااااز واسعاره كويسه وحاجته مضمونه

المشاركة الأصلية كتبت بواسطة emad2100

بالنسبة للاستاذ / محمد الشامى اشكرك على النصيحة بس عاوز اعرف ايه الفرق بين 185 و175 /13
وعلى فكرة ميدان الدقى قريب منى وممكن اشوف المحل ده لو سيادتك تثق فيه وشكر خاص على الرد

الفرق بين المقاسين هيكون عباره عن فرق بسيط في عرض الكاوتش , والفكره من تعريض الكاوتش هو رفع نسبه ثبات العربيه

لو انت جاي من اتجاه ميدان الجلاء هتلاقي محل سمير بيومي بعد ميدان الدقي على الشمال و قبل مطعم جاد
والمحل اسمه على ما اتذكر شركه الايمان للبطاريات , وهتلاقي محل جنوط بتاعه بردو اسمه شركه الايمان . وبينهم مطعم صغير

المشاركة الأصلية كتبت بواسطة محمد الشامي

اشهر الانواع الموجوده , بريدجستون , جوديير , بريللي , كومهو , ميشلان , جي تي

وياريت تفكر تجيب مقاس اعرض شويه يناسب عربيتك وليكن 185 / 65 / 13

بالنسبه للأسعار , بصراحه من فتره معرفش عنها حاجه , ومش هينفع اقولك اسعار عدا عليها سنه مثلا

وبالنسبه للاماكن الموثوق فيها , فـ حضرتك مقولتش انت ساكن فين او محافظتك ايه عشان نفيدك :-) بس لو حضرتك من القاهره فأقدر اقولك سمير بيومي في ميدان الدقي ممتااااااااااااز واسعاره كويسه وحاجته مضمونه

السلام عليكم ,

انا لقيت المقاس دة من اسبوعين تقريبا فى محل فى الحى السادس اللى بعد أشرفكوا على طول كان فيه طقم 4 فرد كومهو و الفردة كانت 270 (تقريبا أنا مش متذكر كويس السعر) و الراجل قالى ان المقاس دة مفيش عليه طلب كتير

بس انا عندى سؤأل هل المقاس دة ليه أى تأثير على العربية او محتاج تنى للشفة او اى حاجة و الف شكر مقدما

المشاركة الأصلية كتبت بواسطة alaasaid

بس انا عندى سؤأل هل المقاس دة ليه أى تأثير على العربية او محتاج تنى للشفة او اى حاجة و الف شكر مقدما

لا خالص ملهوش اي تأثر وانا مركبه عندي من سنين

اللي يستدعي تني الشفه انك تركب جنط 16 , وتركب عليه كاوتش مقاس 205 / 45 / 16 , وكمان مش اي جنط يخلي الكاوتش يحك معاك

الجنط بيكون عليه رقم من جوا اسمه رقم الـ et لو الرقم ده زاد عن 49 الكاوتش يحك في المساعد , ولو الرقم اقل من 35 الكاوتش يحك في الشفه الخارجيه للرفرف
المقاييس دي خاصه باللانوس



و ده رقم الـ et



حضرتك ممكن تبص على الموضوع ده
http://www.nilemotors.net/Nile/172360-a.html

ألف شكر يا ا/ محمد و جزاك الله خيرا

لا شكر على واجب يا استاذ علاء :-) انا تحت امرك