الموضوع: عاوز اشتري مبرد مياه ... هل من نصيحة

المشاركة الأصلية كتبت بواسطة بحري

الموديل اللي باقول لحضرتك عليه..
-في ترموستات عبارة عن زرار أبيض ورا يمين.. لكن درجة تبريده الأصلية مش عالية..وممكن تزوده وتقلله حسب الرغبة.. وزي ما حضرتك قلت الماء الفاتر بيظبط لو البرودة عالية
-في زرارين تشغيل واحد للبارد وواحد للساخن..يعني ممكن تشغل ده أو ده أو الاتنين مع بعض أو تلغي تشغيل الاتنين أصلا من غير مشاكل
- الوعاء البلاستيك (الاسم الحركي القارورة)..أفضل أنواعها هي بتاعة نستله وعشان كده ثمنها فاضية بحوالي خمسين جنيه تقريبا..حضرتك بتشتريها مليانة أول مرة بسبعين جنيه وتبدلها بعد كده بحوالي عشرين جنيه وتاخد واحدة مليانة..
أنا اشتريتها أول مرة وبعد كده باملاها من الفلتر...
طبعا لما بتشرتيها بتكون مستعملة قبل كده غالبا..فياريت لو تدور شوية على قارورة جديدة لم تستخدم قبل ذلك وهي بنفس الثمن..هم باستمرار بيضخوا في السوق كميات جديدة بدل الأوعية التالفة فممكن تقع على واحدة من دول

شكرا يا دكتور
سؤال اخير
الجهاز ارتفاعه قد ايه ؟؟
يعني ممكن يتحط ع الارض ولا لازم حامل او ترابيزة ؟؟