اصدقائي الاعزاء مش هتكسف ولا هخجل اني اعرض صور سيارتي اللى بقالها معايا 9 شهور وبلامانة ما شفتش منها اي حاجة وحشة السيارة العظيمة سيات 133 :)
اصدقائي الاعزاء مش هتكسف ولا هخجل اني اعرض صور سيارتي اللى بقالها معايا 9 شهور وبلامانة ما شفتش منها اي حاجة وحشة السيارة العظيمة سيات 133 :)
ربنا يباركلك فيها .... واى حاجة ارحم من قرف المواصلات
ربنا يكرمك ، وهي دي كانت وجهة نظري يوم ما اشتريتها واهم حاجة الصيانة الدورية.
يا عم تنكسف من إيه
الحمد لله و طالما مش متضايق منها خلاص
أهم حاجة الإنسان يستشعر نعمة الله و هو واضح في كلامك
ربنا يرزقك خيرها و يكفيك شرها و صدقني مش حتفرح بأي عربية أكتر من العربية دي و بكرة تقول اسلام قال
بس يا ترى بتعمل ايه في قصة السخونيه بتاعتها عشان الموتور ورا انا ابن خالى عمل اختراع كده وركب مروحة تبريد اضافية وماشيه معاه زي الفل
اعرفك يا صديقي اني اشتريتها متركب لها 3/4 موتور 127 ومروحة سوزوكي سويفت للتبريد بتشفط مش بتطرد غير انع معمول لها فتحة ورا الرادياتير بتاخد الهوا من تحت العجل والمروحة تشفط الهواء السخن وترمية برة فهتلاقي مافيش اي سخونة بالمرة في عز الصيف حتى
ربنا يخليك يا اسلام بس دي مش اول عربية في حياتي دي ببعد 3 مازدا323 ( استيشن - بتاعة الجيش - والهاتش باك ) واخرهم بتاعة الجيش بس بعتها لما اتجوزت ودي اول عربية بعد الجواز
طب يا ريت تصورلنا الموتور بتاعها عشان يبقي اوضح..انما العربيه ماشاء الله شكلها حلو
حاضر يا خالد بية اوعدك هصوره في اقرب فرصة بس هو شكلة مش هيفرق كتير عن شكل موتور السيات العادي الا ان الحوض بقى زحمة وضيق جدا بس مقابل النعومة وعدم السخونة
باشا : ربنا يبارك لك فيها .
كان معايا عربية زيها من 5 سنين . بس تقريبا حظى كان وحش فيها العربية كانت تعبانى قوى قوى . فى موضوع السخونة ده وكمان موضوع طرمبة البنزن وطرمبة المياه . ياترى الموضوع ده عامل ايه معاك
وهل مشاويرك كنير ولا مسافات صغيرة ؟
زياترى انت كنت جايبها بكام ؟
معلش أسئلتى كتير شوية . ربنا يبارك لك فيها ويديك خيرها ويكفيك شرها
والله انا مش عارف اية طرنبة المية دي ولا طرمبة البنزين فين بس انا رحت بيها الساحل الشمالي في شهر 8 عادي جدا ومشاواري معقولة تتراوح من 40 الى 50 كم يوميا وانا كنت شاريها غالية شوية بـ9750 جم علشان الجنوط والموتور المتعدل وصرفتلها كاوتش وبطارية وشوية تظبيط حوالي 2000 جم لحد ما وصلت لمرحلة الاستقرار بس اهم حاجة اللى تخليها تصمد الصيانة بانتظام
اشكركم جميعا على اهتمامكم
مبروك يا باشا
الله يبارك فيك يا باشا
ربنا يبارك لك فيها ويرزق وتغيرها لاحسن منها
بص يا سيدى .
طرمبة المياه
دى الجزء المسئول عن دورة المياه فى العربية يعنى هى اللى بتاخد المياه السخنة من الموتور وتعديها على الردياتير علشان تبرد . اما مكانها فين . مش مهم تبقى عارف مكانها فين بس المهم تبقى عارف وظيفتها ايه وايه هى الأعراض اللى بتحصل لما تبوظ .ولاقدر الله لو باظت . العربية هتسخن . ولو شلت الغطاء بتاع الردياتير وزودت بنزين هتلاقى المياه بتتحرك وده معناه ان الطرمبة شغالة كويس .
طرمبة البنزين
دى الجزء المسئول عن دورة البنزين ودى لاقدر الله لو مش شغالة العربية تقطع واحتمال ماتدورش أصلا
كلام سليم بس اياك تعمل الحركة دي و موتور العربية سخن علشان مياه الرادياتير بتبقي سخنة و ممكن لا قدر الله تلاقي المياه تفور في و شكاقتباس:
المشاركة الأصلية كتبت بواسطة hfekry
ممكن تعمل الحركة دي لو انت لسة مدور العربية بعد ما كنت راكنها و موتورها بارد
و ربنا يباركلك في عربيتك و يديلك خيرها و يبعد عنك شرها ........
كلام سليم . وشكرا للتنبيه . فاتتنى ان أقول الكلام ده والعربية باردة -اقتباس:
المشاركة الأصلية كتبت بواسطة thegoodhacker
هقولك على حاجة يمكن مش هتصدقها.. كان عندنا سيات 133 .. و الكلام ده من زمان شوية يمكن سنة 95 والدى كان بيشتغل فى الإسماعيلية وسافرنا بيها إسماعيلية و بورسعيد من الإسكندرية و الرحلة كانت ان إحنا بيتنا فى القاهرة عند ناس قريبنا و تانى يوم يوم نشد الرحال على الإسماعيلية
و الله كتير مش بيصدقوا الرحلة دى بس اللى انا فاكره ان السيات اللى كانت معانا كانت حالتها ممتازة و الله يمكن أحلى سيات شفتها لحد النهاردة (مش غرور يعنى) بس هى دى الحقيقة
و لحد دلوقتى لما بشوف سيات او أركبها أفتكر ايام الطفولة الجميلة
ربنا يباركلك فيها و خد بالك منها و بالصيانة الدورية إن شاء الله العربية هتريحك
واية اللي يكسف بس. دي كانت اول عربية اسوقها في حياتي يمكن من 9 او 10 سنين
كانت نفس اللون برضة، ربنا يبارك لك فيها وخد الصورة دي هدية مني ليك:
الصور حلوة جدا بس انت معلى العربية اوى من قدام
انت محتاج زيارة لحداد هيفك السوستة الأمامية ويطرقها وينزل العبية شوية علشان قدام يظبط مع ورا علشان اولاً اتزان العربية ثانياً منظرها
مبروكة عليك ان شاء الله و عقبال الزيرو بامر الله
ربنا يباركلك فيها يا باشا و يحفظهالك
ربنا يبارك فيكم متشكر اوي ليكم كلكم
بجد انتوا جروب هايل
ياريت ياباشا ترفعلنا الصور على الموقع دة www.imgall.com
لأن الصور ظاهرة عندى صغيرة اوى
ربنا يبارك يا مان والله السياره دى حلوه
بسم الله الرحمن الرحيم
ربنا يباركلك فيها و يعطيك خيرها و يبعد عنك شرها.
عربية جميلة ربنا يبارك لك فيها و يحافظلك عليها
واضح إن التعديلات اللي اتعملت كانت كويسة بس فعلا العربية عايزة توطي شوية من قدام
عنيا يا باشا بس بكرة اجيبهم معايا على الفلاش ميموري وارفعهم .اقتباس:
المشاركة الأصلية كتبت بواسطة body
ربنا يخليك يا حبيب قلبي كلك ذوقاقتباس:
المشاركة الأصلية كتبت بواسطة trama
الله يخليك يا باشا. هي بصراحة معدل ادائها كويس جدا مقارنة بالسيات العادية بس ما اقدرش اوطيها اوي من قدام علشان الجنوط مقاس العجل كبير على الرفرف فلما بكون مالي الشنطة اللى قدام حاجات كتير او محمل بتحك في الملفات فلازم تبقى عالية كدة بس والله مش مأثره على حاجة في المشي .اقتباس:
المشاركة الأصلية كتبت بواسطة Chicco
ربنا يباركلك فيها ويحفظهالك من السخونية انا كان معايا واحده وكانت اكثر من ممتازة ولم تكسفنى ابداً والحمد لله ربنا كرمنى وجبت لانسر 2008 الشكل الجديد بالتقسيط ادعيلى ربنا يسترها معانا
[frame="1 50"]
يا باشا ربنا يباركلك فيها اهى احسن من هم المواصلات
وزى مالاخ fiatmomo قالكوارفها واهم حاجه لاى عربيه الصيانه الدوريه
والف مبروك
[/frame]
ربنا يبارك لك فيها
cooooooooooooooooooooooooooooooooooool
dedo77 اليوم 05:29 AM
cooooooooooooooooooooooooooooooooooool
rami_nassr يوم أمس
ربنا يبارك لك فيها
02:35 PMmo2men2010nn
يا باشا ربنا يباركلك فيها اهى احسن من هم المواصلات
وزى مالاخ fiatmomo قالكوارفها واهم حاجه لاى عربيه الصيانه الدوريه
والف مبروك
اشكركم يا اصدقائي بس دي بقت تاريخ انا بقالي سنة معايا سكودا فيفوريت .... اشكركم اشكركم
اشكركم جميعا
ربنا يسترها معاك يا باشا و الف مبروك ولو اني بقولهالك متأخر سنة بس الف مبروكاقتباس:
المشاركة الأصلية كتبت بواسطة medo1970
تتكسف ليه ياعم حد ليه حاجه عندك
ربنا يمتعك بيها ويحفطك من شرها
واللى مش عاجبه ويودى وشه الناحيه التانيه
اشكرك يا بية على شعورك الرقيق ، واحب اعرفك اني بعتها من سنة وجبت سكودا فيفوريت.اقتباس:
المشاركة الأصلية كتبت بواسطة ash_rsi