العجلة بتجيب زيت -فيرنا-

**Ashraf_Ibrahim** · 29-08-2010 08:58 PM

المشاركة الأصلية كتبت بواسطة caysersosaih

الخرطوم ده احتمال ضعيف بص علي ماستر الفرامل الخلفي لو مرشح زيت غيره

احم
مهو انا معرفش الحجات دي
ياريت لو حد يشرحلي اعمل ايه بالصور طيب

المشاركة الأصلية كتبت بواسطة ziabassem

ماستر الفرامل الخلفي .. بس شوف زيت الباكم بينقص ولا لآه .. وبعدين حضرتك موضحتش كمية الزيت اللي نازلة كتيرة ولا مجرد رشح بسيط

بص على المساعد شوفه مرشح زيت ولا لآه .. أحتمال برضه .

احتمال تالت واحد نزل زيت على العجلة والعربية واقفة !!

هو الاحتمال الاخير صعب شوية
اصلي تابعتها يومين ورا بعض وكانت نفس النتيجة
هو رشح بسيط مش كمية زيت كبيرة
انا طبعا سألت الفني في التوكيل عن مستوى الزيت -وشفته الصبح قبل امروح كان مظبوط وكله تمام- قلي ان مفيش تسريب زيت اساسا!

**bassem.naguib** · 30-08-2010 02:57 AM

سؤال تاني .. الزيت ده في العجلة من بره ولا من جوه .

لو في العجلة من بره يبقى أكيد حد دالق عليها زيت علشان متلفش حوالين نفسك .. ولو من جوة أكيد برضه الماستر الفرعي بتاع الفرامل بينشع الزيت ده وبيسقط على العجلة .. حاول تفك العجلة وتشوف مجموعة الخراطيم الواصله للطنابير .. وبص على أخر الخراطيم دي .. لو لاقيت زيت ناشع خفيف .. يبقى الماستر الفرعي عاوز يتغير .

الاحتمال الأخير من المساعد (احتمال ضعيف).. وأنت لسه فاكك العجلة بص على المساعد لو لاقيته مرشح زيت يبقى منه