انا معتك انها سيستمز معقدة جدا بس نجاح الdsg مع vw رغم مشاكله و اتجاه شركات تانية للفكر ده بيدل انه حيكون له مستقبل كبير ,
ربنا يصبر اللى اشتروها
السلام عليكم
أنا اشتريت الكورولا ٢٠٠٩ الجنوب أفريقي
ماشي بيها لغاية دلوقت ٦٥ الف
العربية. دي أقدر أقول انها عربية محترمة جدا
سحب ممتاز
ماكينة قوية وخصوصاً عدم تأثرها مع عمل التكييف
التكييف أكثر من رائع
قطع غيارها عقولة جدا
فصل الفتيس مرة معايا وروحت التوكيل عملوا التعديل صحيح فيه فرق بس بسيط
العربية بجيب بيها ٢٠٠
مشاكلها
عفشة خفيفة شوية التوكيل غيرلي المسلعدين مرة على حسابه
فتحة الشنطة بتعلق كتير
طبعا فتيسها مووده مختلف
في النهاية عربية زي دي وسعرها واقع
اشتريها وانت مرتاح
لان عمرك ما هتلاقي ماصفات زي دي بسعر زي دا
انا عن نفسي لسه شاري واحده تانية من شهرين
واللي عايز يبيع انا بنصحه ببلاش العربية دي يوم عن يوم بتثبت في السوق
العربيه تحفه من حيث الثبات والاوبشن والوسع الداخلي وعفشه رياضيه احسن من التقفيل يباني لان اليباني عفشتها انعم وده بيقلل الثبات وعرضها وطولها اقل من الجنوب افريقي عيب الجنوب افريقي الوحيد هو الفتيس mmt ليس له علاج عيوبه متكرره والتوكيل مش عارف يحلها وملهاش حل ومشكله الفتيس دي مش طريقه سواقع والناس مش عارفه تتعامل معاه لا الي بيخلي الفتيس ده يجيب عيوب زحمه مصر الفظيعه مالتكنولوجيا بتاعته مش بتستحمل الزحمه لو العربيه بتمشي في طرق مفتوحه مش هتجيب عيوب وللعلم بالفعل في 3 اشخاص كسبو القضيه ضد شركه تويوتا وخدو حكم بالتعويض بس لسه تويوتا بتستأنف غير ان في حوالي 8 حالات تم تحويلهم اليومين دول من جهاز حمايه المستهلك الي النيابه والنيابه هتحولها علي المحكمه الاقتصاديه قريبا واكيد هيخدو احكام علي تويوتا لو عاوز تشتري انصحك بي الجنوب افريقي موديل سنه 2010 لانها نازله بي فتيس اوتوماتيك عادي ال mmt موديل 2008 و 2009 فقط
وهو مش ممكن يركبلها فتيس اوتو عادى استيراد يعنى فك وركل على طول ؟؟
والله كلامك كويس يا باشا
بس يمكن دي الحالة المختلفة وده قليل
انما المعظم متفق علي العيوب ..
ممكن يركبلها بس في حجات كتير المفروض تتغير زي الدفيره وكمبيوتر العربيه والكابالن والتابلو
انا معايا موديل 2008
-المميزات
تصميم جميل
واسعة
عالية عن الارض عمرها ما حكٌت منى على مطب حتى لو راكب 3 على الكنبة
عفشة قوية و ثبات عالى جداً
فرامل ممتازة
من بعد ال 100ك/س تسارع وتجميع فوق الممتاز وعمرها ما كسفتنى مع عربية ألمانى بعد ال 100
بمشى بيها على 200 بمنتهى الأمان ثابتة جداً مفيش أى قلق
استهلاك بنزين معقول جداً
مفيش أى نوع من أنواع الإعطال حصل معايا
تقفيل جنوب أفريقا كويس قوى لدرجة أنى بلاقى حاجات فى التقفيل مش موجودة فى اليبانى زى مثلا الانوار اللى فى الشماسات الامامية و غطيان البلاستيك لدراعات تنك البنزين والشنطة وحاجات كتير
وبالنسبة للتوكيل ناس فى قمة الإحترام والإحترافية
-العيوب
الفتيس المالتى موود فكرة غير مناسبة إطلاقاً لشوارعنا الزحمة
الفتيس بينتش و بيخبط أحياناً
الفتيس حتى بعد التعديل بيعمل نقلات غير مبررة إطلاقا خصوصا لما أحب أتجاوز عربية قدامى لازم بكون حذر جداً
من الأخر كده الفتيس أداءه غير سلس وغير متناسب إطلاقاً مع قوة الموتور خصوصاً فى الزحمة
وبرضة مش الكورولا فيها المشكلة دى أنا شفت ناس متضايقة جدا راكبة باسات و جيتا و فكترا وفيات بيشتكو من الفتيس اللى فى عربياتهم فهيا عموماً تنكنولوجيا غير مناسبة لطرقنا و شوارعنا
وأخر حاجة خنقتنى إكصدامات العربية..ضعيفة جداً وأقل ترييح على الاكصدام الامامى بيتشوه..المشكلة الاأكبر فى الإكصدامات لما بتترش ..أنا لحد دلوقتى راشش الاكصدامات 3 مرات ولا مرة اللون بيطلع لون جسم العربية لازم بيكون فيه فرق وبيكون واضح للأسف