فكرة حلوة برضة الله ينور عليك:satelite:
بس ابقى خللي بالك و انت بتشيل البطارية لاتتكهرب منها :ma:
عرض للطباعة
بطارية العربية مش حتموت لان مع ان الامبير عالي الفولت قليل جدا فالتيار مش حيمشي في الجسم و يموت.
و حتى لو الفولت و التيار عاليين حتفرق طريقة التعرض ليه و حالة الجسم عشان يموت.
الفولت مثل الضغط هو اللي بيمشي التيار في المقومة اللي امامه.
50 ملي في القلب او 20 ملي في المخ تموت.
حاجه تانية مينفعش نقارن بين كهربة البيت ac و التيسر و البطارية dc .
أنا كنت على طول بعمل كده لغاية ما في مرة الديناموا كله ضرب مني وغيرته من غير ما أعرف ضرب ليه وإستمريت أعمل كده لغاية ما المرة اللى بعدها السليكونات بتاعة الديناموا المسئولة عن شحن البطارية هية اللى ضربت .. عرفت ساعتها إنه بسبب الحركة دي ... طبعا الكلام ده كان في العربية البيجو
لكن أعتقد الكلام في العربيات الجديدة اللى فيها كنترول هايكون الموضوع معقد أكتر وفيه مخاطرة أكبر
الكلام ده هوة اللى مظبوط
لو كان فرق الجهد ضعيف زي 12 فولت عمره في حياته ما يموت حتى لو كان الأمبير عالي إلا إذا كان السلك مباشر على الأعصاب مثلا ... لأن فرق الجهد هوة بمعنى آخر القوة الدافعة الكهربية ولو القوة دي ضعيفة يبقى مش هاتقدر تمرر الكهرباء من خلال الجلد البشري حتى لو الأمبير عالي ..
لكن لو القوة الدافعة الكهربية (الفولت) دي عالية زي الإلكتريك شوك لكن الأمبير قليل يبقى الكهرباء هاتخترق الجلد البشري وبقوة جامدة جدا كمان وده اللى بيعمل الصدمة .. ولكن الأمبير ضعيف ---> يبقى محتاج تعريض الجسم للكهرباء دي لمدة أطول بكتير عشان الدم يتحلل وتسبب الوفاة
لكن لو في البيت الكهرباء هاتكون 220 فولت ثابتة لكن الأمبير متغير ونظريا ممكن تدي أمبير لا نهائي .. لأن كل جهاز بيسحب الأمبير بتاعه وكل ماعدد الأجهزة اللى شغالة يزيد كل ما أسحب أمبير أكتر وأعمل أحمال كهربية أكتر على الشبكة ..
التكييف مثلا معروف إنه بيسحب من 10 لـ 20 أمبير في الساعة طبعا حسب قوته وساعات أكتر أو أقل هانفترض بيسحب 15 وكمان عندك غسالة شغالة وبتسحب 5 كمان وكمان سخان بيسحب 10 ... يبقى كده مجموع الأحمال الكهربية يساوي 15+5+10= 30 أمبير ...
لو أنا عملت قفلة في الكهرباء بإني مسكت السالب والموجب بتوع البيت بإيدي ده معناه إن شدة التيار وصلت لقيمة لا نهائية مع فرق الجهد الكبير (220) = حالة وفاة للي ماسك السلك ده في وقت القفلة
أنا معرفش إيه الكلام الكتير ده :majd(2): ... بس مش هامسح حاجة لإنه إتكتب خلاص :36_6_3[1]:
المفروض اوصل القطب الموجب من عربيتك ثم القطب الموجب فى العربيه المراد تدويرها
ثم الفطب السالب فى العربيه المراد تدويرها ثم القطب السالب فى عربيتك
وتسيبها شويه دايره متوسط 3 ار بى ام ثم يقوم جارج بتدوير سيارته
وعند الدوران يتم عكس الدوره يعنى تشيل سالب عنك ثم عنده ثم موجب عنده ثم عندك
الموضوع طلع كبير اوي يا رجاله :dzey:
انا عربيتي اتو زيرو ..... بس ان شاء الله ناوي اغير البطارية بعد سنة ونص علشان متعملش معايا اي فصل مش ولا بد يعني .... اصل الموضوع ده في الاتو بيبقى رخم قوي قوي :120146b
خسارة
فيه بطاريات كتير جدا بتعمر بالذات الفابريكة
عربية ابويا 1999 البطارية باظت 2004 .... خسارة انك ترمي بطارية شغالة من باب الاحتياط
لو قلقان ممكن تشتري طقم سلوك بطارية نضيف و تمشي بيه .... أو كان فيه جهاز بيتباع زمان في راديو شاك حجمه قد جركن الزيت تقريبا كده بتشحنه في البيت و بتاخده معاك في العربية لو نامت توصل كابلاته بالبطارية و تدور منه .....
بس خسارة ترمي بطارية شغالة لمجرد انك قلقان منها