ثمنة اكثر من ثمن البطارية اساسا
كان ب 275 جنية
و النهاردة البطارية ال 70 امبير ب 160 جنية
اللي راكب اوتوماتيك لازم بطاريتة تكون صاحيه تمام و يكون كمان شايل كابلات
عرض للطباعة
انا شاريها من شهر و نص تقريبا او شهرين من ابو اسماعيل اللي في مصطفى النحاس كلورايد (مش جافة) ب 160 + البطارية القديمة
انا كنت حاطط جافة قبلها و عاشت معايا فوق ال 3 سنين و كنت جايبها من عندة برضة
المرة دي هو اللي قاللي لا هات العادية دي احسن من الجافة
و البطاريات اسعارها نزلت قوي عن السنة اللي فاتت و اللي قبلها
دة من سنتين البطارية كانت ب 800 جنية
على فكرة اللي بنقول عليها جافة هي مش جافة و لا حاجة هو الفرق بس انها مقفولة على ميتها
الجافة الحقيقية بتبقى نيكل كادميوم زي بتاعه المرسيدس ال600 (زي بطاريات الشحن) و دي بتبقى فوق ال 3000 جنية على ما اعتقد
هي عاشت معايا فوق ال 3 سنين او 3 سنين و نص
بس استعمال خفيف يعني مامشيتش 20 الف كيلو ربما حوالي 16 الف فقط او اقل قليلاً
بس لما تكون العادية بنص تمنها يبقى الواحد يفكر
و بتا البطاريات قاللي كلمة ان البطارية دي نقدر نشوف ميتها و نغيرها و "بتبقى في ايدينا"
بس انا لازلت مقتنع ان الجافة افضل و اريح للبال بالذات لو عربية حديثة شحنها مضبوط
الفارتا البطارية بتاعتها بتكون جافة بجد أعتقد (بس معرفش هل هى نيكل كادميوم ولا لأ)
مش مجرد سائلة مقفولة كويس
وبتكون صنع المانيا عشان كدة بتكون دايما غالية الفرق بينها وبين أي بطارية تانية 200 جنيه على الاقل ...
بس أنا مش متأكد من المعلومة دي .. لأني جربتها من حوالي 7 سنوات وقعدت حوالي 5 سنوات ونص لغاية ماغيرتها بس آخر 6 شهور تعبتني شوية مرة تشحن ومرة لأ
حتى لما غيرتها ماجبتش فارتا لأن مكانتش موجودة فقط مش أكتر .. لكن أنا شايفها أكتر بطارية ممتازة في مصر .. ودايما بجيبها من التوكيل بتاعها في آخر فيصل