الموضوع: أستهلاك اللوجان ، أرجوا المساعدة

المشاركة الأصلية كتبت بواسطة abo_farah

حضرتك اضبط الهوا 29:32 ..وياريت يكون تيتروجين....بعد كده ادخل على بنزينه محترمه...وحط بنزين 92....وصفر العدد بعدها على طول

بعد كده اصلع على طريق سريع على انا تكون سرعتك لا تقل عن 90..........المفروض يكون الاستهلاك بدون تكيف 6.2 الى 6.5

أنا كل شويه بحب اشيك على استهلاك البنزين فاصفر العداد
امبارح جربت على كورنيش المعادى وانا راجع ومعايا المدام وولدى وصفرت العداد وكانت مشيت على 80 وكانت الدنيا فاضيه قبل صلاه الفجر بربع ساعه كده
الاستهلاك كان

4.6 لتر / لكل 100 كيلو

المشاركة الأصلية كتبت بواسطة amrelzawawy

من تجاربى العمليه بقالى شهر بحسب الاستهلاك لقيت ان الموضوع يتوقف على حاجات كتير عشان تحسب الاستهلاك مظبوط اولا ظبط الاطارات على 32 ورا و 29 قدام ثانيا التموين ببنزين 92 ثالثا عدم تشغيل التكيف رابعا مراعاه اتك تكون مشيت فى اماكن زحمه جدا وده عادى طبعا واماكن مفتوحه شويه زى صلاح سالم عشان فى النهايه تحسب المتوسط داخل المدينه بدون تكيف احسن طريقه هى الحساب بالشرط اختار اى شرطتين غير اول شرطه عشان التنك واخر شرطه اللى بتحسب البنزين اللى فى الزور والمواسير واول ما الشرطه تختفى مون وصفر عدادك من الزرار اللى فى تابلوه العداد وحط عشره لتر هيعملوا شرطتين تحسب عليهم ده احسن طريقه عمليه ولا كمبيوتر ولا غيره والمفروض المتوسط من 7.5 الى 8 لتر لكل 100 كيلو بدون تكيف داخل المدينه

وليه ده كله
ماهو كمبيوتر الرحلات بيحسب الموضوع ده بالضبط