السلام عليكم ورحمة الله وبركاته

امبارح كنت بعمل اول صيانة مجانيه في ابو رواش بناء علي نصائح اخي الكبير ابو عبدالله

اتصلو بي لتأكيد الحجز قبلها علي الساعة 11 يوم السبت قولتلهم ايوه مضبوط

صفرت عداد الرحلات وطلعت من الحدائق الي دير الملاك ثم غمرة فكوبري اكتوبر ثم اتجاه ميدان لبنان ثم المحور

ثم يمين المتجه الي اسكندريه قبل البوابات ابو رواش يمين قبل بوابه الكارتة ب 20 متر

مفيش يافطة في اول الطريق تقول فين ديهاتسو

فضلت ماشي لحد ما ابتديت اشوف اول يافطة

شمال عند بنزينة التعاون ثم شمال تاني حسب اليفط

دخلت من البوابة الموظف قالي صيانة قولت ايوا

دخلت في صف عربيات

قولي اتفضل في الاستقبال الانسة مروي

واخدت الرخصة وشويه يبانات ثم المهندس حاتم

ده اول مرة لي في مركز صيانة
لاقتهم غلفوا الدركسيون ببلاستيك استرتش

ودواسة ورقية للسائق وتلبيسة بلاستيك لكرسي السائق

ده طبعا علشان لما الفنيين يركبوها مفيش حاجه تتوسخ

كان معايا اياد ابني 3 سنوات

سألت علي اللاستاذ محمد عبدالصمد

فوجئت انه شاب يكبرني ب 4 او 5 سنوات علي الاكثر

انسان محترم وقمه في الادب والزوق

قعد يلاعب أياد ابني واداله ببغاء معطر للسيارة هديه

وطلعنا في kids corner

وطبعا ده مش كل حاجة

في Play station و تلفزيونات وكافاتريا وNetwork Wireless

ومسجد وحمامات واستراحات مجهزة يعني فسحة لاياد افندي

في زجاج فوق شايف منه العربية وكان ضمن ملاحظاتي صدأ في مسامير الفوانيس الخلفية

المهم الفني كان في ايده اسبري حاجه كده زي WD40

راح مدي الفانوس الخلفي شمال انا بصراحة قلقت قوي لكن قولت هما ادري بشغلهم

المهم شويه ولاقيت العربية دخلت جوا وغابت عن الانظار ناحية الدوكو والسمكرة

يجي نص ساعة وخرجت

روحت ابص علي العربية


الاقي مكان ال WD40 مسيح الفانوس كأنك حاططت عليه امير

بسرعة روحت للمهندس حاتم وقولتله تعالي شوف بوظتولي ايه

قالي حضرتك انا لسه مستلمتش العربية وحالا يا فندم

اخدو العربية ودخلوا بيها جوا تاني حيث لا يمكنني رؤيتها

وانا نفسي اعرف ييعملوا ايه

ولاقيت فرصه اني اشوف ايه اللي بيحصل

كونسولتوا بيحاول يداري اثار السائل دون جدوي

واخيرا غيروا الفانوس علي حسابهم لان ده غلطتهم

بصراحة ناس محترمين و لو حد غلط هما بيتحملوا الغلط

[gdwl]وده بجد درس لاي حد بيفكر يتعامل برا التوكيل[/gdwl]

لاني ياما عانيت من الصنايعية وقلت حبرتهم

الميكانيكي بيوظ ويقولك روح للكهربائي

والكهربائي يخرب ويقولك ده شغل كهرباء تكييف

والمحصلة متعرفش تاخد حقك وتضضيع وقتك وفلوسك وتحرق دمك

رغم غلطة الفني الا اني مبسوط من المركز والتجهيزات اللي فيه ومن كل اللي فيه

وعلي رأسهم الاستاذ محمد عبد الصمد