أنا بعمل تقرير عن التاكسى الابيض و مطلوب منى دلوقتى أعرف التاكسى ده إيه رأيكم فيه ؟؟
و إيه ملاحظتكم عليه ؟؟
و العداد هل فعلا بيتلعب فيه ؟؟؟ و إزاى؟؟
طب إيه المواقف إللى حصلتلكم معاه ؟؟؟
و و أول تاكسى أبيض ينزل فى البلد فعلا كان سنة كام ؟؟؟
و يا ريت تكتب إسمك و سنك و شغلتك :36_3_10[1]: ..
و شكرا يا جماعة :shine[1]:
اقتباس:
المشاركة الأصلية كتبت بواسطة SeiffoZ
انا لسه حاصلي امبارح موقفين ..انا اسمي حازم 22 سنة طالب
الموقف الاولاني ركبت التاكسي وكان معايا والدتي واختي ..المهم بقله شغل التكييف قالي الجو مش مستاهل قلتله مستاهل مش مستاهل انا بقلك شغله قاللي مش مشغل حاجة !!! وع فكرة الكلام ده مش من اول ما ركبت يعني كان العداد عامل بتاع 8 جنيه ..طبعا اتخنقت منه قلتلوا خلاص نزلني ونزلت ..
الموقف التاني ركبت مع سواق تاني وكان مشغل التكييف وتمام ووصلت البيت عداده عامل 15 جنيه اديته 16 ..اذ به يقولي مفيش حاجة عشان التكييف !!!!!!!!!!!!!!! قلتلوا يعني ايه مفيش حاجة عشان التكييف هوا مش كله ع العداد ..قالي لأ مالوش دعوة بيه !!!!!!!! ..قولت ياواد خليها عليك وطلعتله كمان جنيه ..قام بص بقرف كده ويقولي خلاص شكرا قولتلوا شكرا شكرا اتكل ونزلت .... يعني هوا واخد عداده وزيادة وبرضه مش عاجبه ...تقول عليه ايه ده ؟؟
لو مكانك...اسيبو و امشي....كان هيطلع يجري و راك زي ال...اقتباس:
فمرة السواق خبط عربية فا مرايته أتكسرت ( السواق غلطان جدا )
يعمل أيه بقي .... ينزل يتخانق بتاع ربع ساعة
عشان أيه ؟
العداد يعد وفي الفترة ده يعمل تمن المراية
كانت لادا
وانا دفعت ومردتش أتكلم معاه
كنت ببدلة ومش عايز أتخانق :(
الموضوع ده هيفيدك إن شاء الله
http://www.nilemotors.net/Nile/97856-a.html
معظمهم نصابين
يعد يلف و يدور علشان يزود المسافه ال هوا ماشيها يعني المشوار ال يتاخد في 10 دقايق ياخدو في 20 دقيقه و حجته ان الطريق المختصر زحمه
انضميت للمهنه
ههههههههههه , مرحب يا زمل
بدأنا نتفشى فى المنتدى اهه
+11111اقتباس:
المشاركة الأصلية كتبت بواسطة hazemhany
لسه امبارح برضه
نفس الموقف
بس الموقف بتاعي كان عمال يمهد في الاول
ويقولي التكيف عامل شغل
ومش تلاقيه في اي عربية
ودا العربيات دلوقتي ما تستحملش تقعد جواها
ونادي لما تلاقي بتكييف
بس علي فكرة انا اعتقد ان قراءة العداد بتفرق لو مشغل التكيف او لاء
لاني برضه اخدت حته صغيرة علي الدائري
وطبعا ما اقدرش امشي في الشمس والصيام
وكانت 10 جنيه
وهي فعلا حته صغيرة خالص
وانا ببص اول ما بركب وبتاكد من انه جاب العداد من صفر
العداد بيتلعب فيه عن طريق انه بيشغل عداد الوقت مع الكيلو وبيخبي عداد الوقت باي طريقه زي فوطه صفرا مثلاً ولما توصل تلاقي العداد ضعف اللي انت متعود تدفعه ودي حصلت معايا في عربيه لادا
وفي كمان سواقين بيقفو لاكتر من زبون في وقت واحد وبيتخانق مع الزبون التاني ويدفعه نفس العداد والاولاني بيتحسب عليه الوقت اللي وقفه وفي ناس معندهاش دم بيقفو عند بتاع الكاوتش !! ودا تصرفي معاه اني بمد ايدي واوقف العداد لحد ما ييجي يمشي بشغله تاني ولو فتح بقه بنزل من العربيه فوراً
والعربيات البيجو فيها اوبشن عداد سياحي اغلى من العادي
ولسه هنشوف بتوع الالكترونيات اللي معندهمش دم اللي هيلعبو في العدادات ويخلوه يحسب مسافه اكتر من اللي بيقطعها مثلاً .....
وفي سواقين اغبياء زي مرره واحد عايز نص جنيه زياده بحجة ان العداد فاضله شويه ويقلب مع اني اديته الفلوس ونزلت من العربيه ومشيت شويه ودا عمال ينادي عليا ويقولي استنى العداد هيقلب اهو !!!
ركبت لادا من الحرفيين عند موقف العاشر كده ونزلت عند النزهة الجديدة وطول ماهو ماشي العداد بيجري بسرعة انا استغربتلها يعني 2,25 بعدها ب10 ثوان 2,50 وهكذا والطريق كان ساللك لسه اول النهار ده كان تبريره والعداد بيجري بطريقة بشعة المهم حسبتها في الآخر الكيلو ب1,25 واحنا عملنا 8 كيلو يبقي 12,50 مع فتحة العداد اللي هي 2,50 مش عارف انا اللي صح ولاهو بس حسيت ان العداد ملعوب فيه وقلتلله عدادك مش مظبوط واديته 10 جنيه ورضي بيهم
ديما يقربوا لاقرب جنيه
فوق طبعا
يا جماعة بإختصار علشان محدش يضضحك عليه سواء لاعبين فى العداد او مشغلينه سياحى
انت ممكن تحسبها بنفسك بسرعة وهتعرف هوا ضاحك عليك ولا لا
اولا اول مبتركب فى 2.5 دول بتمشى بيهم كيلو
بعد كده كل كيلو بـ 1.25 بيتحسبو ازاى؟؟......
كل 0.2 كيلو بربع جنيه وبيتحسبو مقدما يعنى بعد اول كيلو... اول ما العداد يجيب 1.1 كيلو هتلاقى الفلوس بقت 2.75 وهتفضل كده لحد ماتحلص 1.2 كيلو.......
بعد كده اول ما تبقى 1.3 كيلو هتلاقيها زادت ربع جنيه كمان يعنى بقت 3 جنيه طبعا لو مفيش انتظار..
نيجى بقى للانتظار.....
الساعة بـ15 جنية يعنى كل دقبقة انتظار بـ ربع جنيه
انت بقى بكل بساطه قبل ما تنزل تشوف انت مشيت كام كيلو نقول مثلا 10 كيلو.....
تطرح منهم واحد اللى هوا بـ 2.5 اللى فى الاول وتضرب الباقى فى 1.25
يعنى 9*1.25 و ضيف عليهم ال 2.5 بتوع اول كيلو.....
وبعد كده تضرب دقايق الانتظار فى ربع جنية للدقيقة وتحسب المبلغ كله هتعرف العداد مظبوط ولا لا
هو التكييف دا بيتحسب على العداد
يعنى اقوله شغله لما اركب و ادفع اللى على العداد
ولا ابقى ادفعله 2-3 جنيه زياده على العداد؟
اصل انا نادر اما اركب تاكسيات
ومركبتوش غير كام مره
أغرب حاجة سمعتها و شوفتها...
التاكسي الإسبرانزا الأبيض....عداد العربية غير عداد التعريفة....يعني لو التعريفة عادد 25 كيلو...يبقى بتاع العربية عادد 28..!!
نادر نبيل... 23 سنة...موظف
هو بيقلب ربع ولا نص لأني كنت ركبت قبل كدة واحد من المعادي كان بيقلب نص
طالما السواقين هما هما مش هتلاقي تغيير فلسلوك
تاكسي اسود ابيض اصفر كاروهات
نفس المشاكل
اخر تاكس اول مركبته طلبت منه يشغل التكييف والا انزل
ونا نازلة كان عامل 7 جنيه ادتله عشرة وبقوله الباقي 3 جنيه؟؟؟
لقيته بيقوللي سبعه ازاي يعني هو التكييف دا ببلاش؟؟؟؟
قلتله مهو لو ببلاش كان زماني دفعتلك جوز جنيهات بس فلشارع العبيط دا
ضحي توفيق 94 سنة رائدة فضاء
اوعي تكون بتستدرجنا وبتكتب موضوع صحفي:36_7_7[1]:
شكرا يا جماعة على كل الردود دى و الإهتمام و المهمة تمت الحمد لله :Oc_sun1[1]:
اقتباس:
المشاركة الأصلية كتبت بواسطة icehearted girl
اقتباس:
المشاركة الأصلية كتبت بواسطة Ahmed Nouh
ههههههه ...
أنا أختى حاليا بتدرب فى وكالة أنباء يابانية ... و طلبوا منها بحث عن شامل عن التاكسى الأبيض ..
فواخدانى السيكرتير بتاعها ... أساعد ... و كله بحسابه طبعا :ma: ...
يعنى تقدروا تقولوا بقيت زميل ليك يا نوح :satelite:
هو بيقلب ربع على طول بس مع دقايق الانتظار ممكن يقلب نص عادى لان كل دقيقة بربع جنيةاقتباس:
المشاركة الأصلية كتبت بواسطة gebreel
يبقى انا اضحك عليا يا ردالة =)
ده كان بيقلب نص و هو ماشي عادي جدا بس بردو في الاخر اديتلو نفس اللي على العداد اللي الابيض و اسود كان بياخدو من المعادي لمدينة نصر و بالتكييف كمان
اي دا يعني انا مشاركتي دي هتتنقل بالياباني؟؟
طب قلل بقي ملسن 70 سنة
واسحب عنيها لفوق
لما يشغل التكييف زى مايشغلوش
لأن المفروض ان ده تاكس مكيف
انا باطلب منه انه يشغله لما باركب و طريقة الحساب زى ما ذكر
2.5 اول كيلو و الباقى 1.25
:36_1_2[1]: يخبر ابيض على الطمعاقتباس:
المشاركة الأصلية كتبت بواسطة Ralliart
طبعا اشهر حاجة انه ميشغلش التكييف حتى لو الجو ناااار (تفكيرهم زى مهو قال يعنى حيفرق معاه فى البنزين 5 جنيه فى اليوم)
الحاجة التانية انه ابتدى ينقى ...يعنى زمان كنت تركبه وتقوله عايز اروح كذا دلوقتى يقولك اه او لا (سواقين اغبيا لان الاسود يقول كده لو عارف الدنيا زحمة لكن الابيض مش فارقة معاه زحمة ولا لا بس برده عادة مستاصلة فيهم)
الحاجة الثالثة الاستهبال فى اللف والدوران للى مش واخدين بالهم من السكة
الحاجة الرابعة: اللعب فى العدادا بموضوع التعريفة السياحية (جهل من الحكومة متحاسبهم زى العاديين وخلاص هو لازم استغلال) وطمع من السواق
بالتراخى اللى حصل اعتقد بعد سنة بالكتير اوى مش حيشغل العداد وحنبقى زى التاكسى الاسود
اخر حاجة حصلت فيا كنت رايح مشوار فى شارع الجمهورية قبل رمضان بيوم والدنيا رهيبة ركبت معاه ومشينا من قصر النيل وجه عند دخلة الشارع بتاع الجمهورية بص عليه لقاه زحمة راح كمل على طول فى اتجاه النفق ولقيته بيقول "هو احنا المفروض ندخل منين":majd(2): وطبعا اضطريت انزل لان مفيش لفة يرجع منها تانى ومش حضيع وقت وهو كده كسب 4 جنيه بتوع فتح العداد وحتة من المشوار بدون داع
الطمع واكل قلوب الناس ومبيخلهومش يفرقوا بين حلال وحرام
كان الحرام حينفع
لا لاااااااا مدام وكالة انباء يابانية يعنى سياحة يبقى انا عايز اغير اقوالى
التاكسى الابيض من اجمل التاكسيات التى تركبها فى اى مكان فى العالم حيث يتفوق على تاكسى لندن فى عراقاته حيث ستجد بعض من ماركة لادا نفس انتاج السبعينات بدون اى اختلاف، ويتمتع التاكسى الابيض برائحة جميلة لم تشمها من قبل (نتيجة ان السواق خايف يستخدم التكييف) ويحرص السواق بشدة على صحتك واعطائك بعض النصائح الطبية (الركوب من سخن لبارد يعمل برد) ويعتبر ركوب التاكسى الابيض نزهة جميلة حيث يحرص السائف على ان يريك اكبر قدر ممكن من معالم القاهرة (والاسكنرية لو يقدر مدام انت سائح)
كله علشان مصر ياولاد
على حسب السواق في سواقين بيراعوا ربنا وعاوزين يكلو عيش و في ناس تانية مستغله
والله فعلا فكرة خطيرة ، ومش بعيدة تكون اتعملت فينا قبل كدهاقتباس:
المشاركة الأصلية كتبت بواسطة icehearted girl
بخلاف مشكلة التكييف واصرار السواق على أنه يمشي في الطريق اللى هو عاوزه علشان يطول في المسافة وطبعا فلوس أكتر
في مشكلة تاني بتحصلي كتير وهي إن السواق طول ما هو ماشي يحكي في قصص الزباين المحترمة النضيفة اللى بتقدر الزحمة وممكن تسيب 5 و10 جنية زيادة على العداد ، مش الزباين (المعفنة ) اللى لو باقي جنية لازم تاخده .... بصراحة أنا ببقى مش عارف أقول أيه
لسه حاصلي الموقف الجميل بتاع الرائحه ده النهاردهاقتباس:
المشاركة الأصلية كتبت بواسطة ahmed4000
شىء حضاااااري وسياااااحي جدا (تاكسي اسبيرانزا ابيض)
لو بدأت اكتب خبرتي العظيمه مع سواقين التاكسيات
الموضوع مش هيخلص
بقالي 4 شهور بركب التاكسيات دي و فعلا فيها لعب في العداد لان انا في مشوار محدد بروحو 3 مرات في الاسبوع من نفس المكان لنفس المكان و دايما العداد مش بيعدي ال 10 جنيه يعني و الدنيا زحمة و واقفة يعمل 9.5 و لو ماشية يعمل 8.5 و عمروووووو ما عدا ال 10 جنيه و في مرة واحد عمل 14 جنيه قلتلو انت عدادك مش مظبوط و ملعوب فيه قالي ازاااااااي دا نازل من الشركة و مينفعش يتلعب فيه و عملي فيها البرىء و انا نازلة اديتلو زي العداد ما عمل و قلتلو انت و ضميرك و انا مش مسمحاك
و من كام يوم ركبت واحد و اعقدت ادور على العداد مفيش قلتلو هو فين العداد قالي اصلو باظ قلتلو امال هانتحاسب ازاي قالي مش هانختلف و انا طبعا عارفة المشوار بيعمل كام بالظبط و لما وصلت اديتلو ال 10 جنيه قالي مفيش حاجة كمان دي الدنيا زحمة قلتلو المشوار دة في الزحمة مبيعديش ال 10 جنيه و انا بروح كل يوم و عارفة سكت مشي
و موضوع الباقي دة بقى مبيحصلش ابدااااااااااااا يعني لو العداد عامل 8.5 و اديتلو 10 عمرهم ما بيدوني باقي و انا بتكسف اني اقلو هات الجنيه او الجنيه و نص و بطنش
الظاهر ان الافضل الواحد يركب التاكسي الاسود بس يتفق معاه من الاول هايخد كام و خلاص
.
دا انا ساعات بيبقى مشوار صغيراقتباس:
المشاركة الأصلية كتبت بواسطة Donzi
يعنى يادوبك 10 دقايق
بدله 5 جنيه
و هو المفروض 4 جنيه او 3.75
:majd(2):
ما الراجل قايل من البداية انه بحث...يعنى هانبقى مشهوريناقتباس:
اوعي تكون بتستدرجنا وبتكتب موضوع صحفي
بس تصدقوا لسة مكتشف دلوقتى ان كل المرات اللى ركبت فيها التاكسى الابيض كانت مع ناس عواجيز (فوق ال40سنة)... وكنا بنتناقش فى مواضيع مهمة زى حلول للزحمة وشوية مواضيع سياسية...وطبعا كلهم سواقين محترمين ومحستش ان حد غشنى
وواحد طلب منى اقعد الف معاه شوية ببلاش ههههههههه
انا مؤخرا بركب كتير التاكسى الابيض وبيكون لنفس المشوار والاسعار بتبقى مختلفة جدا ومبيكونش الطريق زحمة للدرجة :11:
بس الصراحة معظم اللى ركبتهم كانوا كويسين اول ما نركب بيفتحوا التكييف واعتقد كدا مش بيحاسب عليه ولو حاسب بيبقى مش كتير عن اللى العداد كاتبة ممكن جنية ..وفى مرة السواق اخد اطول طريق للمشوار بس كان معتقد انه كدة اختصر الطريق والزحمة والمشوار اللى كان بياخد تلت ساعة اخدناه فى ساعة تقريبا ولما جينا نحاسب مرديش ياخد غير 10 جنيه رغم ان العداد كان 16 الصراحة راجل محترم جدا
وفى مرة سواق قال ان كتير الناس بتلعب فى العداد
-انا شايفة ان التاكسى الابيض كويس فى الطرق السريعة الطويلة ..بس ال2.5 جنيه فتح الباب بردة كتير شوية
-ودلوقتى لو وقفنا تاكسى اسود لو مسافة قصيرة ميخودش اقل من 5 جنيه ماهو مش اقل من الابيض
مرة ركبت أنا و واحد صاحبي التاكسي الأبيض من سيتي ستارز لحد المعادي عند أكاديمية السادات
الشاب قعد يلف بينا بحجة أنه بيدور على بنزين و طلعنا على الكورنيش من عند شبرا قبل أبراج ساويرس بكتير
وسلوك سوقين التاكسى فى القياده قمة من الجهل و مفيش ذوق عاوز يوقف فى المكان الاعاوزه ومعديش حد ابدا من امامه ولما يجى يمشى عاوز يوقف الجميع
انت بتقول فيها
انا لسه النهارده واقف علي الدائري كنت في توكيل مرسيدس
وعاوز اوقف تاكسي ولقيت واحد جاي ماشي علي الشمال
وشاورت بايدي مرة واحدة ... قولت دا مش هيعرف يجيلي
بقدرة قادر بقي قدامي وخلاص هيبقي جوه مرسيدس نفسها
اخد غرزة جامدة جدا ( هو انا سعات برضه باخد زيها انقل حارتين مرة واحدة بس ببقي شايف الطريق عامل ازاي )
بس دا بقي كان 3 عربيات هيخبطو فيه واتنين هيخبطو في بعض بسببه
وهو ولا هو هنا
المهم انه جيه قدامي
والدائري كله كلاكسات ولولا الصيام كان بقي في حاجات تانية
انا بقيت واقف محرج والله حاسس اني السبب في الازمة دي :120105~352:
شكرا يا جماعة تم تسليم البحث .. هتبقوا مشهورييييييييييييين هههههههه