لكل اللى بينسوا يربطو حزام الامان
بسبب تعليم القيادة السىء فى مصر وعدم وضع قواعد لمدربى القيادة
طلعنا بالفطرة مش متعودين على حزام الامان..وانا فاكر لما كنت آجى اربط الحزام كان المدرب يقولى بلاش الدنيا حر
فاتعودت على عدم ربط الحزام فترة لكن بعد كدة عرفت اهميته من كلام الناس ...بس بعد ايه
كل مرة آجى اركب العربية انسى اربطه واتعودت على لمبة الحزام منورة فمكنتش باخد بالى منها
لغاية ماجتلى كذا فكرة عشان مانساش
الاولى: العربية كانت جاية بتوكة فى الحزام كدة للشيكة والتوكة دى ممكن تثبتها فى اى مكان فى الحزام وبكدة تمنع انه يرجع لمكانه تانى ..فكنت لما آجى امشى الحزام يقعد يخبط فى القايم فافتكر اربطه
بس معرفش التوكة دى بتتجاب منين وهل موجودة فى مصر اساسا ولا لأ(عربيتى كانت استيراد معاقين)
الفكرة التانية :تربط حزام الكرسيين الاماميين حتى فى حالة عدم وجود ركاب...يعنى تربط الحزام بتاع الكرسيين عالفاضى...عشان لو ركبت العربية تحس بالحزام وتفتكره ولو ماحستش بيه فى كرسيك فحزام الكرسى اللى جمبك هايفكرك...وغير كدة بيدى العربية منظر جامد وهو مربوط عالفاضى كأنها عربية سباق متعدلة:Oc_sun1[1]:
واخيرا ربنا يبعد عنكوا شر الطرق المصرية