السلام عليكم اولا
دلوقتي في واحد لبس في عربيتي من ورا ( بروتون ويرا 99 )
الاضرار
1 الاكصدام اتدمر
2 الشنطة مش راضية تقفل
3 وجود شرخ خلف المساعد اليمين ورا
اروح لمين وتعمل كام
ومانجلكمش في حاجة وحشة
عرض للطباعة
السلام عليكم اولا
دلوقتي في واحد لبس في عربيتي من ورا ( بروتون ويرا 99 )
الاضرار
1 الاكصدام اتدمر
2 الشنطة مش راضية تقفل
3 وجود شرخ خلف المساعد اليمين ورا
اروح لمين وتعمل كام
ومانجلكمش في حاجة وحشة
السلام عليكم ورحمة الله وبركاته
لو حضرتك مأمن عليها روح التوكيل احسن , ولو حضرتك مش مأمن شوف حد بره بس نصيحه
بعد ماتشوف حد بره ويقدرلك التكلفه قارن بينها وبين التوكيل لو الفرق بسيط اعملها في التوكيل
وان شاء الله خير
:ask:
وعليكم السلام
هو حضرتك اللي عربيتك اتخبطت يوم الجمعة في مدينة نصر الحي العاشر ورا بنزينة موبيل ؟
لا دي لسه مخبوطة قبل الفطار بساعة علي طريق ال na
الحمد لله ان انتي بخير واعتقد الحرفيين احسن مكان تقدر تجيب منو الاكصدام
أصل أنا خبطت في بروتون من ورا يوم الجمعة قبل الفطار بساعة برضه
افتكرتك صاحب العربية كنت عاوز اصلحهاله على حسابي
أصله سابني ومشي وأنا اللي كنت غلطان بصراحة
المهم تحذير يا جماعة :
كل اللي معاه بروتون يخلي باله قبل الفطار بساعة من شنطة العربية :)
ياريت يركنها بضهرها لازقة في الحيطة عشان ماحدش يخبطه قبل الفطار
أنا كدة عرفت ان الغلط مش مني ....
العيب في البروتون :)
على العموم أنا عملت عربيتي عند سمكري في الحرفيين اسمه الشيخ بلية
معروف هناك
هو كويس جدا وأسعاره فوق المتوسط
بس شغله نضيف ومش هايبهدل العربية لأنه مش بيعك
ممكن تجيب اكصدام جديد وترش
ومسألة الشنطة دي بسيطة خالص أي سمكري يعملهالك بس روح الحرفيين بلاش بتوع الحي العاشر مدينة نصر
أرجو أكون أفدتك
وقدر الله وما شاء فعل
ولآزم أول ماتعمل أي حادثة أو يحصلك أي مكروه تقول: اللهم آجرني في مصيبتي واخلف لي خيرا منها
بس عن يقين تكون معتقد ان ربنا له حكمة في ذلك وأكيد اتمحالك سيئات أو رفع لك درجات
أنا عن نفسي لما عملت الحادثة يوم الجمعة والله العظيم أنا متأكد انه من الذنب اللي عملته قبليها
المهم التوبة
طولت عليك
طيب انا بقي اتخبطت ونزلت زقيت معاه العربية لحد ماجت عاليمين الطريق
والناس واقفه بتقولي هاتعمل ايه بصيت للراجل وقلتلو احنا في رمضان وكل سنة وانت طيب
الموضوع ان هو كان معاه مراتو وابنو الصغير
وبصراحه انا حطيت نفسي مكانو وبصراحة هو صعب علي لان شكلو محترم جداا وابن ناس اوي
فبصراحة استعوضت ربنا وقلت الحمد لله واتكلت علي الله
بص اللي ضايقني اني لقيت شرخ بطول 5 سم في العلبة اللي ورا المساعد الخلفي يمين
بس بصراحة مرتاح نفسيا اني ماشتمتش وماتخانقتش
وفي الاول وفي الاخر الحمد لله
الحمد لله على كل حال...
وقدر الله وما شاء فعل..
خير ما فعلت انك متعصبتش او شتمت .. اشتريت صيامك .. وربنا يجازيك خير
حمداً لله على سلامتك
وتسلم على السلوك الممتاز
جزاكم الله خيرا , سلوك محترم و ان شاء الله ربنا هيخلف عليك بالخير .
حمد الله على سلامتك
و كويس انها جات لحد كدة
و اوعى تزعل على العربية
العربيات بتروح و بتيجى و بتتباع كمان
انما الزعل بيتعب الصحة و يرفع الضغط و يتعب نفسية الواحد
و بكرة العربية تتصلح و تبقى زى الاول و احسن انشاء الله و الشرخ ممكن يتلحم و يبقى زى الفل
1000 حمد لله على سلامتك و إن شاء الله العربية تتصلح و ترجع أحسن من الأول
أجارك الله في مصيبتك وخلف عليك خيرا منها وربنا يعوضك خير أمين
شكراا لجميع الردود وكل عام وانتم بخير
ربنا يخلف عليك و يعوضك خير
أنا بس اللي مزعلني .........
هو أحنا كشعب هانفضل لحد أمتى نعمل في بعض كدا ؟؟؟؟؟
الواحد لما كان عايش برة ........... مشوفتش و لا حادثة واحدة و و لا بني أدم واحد خبط عربية !!!!!!!!!!!!!!!!!!
رمضان كريم على الجميع و ربنا يستر طريقنا جميعا
خير ان شاء الله محصلش حاجه
لو هتجيب أكصدام ياريت تجيبه أستيراد لو هترشه علشان الجديد اللون مش بيثبت عليه
انت فين يا استاذ احمد انا لفيت عليك المنتدي كولو كعب داير
الاكصدام عندي اتكسر نصين وفي حاجات ضايعة من الاكصدام
اجيبو منين في الحرفيين وبالنسبة للشرخ ده مقلقني اوي
الحمد لله انها جت علي قد كدة واحييك علي تسامحك وعلي سلوكك المحترم في التعامل مع الموقف
حضرتك ممكن توديها للعقيد خالد في الحرفيين يبص عليها ويقولك علي المناسب تعمله
ربنا يعوضك خير ان شاء الله
لله الأمر من قبل ومن بعد ... الحمد لله على سلامتك أولاً
أهم شئ لازم تعمل حاجة لله ... دى تالت مرة لك فى أقل من شهرين
الله يعينك
قدر الله وما شاء فعل
وأجارك الله فى مصيبتك وأبدلك خيرا منها
وأحييك على سلوكك وهدوئك فى رمضان وان شاء الله ربنا هيعوضك خير وجزاك الله خيرا على الدرس اللى انت اعطيته لينا كلنا فى كيفيه التعامل مع من أخطأ فى حقك وانت صاحب الحق وكمان حافظت على صيامك واستعوضت الله عز وجل .
ربنا يبارك فيك ويجزيك خير ويعوض عليك بإذن الله .
محتاج ايه غير الأكصدام ؟
لو محتاج حاجه كلمنى أو راسلنى وأنا هتابع معاك
بعدتلك رقمى عالخاص
حمداً لله على سلامتك ياباشا وقدر الله وما شاء فعل.
الله يخليك شكراا لذوقك وامشي براحة علشان مايحصلكش اللي حصلي
جزاكم الله خيرا , سلوك محترم و ان شاء الله ربنا هيخلف عليك بالخير .
سلوكك محترم جدا , وربنا يجزيك خير , وانتا فعلا كدا اتصرفت صح أوى
و ان شاء الله تصلحها وترجع احسن من الاول
الحمد لله استلمت العربية النهاردة من السمكري واخد 500 جنية وعملتها في الحرفيين
وهاروح كمان شوية اضبط زوايا ورا علشان اشوف الخبطة اثرت علي حاجة ولا ايه النظام
مافيش حد ممكن يقولي جلب المقص اللي قدام اجيبها منين
وشكرا ومانجيلكمش في حاجة وحشة
الف حمد الله على السلامة، انا فعلا لسة شايف الموضوع دلوقتي
حاجات الويرا ممكن تجيبها من الشرقاوي جسر السويس انا جبت من عندي حاجة اسمها جلب عفشة خلفي مش عارف هل هي جلب المقصات ولا لأ
الراجل أروبة بص على العربية عرف قطع غيارها
وان شاء الله ترجع احسن من الاول
كان في موضوع كتبته عن اصلاحات في الويرا و فيها جزء عن العفشة مممكن تبص عليه في الللينك ده
http://www.nilemotors.net/Nile/153219-a.html
مكانة بالضبط مش عارف هو في جسر السويس امام فندق السلام او نادي الشمس
انا هديك شرح تقريبي
انت تفضل ماشي لغاية آخر لفة قبل محطة الجراج و ترجع تاني هتلاقيه على ايديك اليمين في الحارة البطيئة
في عضو معانا اسمه ابو صلاح هتلاقي في موضوع (عاوز عفشجي محترم) بجد انسان محترم جدا ولما روحت هناك مسبنيش خالص ممكن يديك وصف احسن خصوصا انه ساكن هناك
ياريت تبلغنا الأخبار أول بأول .
روحت صلحت الاكصدام عند حواجب واخد 130جنية
وسمكرة ورد الخبطة وعمل لحام للشرخ بدون رش لانهو قاللي مش محتاجة رش اخد 400
روحت امبارح كشفت عالزوايا عند عمرو بدوي اللي في السابع قاللي لا مافيش حاجة اتاثرت والعفشة عندك كويسة بس غير المقص الامامي يمين
وقاللي ماتغيرش جلب هات مقص كامل احسن
وقاللي غير الكاوتش اللي قدام
كنت محتاج اعرف لو حد عمل مشمع في ارضية العربية يعمل كام وفين
لان ابني موعود ان هو يبهدلي العربية
مبروك على التصليح يا باشا. أنا معرفش المشمع منين بس يمكن تلاقي في التوفيقية. هو عمرو بدوي فين في السابع؟ أنا لسه مربط عفشه امبارح في محطة التعاون اللي في الدقيجنب ميدان الجلاء .. شغلهم أوي
قدر الله و ماشاء فعل ....
ولا تشيل هم انا برضه اتخبيط كده ورحت اعمل محضر عشان التأمين وكده ووكيل النيابة كان زوق جدا وقالي 3 حاجات احب اقولها لكل واحد عنده حادثة
1- الحمد لله انك طلعت منها سليم معافى.
2- الحمد لله انك مخبطش حد سواء بني آدم او عربية.
3- الحمد لله ان الطرف الاخر هوه كمان سليم و الا كان الموضوع يكبر عن كده.
بعد كده أى حاجة تهون و الله العظيم
ربنا يحفظك في طريقك و يحفظ الجميع
رمضان كريم