السلام عليكم
بالنسبه لموضوع التقسيط الاسلامي.....انا قعدت فتره طويله بدور علي تقسيط يكون مش حرام و هقولك نتيجه البحث و انت كمان تتاكد بنفسك عشان مشلش وزر الموضوع ده
1- ان اللي هتشتري منه يكون مالك السياره و ميكنش وسيط
2- ابعد تماما عن البنوك عشان شبهه الربا ( قرض السيارة) لان البنك بيقرضك فلوس بفايده و ده ربا صريح,
3-فيه نقطه ( بس هي للاسف موجوده في جميع انظمه التقسيط في مصر ) بتقول ان في حاله التاخر في السداد ميبقاش فيه غرامه عليك - بس ده طبعا مش موجود في مصر
4- بلاش التامين علي السياره - و ده طبعا مش موجود في اي نظام تقسيط في مصر

افضل الحلول ( من وجهه نظري الشخصيه) انك تقسط مع التوكيل (16202) - لانه مالك السياره الاصلي و مفيش طرف تالت في عقد البيع و مفيش طبعا اي تعامل بينك و بين البنوك - بس التوكيل بيلزمك بانك تامن علي العربيه

انا قعدت حوالي شهر بدور في الفتاوي بخصوص التقسيط و اللي نصحتك بيه دلوقتي هو اللي انا عملته
و علي فكره انا حسبت الفرق بين التقسيط مع الوكيل و الفرق بين اني اخد قرض شخصي ( والبنك اللي بتتعامل معاه الشركه اللي بشتغل فيها بيدي عرض خاص للموظفين عندنا 7% سنويا) بقيت ان الفرق في القسط الشهري هيبقي 70 جنيه و اعتقد انهم مش فرق حامد بين الحلال و الحرام - يعني تكسب رضا ربنا بيهم
وابقي طمنا عملت ايه