عايزين ايه من الدنيا ؟؟؟

**esraatefa** · 31-08-2010 05:13 AM

المشاركة الأصلية كتبت بواسطة Soma_Sooma

اجاوب انا بقى

ايه الحاجات اللى بتتمناها حاليا؟

بتمنى اسافر لجزيرة زى اللى بنشوفها فى الافلام كدة حاجة وهمية و اكون فيها مع ناس معرفهاش ناس جديدة خالص واكون عالبحر كدة و اخر روقااااااااان ومكنش شايلة اى هم ودماغى فاضية ومش بفكر فحاجة غير فجمال البحر و الطبيعة بس

طبعا هتضحكو عليا انا عارفة بس دة بجد اللى نفسى فية دلوقتى

و ايه الحاجات اللى بتتمنى انها تتحقق ان شاء الله فى المستقبل؟

ان ربنا يهدينى ويجعل حياتىكلها مليانة بطاعة الله

نفسى يكونلياشركة خاصة بيا
نفسى يكون عندى فيلا و عربية
نفسى اموت وانا اعمالى كويسة اقدر اقابل بيها ربنا
نفسى اكون من اهل الجنة انا وكل اهلى واصحابى و معارفى وكل المسلمين
نفسى بقى اعمل المقابلة بتاعة بنات النايل موتورز عشان نكيد العوازل

و ايه الحجات اللى نفسك فيها و بتتمناها و عارف انها صعب قوى ومستحيل تتحقق؟؟

ان العرب يتفقو و يكونو يد واحدة

ومصر يتصلح حالها

ايه بس الاحلام الجامدة دى فيلا وعربية وشركة وجزيرة ربنا يحققلك كل اللى تتمنيه بس على رأى blazer ان العرب يتحدوا اسهل

-ونفسى انا كمان نعمل المقــــــابلة علشان نثبت اننا ادها

**Soma_Sooma** · 31-08-2010 05:35 AM

المشاركة الأصلية كتبت بواسطة MOSTAFABASAL

الحاجات اللي نفسي فيها حاليا ان ربنا يديني الصحه عشان اعرف اعبده حق عبادته و اوفي نعمه عليا و برضوا يديني الصحه عشان اشتغل و اصرف على اولادي و زوجتى و ما اخليهمش محرومين من حاجه و يزرع حب الناس في قلبي و يحبب الناس فيا و يسترها معايا و يرزقني بر والدي
الحاجات اللي بتمناها في المستقبل ان ربنا برضوا يديني الصحه عشان افضل ماشي على نفس طريق الطاعه و يديني العمر لغايه اما اشوف ولادي متجوزين و مبسوطين و احسن مني و اجيب شقه تمليك (ههههههههههههه)في حته كويسه في دمياط و ممكن افكر اغير العربيه بعربيه احسن شويه من البيكانتو
الحاجات اللي نفسي فيها و مش هتتحقق اني افتح صيدليه متكلفه لزوجتي وده طبعا بعيد عن شنبي و اشوف الخدمه الصحيه في مصر زي الدول الاوروبيه و اقل واحد في البلد شأنا يتعامل زي احسن واحد في بلدنا في تقديم الخدمه الصحيه

ان شاء الله ربنا يديك الصحة والشقة التمليك و تفتح كمان الصيدلية

اما بخصوص الخدمة الصحية اللى زى اوروبا دى فا دة بقى فى المشمش

**Soma_Sooma** · 31-08-2010 05:39 AM

المشاركة الأصلية كتبت بواسطة esraatefa

ايه بس الاحلام الجامدة دى فيلا وعربية وشركة وجزيرة ربنا يحققلك كل اللى تتمنيه بس على رأى blazer ان العرب يتحدوا اسهل

-ونفسى انا كمان نعمل المقــــــابلة علشان نثبت اننا ادها

يا بنتى دة كل دة تسخين انا لسة مقلتش اللى عندى ده انا كدة بقول بسم الله الرحمن الرحيم

اما بخصوص المقابلة دى استنينى بس بعد رمضان وان شاء الله هظبطكو وانا عمالة افكر من دلوقتى فى الأماكن و الحجات اللى ممكن نعملها

**SeiffoZ** · 31-08-2010 06:01 AM

المشاركة الأصلية كتبت بواسطة Soma_Sooma

السلام عليكم جميعا

طبعا كل واحد فينا عايز حاجاااااااااات كتيرة من الدنيا بنتمناها بنحلم بيها، بندعى ربنا يحققهالنا

،وحاجات نفسنا فيها دلوقتى وحاجات تانية بنتمنى نحققها فى المستقبل ، عايزين نتكلم بصراحة و نشوف كل واحد فينا عايز ايه من الدنيا....

ايه الحاجات اللى بتتمناها حاليا؟

نفسى أكمل دراستى على خير و أكمل الحاجات إللى بتعلمها و أصلح من نفسى و الحال ينصلح

و ايه الحاجات اللى بتتمنى انها تتحقق ان شاء الله فى المستقبل؟

نفسى أكون صاحب أكبر شركة صناعة نظم تسليح فى العالم .
و أكون رجل صناعى ...
ده غير العيشة السعيدة و هنية .
و أسافر أتفسح فى دول العالم ..

و ايه الحجات اللى نفسك فيها و بتتمناها و عارف انها صعب قوى ومستحيل تتحقق؟؟

ألاقى بنت كويسة أتجوزها ... حال مصر ينصلح

**esraatefa** · 31-08-2010 06:09 AM

المشاركة الأصلية كتبت بواسطة soma_sooma

يا بنتى دة كل دة تسخين انا لسة مقلتش اللى عندى ده انا كدة بقول بسم الله الرحمن الرحيم

اما بخصوص المقابلة دى استنينى بس بعد رمضان وان شاء الله هظبطكو وانا عمالة افكر من دلوقتى فى الأماكن و الحجات اللى ممكن نعملها

ههههههههههه
والله وانا كمان عماله افكر فى اماكن جديدة زى افريقيا بارك كدا يمكن نرجع بقرد ولا حاجة

**Soma_Sooma** · 31-08-2010 06:32 AM

SeiffoZ

هدف حلو قوى اللى انت عايزة انك تكون صاحب اكبر شركة صناعة نظم تسليح فى العالم ياااااااااااااااااااارب امنيتك تتحقق يارب

بس لية ياعم كاتب تلاقى بنت الحلال فى المستحيلات مافى بنات زى الفل موجودة

**Soma_Sooma** · 31-08-2010 06:34 AM

المشاركة الأصلية كتبت بواسطة esraatefa

ههههههههههه
والله وانا كمان عماله افكر فى اماكن جديدة زى افريقيا بارك كدا يمكن نرجع بقرد ولا حاجة

افريقا بارك ايه يابنتى دى اللى نروحها دى طلعت سكة ولا ليها لازمة فكك من الفكرة دى عايزين افكار جامدة

**esraatefa** · 31-08-2010 06:38 AM

لا طبعا انا كنت بهزر يا سومة
وان شاء الله نتقابل على خير

**n_i_t_e** · 31-08-2010 11:05 AM

المشاركة الأصلية كتبت بواسطة esam_comm

اهم حاجه في الدنيا وفكروا فيها كويس هي
الرضـــــــــــــــــــــ ــــــــــــا

أرض بما كتب الله لك تكن أغنى الناس... الكلمة دي فعلا فيها كل حاجة. بس لو ينفع تقول أحلامك على شكل نقاط

المشاركة الأصلية كتبت بواسطة Soma_Sooma

اجاوب انا بقى

ايه الحاجات اللى بتتمناها حاليا؟

بتمنى اسافر لجزيرة زى اللى بنشوفها فى الافلام كدة حاجة وهمية و اكون فيها مع ناس معرفهاش ناس جديدة خالص واكون عالبحر كدة و اخر روقااااااااان ومكنش شايلة اى هم ودماغى فاضية ومش بفكر فحاجة غير فجمال البحر و الطبيعة بس

طبعا هتضحكو عليا انا عارفة بس دة بجد اللى نفسى فية دلوقتى

و ايه الحاجات اللى بتتمنى انها تتحقق ان شاء الله فى المستقبل؟

ان ربنا يهدينى ويجعل حياتىكلها مليانة بطاعة الله
نفسى يكونلياشركة خاصة بيا
نفسى يكون عندى فيلا و عربية
نفسى اموت وانا اعمالى كويسة اقدر اقابل بيها ربنا
نفسى اكون من اهل الجنة انا وكل اهلى واصحابى و معارفى وكل المسلمين
نفسى بقى اعمل المقابلة بتاعة بنات النايل موتورز عشان نكيد العوازل

و ايه الحجات اللى نفسك فيها و بتتمناها و عارف انها صعب قوى ومستحيل تتحقق؟؟

ان العرب يتفقو و يكونو يد واحدة

ومصر يتصلح حالها

ايه الخيال الواسع ده؟ طيب نبدأ مفاوضات عشان صعوبة تحقيق حلم الجزيرة ميحبطكيش... أبشرك بحلم الجزيرة عن تجربة أي أجازة فى مكان هادي أخرها بيبقى 3 أيام بعد كده المتعة بتقل. و دي عن تجربة. و انا فعلا لحد دلوقتى فاكر أجمل يومين مش هنساهم فى حياتى كنت فعلا فى فندق عبارة عن جزيرة فى النيل و كان بنظام الشاليهات يعنى كل واحد معزول و محدش له دعوة بحد هدوء و طبيعة فعلا و الميه محاوطة المكان كله. و فعلا حسبت فيهم باستجمام كتير بس اللى خلاها ذكري حلوة انهم يومين بس. و دي مصلحة لأن مش كل الناس هتستحمل مصاريف كذا يوم. فلو افترضنا انك رحتى فعلا الجزيرة دي كلها اسبوع واحد و هتحسى بملل و توحشك الحياة القديمة و الأهل

المشاركة الأصلية كتبت بواسطة MOSTAFABASAL

الحاجات اللي نفسي فيها حاليا ان ربنا يديني الصحه عشان اعرف اعبده حق عبادته و اوفي نعمه عليا و برضوا يديني الصحه عشان اشتغل و اصرف على اولادي و زوجتى و ما اخليهمش محرومين من حاجه و يزرع حب الناس في قلبي و يحبب الناس فيا و يسترها معايا و يرزقني بر والدي
الحاجات اللي بتمناها في المستقبل ان ربنا برضوا يديني الصحه عشان افضل ماشي على نفس طريق الطاعه و يديني العمر لغايه اما اشوف ولادي متجوزين و مبسوطين و احسن مني و اجيب شقه تمليك (ههههههههههههه)في حته كويسه في دمياط و ممكن افكر اغير العربيه بعربيه احسن شويه من البيكانتو
الحاجات اللي نفسي فيها و مش هتتحقق اني افتح صيدليه متكلفه لزوجتي وده طبعا بعيد عن شنبي و اشوف الخدمه الصحيه في مصر زي الدول الاوروبيه و اقل واحد في البلد شأنا يتعامل زي احسن واحد في بلدنا في تقديم الخدمه الصحيه

ربنا يكرمك و ينولك اللى فى بالك...بس اشمعنى دمياط؟ . اكيد الرحاب أحلى أو الشيخ زايد

**mesaharaty** · 31-08-2010 12:44 PM

نفسى ربنا يحسن ختامى ويدخلنى جنته
نفسى ربنا يسترها معايا ويدينى العمر لغاية ما أطمئن على ولادى ,اشوفهم كويسين .
نفسى لما الأجل ينتهى ينتهى على طول بدون لف على المستشفيات
آمين يا رب

الموضوع: عايزين ايه من الدنيا ؟؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

الدنيا كده مش تمام عايزين ننزل التحرير من الجمعه الجايه

عايزين نعمل شات (حمله عايزين شات في نايل موتورز)

مصر ام الدنيا - فهل انت معى

الكلمات الدلالية لهذا الموضوع

المفضلات

المفضلات

ضوابط المشاركة