اقتباس المشاركة الأصلية كتبت بواسطة AmAhmed مشاهدة المشاركة
نفسي في حسنات كتير
و ربنا يغفر لي ذنوبي
و اننا نقدر نساعد بعضنا
لان الغلبان و التعبان لما يلاقوا المساعدة
الكل حيستفيد مش بس الغلبان
علي الاقل اضمن ان محدش يضربني بمطوة لانه لمح طرف عشرة جنيه ظاهر من جيب القميص
عندك حق الواحد بقى يخاف يطلع جنية لواحد فجأة بتلاقى 20 واحد طلعو منين متهرفش وبقى تتبهدل اخر بهدلة

اقتباس المشاركة الأصلية كتبت بواسطة dr.amr مشاهدة المشاركة
نفسي اخد جنسيه تانيه محترمه زي كندا

علشان لما اخرج بره الناس تحترمني

ولما ادخل بلدي تاني علي اني ضيف (واخدين بالكو من كلمة ضيف ده )

اعرف اخد حقي اللي مابقتش عارف اخده واتعامل كبني ادم محترم

وعلشان ولادي ان شاء الله ياخدوها برضو و يدعولي لما يكبروا واموت انا

ده اهم حاجه دنيويه عايزها اما غير كده في كتير قوي

ايوة ايوة واخدة بالى من ضيف دى


اقتباس المشاركة الأصلية كتبت بواسطة blazer مشاهدة المشاركة
وعليكم السلام و رحمه الله وبركاته


ايه الحاجات اللى بتتمناها حاليا؟

عاوز انتظم اكتر فى الصلاه و احافظ اكتر على الصلاه فى جماعه
عاوز العب رياضه لانى بقالى فتره سايبها ودا مزعلنى من نفسى


و ايه الحاجات اللى بتتمنى انها تتحقق ان شاء الله فى المستقبل؟

المستقبل القريب باذن الله
اتخرج السنه اللى جايه بنفس التقدير بتاعى
واسافر اشتغل بعدها علطول فى الماكن اللى ربنا يقدره لى وفى المجال اللى اقدر احقق فيه ذاتى
ربنا يرزقنى بالزوجه الصالحه اللى تقدر تراعى بيتها و اولادها , تربيهم على خلق الاسلام و تعيننى على ذكر ربنا وتقف جمبى فى باقى حياتى



و ايه الحجات اللى نفسك فيها و بتتمناها و عارف انها صعب قوى ومستحيل تتحقق؟؟
نفسى اتحط فى مكان اقدر اساعد بيه الناس الغلابه فى بلدنا و اغير من حياتهم للأحسن
عاوز يكون لى دور فعال فى المجتمع بس اعتقد دا مش مستحيل



اشكرك على موضوعك موضوع مهم

يارب يا بليزر تحقق اللى نفسك فية و انت فعلا ليك دور فعال فى المجتمع بس انت ركز
اقتباس المشاركة الأصلية كتبت بواسطة Eng.M Mahran مشاهدة المشاركة
نفسى ان ربنا يدينى العمر على قد الصحة
ربنا يديلك الصحة والعمر و يدخلك الجنة ان شاء الله

اقتباس المشاركة الأصلية كتبت بواسطة AshTurbo مشاهدة المشاركة
أنا حلمي يبقى عندي شركة كبيرة وألاقي بنت الحلال فتاة أحلامي وأعمل أسرة صغيرة كدة ومحندقة ( عشان الزيادة السكانية ) وأجيب عربية أحلامي الفيراري و و و وبس خلاص لأ في حاجة كمان بقى نفسي أعمل حاجة تفضل موجودة ومستمرة لبعد ما أموت والناس تفتكرني بيها .
اقتباس المشاركة الأصلية كتبت بواسطة AboELsoud مشاهدة المشاركة
حاليا
نفسي احافظ على الصلاه في اوقاتها
نفسي اجيب تقدير
نفسي اخس شويه
مستقبلا
فيه حاجااااااااااااااات كتييييييييييييير بس المنتدى كله مش هيكفي
يا عم قول قول و فضفض المنتدى منتدانا قول مايهمكش


اقتباس المشاركة الأصلية كتبت بواسطة hazemhany مشاهدة المشاركة
نفسي اهاااااااجر وبعد كده كل الاماني ممكنة :)
ان شاء الله تهاجر بس تفضل معانا هنا بردو