سؤال بخصوص البيجو 205

**hanymi45** · 30-08-2010 01:43 PM

انا جبت بطاريه من عند ممدوح غطاطى بتاع فيصل جافه كنت عايز اعرف هو قال انى عربيتى بتاخد بطاريه 70 امبير عايز اعرف ده صحيح ولا لأ مع العلم ان عربيتى بيجو 205 موديل 84 وعامله تعديل لتسعينات بالنسبه للموتور 1360 س س لانى ليه واحد صاحبى عنده بيجو 405 وبيحط بطاريه 70 برده مع العلم عنده تكيف مثلا واليجو 405 اعتقد اقوى معلش خبرتى قليله عايز اعرف الصح ايه وعايز اعرف الاستندرد بتاعها ايه فى البطاريات
وايضا فى الكاوتش المقاس الاستندر ايه ومع العلم انى مركب جنوط 13 / 70 / 175
وياريت برده عايز اعرف لما بيجى يقيس الجهاز اللى معاه المفروض يكون يدى كام لما تكون العربيه مش شغاله ولما اشغلها ويقولى نور النور او زود العربيه تديى كام وفى جهاز تانى جابه وقال انه بيقيس الدينامو عايز اعرف برضه بيكون كام علشان يبقى مظبوط وخاصة انه كنت مركب بطاريه عاديه وكانت اول مره متدورش معايا ولما روحت له على طول على اساس انه توكيل معروف قاس وقالى البطاريه عايزه تتغير
ولكم جزيل الشكر

**Nour_Peugeot** · 30-08-2010 10:01 PM

الامبير بتاع البطاريه ده حسب الاحمال اعلي العربيه 55 امبير حلو جدا و كتير علي العربيه

انا مركب 70 امبير س عشلن عندي موتو كبير و عده صوت و اجهزه الاكترونيه كتير في العربيه

غير كده متركب غيل ال 55 امبير بلاش مصاريف علي الفاضي

و الكواتش كويس المقاس ده