[frame="9 10"]
السلام عليكم و رحمة الله و بركاتة
اخيرا نويت اعمل استبدال للرخصة المصرية برخصة قيادة سعودية
ودة بعد اكتر من ستة اشهر فى السعودية بشتغل مهندس فى المدينة المنورة بقود فيهم سيارة الشركة بدون رخصة سعودية و معتمد فى الاول و الاخر على ستر الله و الحمد لله سترها معايا
المهم
ربنا كرمنى اتنقلت مكة
وطبعا مع ايام رمضان المباركة و ازدياد ضيوف الرحمن و العمرات و حالة من التواجد الامنى و النظامى النموزجى المشرف للشرطة السعودية فى مكة قررت انى لازم اطلع الرخصة السعودية علشان اعرف اسوق فى مكة
عملت الورق و رحت اتبرع بالدم علشان اختبر و هوة شرط اساسى قبل الاختبار القيادة
بعد كدة بتروح مدرسة القيادة علشان يتم تقييمك
والمدرسة عبارة عن تراك او ميدان كبير بة شوارع و كبرى و اشارات و اغلب انواع اليفط و علامات الطريق بشكل جميل جدا و على مساحة كبيرة جدا
الاختبارات كانت على عربيات نيسان صنى حديثة و بحالة ممتاذة
ركب جمبى العسكرى السعودى و طبعا كنت خايف انى بعداكتر من21سنة قيادة عيب اوى اسقط فى الاختبار
قريت قرئان و حطيت الحزام و استنيت انة يقول اتحرك
واتحركت و طبعا مع كل ملف باستعمل الاشارات و مركذ مع كلامة و بسوق براحة و على التانى
ونجحت فى اختبار قيادة
المهم انى كل الى انا عملتة دة انا بعملة و العادى بتاعى مش تمثيل
و كفاية انى اخر سبع سنين بطلع الرخصة من غير مخلفات فى مصر (( طبعا حلم لاى واحدبيسوق فى شوارع المحروسة))و الحمد لله حققتة
فاضل امتحان الاشارات بعد العيد بعون الله
بس بجد الحاجة الوحيدة الى مزعلانى هوة منظر دراعى بعد التبرع
زرقان جامد جدا جدا مكان الحقنة او المسمار
اصل الابرة كانت كبيرة جدا جدا
الحمد لله على كل شىء
معلش طولت عليكم
بس حبيت احكلكم اخبارى
قريب جدا موضوع عن السيارات فى السعودية

[/frame]