الموضوع: استلمت الاكسنت 2011

استملت امبارح نيو اكسنت 2011 والنهارده ورحت ورخصت العربيه وعلقت النمر وعملت 100 كيلو

طبعا انا دلوقتى مش بقرص على العربيه خالص هى اتوماتيك على فكره بس انا مشغل التكيف فى التلين عادى بقى مش كده

وهى اول صيانه بتبقى امتى 1000 ولا 5000 ؟

المشاركة الأصلية كتبت بواسطة top_speed_220

ياحبى الف الف الف مليار مبروك
ياحبى شغل تكيفك عادى جدا بس متجريش اكتر من 88 قول 90 يعنى انا معايا ال 2010 ومن اول يوم وانا بشغل التكيف لحد دلوقتى وانا عامل 6500 كيلو ومتجريش اكتر من كدا ومتجربش سحب ولا حاجة لائنوا الزيت الى فيها دة اسمة زيت تليين رغم ان العربية كدا كدا بيكون الموتور بتعها دة متلين اصلا قبل متنزل هنا بس همة بيحطوا زيت يمشيك 1000 كيلوا على الهادى كدا متخليش الى ار بى ام يعدى ال 3 ياريت وحتلاحظ ان صوت الموتور عالى شوية دة عادى لما تغير الزيت كول دة حيتظبط بس شغل تكيفك عادى جدا ياحبى لائنة لازم تجربة خلال ال 1000 كيلو دول عشان لو فية اى حاجة لحظتها فية تقولهم كلام متشغلش التكيف دة كان فى العربيات القديمة وتمشى على 60 وخلى بالك انا عارف كل المهندسين الى فى ابور رواش وحقولك على اسماء افضل المهندسين
الباشا بتاع ابو رواش طبعا المهندس عاطف سمير
حسن صلاح دة الى لسة عاملى صيانة ال 5000
مينا ماتا
ماريان
والمهندس الجميل هانى
وخليك فى زيت شيل الترا 10000 تحفة بجد وربنا يعطيك خيرها ويكفيك شرها وشر طريقنا جميعا واى حاجة انا فى الخدمة يا حبي والف الف مبروك مرة كمان

الف شكرا ليكم كلكم على مساعدتكم ليا

بالنسبه للصيانه وده همى الاكبر وغبور بس ان شاء الله خير

فين افضل مركز صيانه اتابع معاه واعمل صيانه الالف ابو رواش ولا قليوب

وانا ان شاء الله هعمل صيانه 10000 كل مره

وفعلا هو صوت الموتور عالى شويه نسبيا

بس العربيه بسم الله ماشاء الله كويسه اكتر من المتوقع

بس انا كنت عايز اركب سينسور للباركينج اركبه فين ويكون نضيف

النهارده روحت لادريان قالى 300 جنيه ونوع اسمه spy وملهوش دعوه بالضمان