جاك بلا تردد

**carsman** · 30-08-2010 09:15 PM

جاك b15 بلا تردد

ده أول موضوع أكتبه عن جاك b15
أولاً أحب أشكر كل الناس المحترمين الموجودين هنا في المنتدى
لأني بقالي فترة كبيرة متابع موضوعاتهم عن العربية و حسيت إن العربية جميلة بس مش واخده حقها بسبب التردد
وده خلانا نوصل لمرحلة الفرخة الأول ولا البيضة يعني العربية حلوة جداً بس ينقصها الإنتشار والإنتشار إزاي هيتم من غير مبيعات

فقررت أبدأ بنفسي وحجزت الجاك b15 رافعاً شعار جاك بلا تردد

وندعو الله جميعاً أن يبارك لنا في عربياتنا سواءً جاك أو غيرها

وبعلن إنضمامي للجاكاوية حبايبي

ياريت كل اللي بيفكر يشتري العربية مايترددش
لأني فكرت كتير جداً وقلت العربية لو انتشرت فعلاً هتبقى على قمة السيارات الصيني في مصر و مش عاوز أقول إنها هتعدي فئة كبيرة من الكوري لأن الواحد محتاج إيه من العربية أكتر من الموجود في الجاك
خامات رائعة
كماليات ممتازة
مساحة داخلية هايلة
شنطة واسعة
سعر معقول جداً بالنسبة للإمكانيات
سعر قطع الغيار ممتاز بالنسبة إلى إنه سعر توكيل
توكيل لم يظهر له عيوب حتى الآن

يعني ينقصها الإنتشار فقط و بمعدل المبيعات الموجود حالياً إن شاء الله العربية دي هتبقى علامة في تاريخ العربيات الصيني في مصر.

أنا حجزتها فضي 2011 من هورس موتورز البطل أحمد عبد العزيز
وفرحت جداً لما عرفت إن الدفعة التالتة موديل 2011 إتوزعت يعني تلات دفعات موديل 2011 إتوزعوا و إحنا لسة في شهر 8

وفي الأخر أنا والله مش تبع التوكيل ولا تبع حد من الموجودين في المنتدى ولا بكتب موضوعات عن الجاك بأكتر من إسم.
أنا إسمي أحمد و بشتغل مبرمج كمبيوتر

في التوكيل بيقولوا لي الاستلام بكره أو بعده إن شاء الله
إدعوا لي ربنا يبارك لي فيها و ما أندمش إني جبتها لأي سبب من الأسباب

**odaoda** · 30-08-2010 09:21 PM

اهلا بيك ومرحبا واتمنا انك تكون خدت قرارك عن اقتناع تام وشفت العربية على الطيببعة\
انا الى مش قالقنى من موضوع الانتشار دة ان الدفعات الى بتيجى بتخلص يعنى اية المطلوب اكتر من كدة
عموما مفيش عربية كاملة ولكن الجاك بالطبع وبكل تأكيد اؤكدلك انها صفقة رابحة بأذن الله تعالى وربنا يارب يبعد عنها العين ويحفظهالك من كل سوء وتستلم على خير ومتنساش تشيك على كل حاجة التكيف والانوار والاشارات والاستبن ووصلة اليو اس بى وكل حاجة
واول ما تستلم متبخلش علينا بالمشاركة بتقرير كامل ووافى مميزات وعيوب من وجة نظرك وتأكد ان مفيش حاجة كاملة لان الكمال لله وحدة سبحانة وتعالى واسأل الله العظيم رب العرش العظيم بحق هذة الايام انة يباركلك فيها

**carsman** · 30-08-2010 09:26 PM

أستاذ odaoda

أنا شاكر جداً ليك لأنك فعلاً من ضمن الأسباب القوية اللي خلتني أحب العربية دي طبعاً انت و الأستاذ أحمد
أنا مش عارف أشكركم إزاي لأنكم حسستوني إني معايا العربية و بجربها كل يوم لأني متابعكم يوم بيوم

أشكرك على كلماتك الرقيقة و دعائك اللي ربنا يجعله من نصيبي و من نصيب كل واحد يشتري عربية في الأيام المباركة دي

**Hacker5** · 31-08-2010 02:01 AM

مبروك و تستلم على خير ان شاء الله

**carsman** · 31-08-2010 02:33 AM

المشاركة الأصلية كتبت بواسطة hacker5

مبروك و تستلم على خير ان شاء الله

الله يبارك في حضرتك و كل سنة و حضرتك طيب

**carsman** · 31-08-2010 05:19 PM

استلمت النهاردة الحمد لله و الإنطباعات الأولى مطمئنة

**odaoda** · 31-08-2010 05:44 PM

الف الف الف مبروك
نصيحة شغل فيها قرأن دايما ولو تعرف تختم القرأن سمعا فيها يبقى افضل كتير وربنا يحفظهالك يارب

**odaoda** · 31-08-2010 05:45 PM

وشاركنا بانطباعاتك الاولية واعرف ان افضل اداء هتاخدة بعد ال5 الاف الاولى بأذن الله تعالى
ومتشغلش التكيف الا للضرورة القصورى
ومتحرقش عالموتور وبراحة كدة ربنا يديك خيرها ويكفيك شرها يارب

**carsman** · 31-08-2010 06:13 PM

المشاركة الأصلية كتبت بواسطة odaoda

الف الف الف مبروك
نصيحة شغل فيها قرأن دايما ولو تعرف تختم القرأن سمعا فيها يبقى افضل كتير وربنا يحفظهالك يارب

الحمد لله أنا كنت عامل لها فلاشة عليها القرآن الكريم علشان أشغله في العربية و كمان أهو بالمرة أجرب الكاسيت
والحمد لله كنت مشغله طول الطريق

وبالنسبة للأداء .. هو أنا ما طلعتش فوق الـ 80 خالص كنت معظم الوقت 70 - 75
لكن الحمد لله كنت معجب بيها جداً

الحمد لله حاجات كتير فيها فعلاً كانت مفاجأة بالنسبة لي كان أولها اللون الفضي عليها هايل
والحاجة التانية صوت الكاسيت .. السماعات صوتها جمبل

واحدة واحدة إن شاء الله هكتب لكم عن كل حاجة فيها .. لأن خبرتي معاها لا تتعدى الـ 40 كم
من المهندسين لحلوان