معركة الأرز فى كارفور إسكندرية

**ahmdmagdy** · 31-08-2010 03:01 AM

ايه الفضايح دي هو فين الامن

**Mzeid** · 31-08-2010 03:25 AM

المشاركة الأصلية كتبت بواسطة ashouhdy

مصر بتتقدم بينا

مصر بتتخانق بينا

أنا عايز أقول أمر أنا مقتنع بيه و يا ريت متاخدوش الأمر على أنه تشبيه بس مثال توضيحي بسيط

ليه الحكومة بتعمل فينا كدة ؟

كل واحد فيكم يتخيل نفسه راعي مرة لمجموعة أغنام و مرة لمجموعة من البشر
مش في حالة الاغنام ممكن تعمل فيها أي حاجة و توديها اي مكان زي ما انت عايز لسبب أن الأغنام أضعف و غير منظمة و ميعرفوش حاجة اسمها سلوك و معندهاش مخ زي البني آدم تفكر بيه

أنما في حالة البشر من الصعب أنك تتحكم فيهم نفس تحكمك في الاغنام لأنهم واعيين على حقوقهم و كلهم عندهم شخصية سوية مستقلة و بيفكروا

نفس الموضوع عندنا بالضبط احنا اللي بنعمل كدة في نفسنا مش الحكومة بالتسيب و الفساد الخلقي و إنعدام السلوكيات عندنا و ميلنا الي العشوائية و عدم النظام

اما لو كان الشعب منظم و فيه السلوكيات المضبوطة أو كمثال زي الشعب الإنجليزي كدة مثلا الحكومة مكنتش تقدر تقول بم معانا علشان هيبقوا عارفين أنهم ماسكين بلد شعبها قوي

علشان كدة مينفعش كل واحد يقعد يتمسكن و يقعد يشتكي من الحكومة ومن البلد

لازم يصلح من نفسه الاول "لا يغير الله ما بقوم حتى يغيروا ما بأنفسهم "

و احب أوضح اني مش بشبه الشعب المصري بالاغنام دة كان مجرد مثال للتوضيح علشان أكيد فيه حد هيعلق على النقطة دي

**Ghamrawy** · 31-08-2010 03:30 AM

شفت قبل كده معركة زى دى بس كانت على البطاطس
و كانت مهزلة و الناس ضربوا بعض و الستات صوتوا
قمة فى التخلف و الهمجية من الادارة و من الناس
منظر عامل زى الاسود لما تتلم على فريسة أعوذ بالله
بس الغريب ان كان فيه ناس بسيطة جدا واقفة فى المعركة دى
ناس مش من اللى بيروحوا كارفور و لا حتى يعرفوا ينطقوا اسمه
تحس ان شكلهم عامل زى البياعين اللى بيسرحوا فى الشارع بالخضار
عرفوا منين ؟؟
الله اعلم

**M.Osman** · 31-08-2010 03:43 AM

المشاركة الأصلية كتبت بواسطة ahmed_su

لا حول ولا قوة الا بالله

ربنا يجازى اللى كان السبب

+1

ده كان تعليقي على الفيديو برضه لما واحد صاحبي عمله share عالفيس...

للأسف دا مش ذنب الناس دي... دا زنب اللي وصلهم للحالة دي ... انهم عايزين يوفروا 5 جنيه في شكارة رز ... فيبعملوا كدا ..

الفيديو دا يزعل بجد .... و اللي صوره و معندوش دم

**Soma_Sooma** · 31-08-2010 04:30 AM

والله حاجة تقرف و تفور الدم
حسبى الله ونعم الوكيل

**Deshahcoka** · 31-08-2010 04:46 AM

تيتتتتتتتت ! انتوا بتتكلموا جد ! ايه المهزلة ديه ! اييييييييييييييييه ده ! انا مش مصدق عيني !

اول حاجة بناقصها الرز الي يخليني اعمل كدة ! يغور الرز في داهية !

ثانية الناس دول فجاة كدة جو منين ؟! يعني كارفور كان بينش و فجأة بقا فيه الف بني ادم بيموتوا بعض علشان عرض رز !

و مهما كان عرض الرز ده لو وفر حتا 5 جنيه يا سيدي مهوا الناس ديه دافعة تاكسي قد كدة وعلشان تيجي كارفور و لا حتى مكروباص تمن الوفر ! و هل وصل النتانة للدرجة ديه !

بجد انا مصدوم اخر حاجة و مش عارف اقول ايه ! انتوا شوفوا الردود بتوع بلاد بره بيقولوا احنا دولة همجية !

ايييييييييييييييييييييييي ييييه اده !

**Deshahcoka** · 31-08-2010 04:58 AM

انا بجد دمي محروق لغاية دلوقتي انا كدة بقيت مكسوف اني مصري قدام العالم كله ! انا ازاي اقول اني مصري و ارفع راسي يجي واحد يقلي بص المصرين همج ازاي ! والله لو الرز ببلاش مش هشارك في الخراب ده ! انا لغاية دلوقتي مش متخليل ايه المنظر ده !

**KiNgMaX** · 31-08-2010 05:30 AM

الحمد لله على نعمة الستر

**M.Osman** · 31-08-2010 05:41 AM

المشاركة الأصلية كتبت بواسطة computerking

انا بجد دمي محروق لغاية دلوقتي انا كدة بقيت مكسوف اني مصري قدام العالم كله ! انا ازاي اقول اني مصري و ارفع راسي يجي واحد يقلي بص المصرين همج ازاي ! والله لو الرز ببلاش مش هشارك في الخراب ده ! انا لغاية دلوقتي مش متخليل ايه المنظر ده !

امال لو شفت التعليقات على اليوتيوب نفسه !!؟؟

**ashouhdy** · 31-08-2010 05:42 AM

ياجماعة اعتقد والله اعلم ان ذى اى عرض ع زيوت او شيبسى او ايريال او او او

دول ------ تجار--------- واللى جايب مراتة اختة ولاد اختة يلحقوا يلموا عشان يروحوا يبيعوا برة فى محلاتهم

ان شفت المنظر دة لايف بس ع الزيت وكان كلهم تجار و الزيت خلص فى 60ثانية بقدرة قادر اكتر من 300 كرتونة اتبخروا فى دقيقة وكنت مذهول بس لما وقفت ورا واحد ع الكاشير من الناس اللى خطف عرفت و فهمت ان كلهم تجار و تبع ناس تانية بتبيع بالجملة والكلام دة ... وممكن كنت تلاقى ست بيت ع قد حالها جاية تلحق (ازازة) اتخطفت فى الرجلين

و بعدين باين اوى من لبسهم و طريقة الكلام ان دول مش من رواد كارفور المعتادين اللى بييجوا كل يوم
محدش يأخذنى فى الجملة = مش دول بتوع كارفور

الموضوع: معركة الأرز فى كارفور إسكندرية

LinkBack

أدوات الموضوع

عرض

-

-

-

-

-

المواضيع المتشابهه

صدق أو لا تصدق .... سيارتك ممكن أن تعمل بالخشب أو قش الأرز بديلاً عن (البنزين)

سؤال للاسكندرانية هو كارفور اسكندرية اتنهب واتسرق زى كارفور المعادى؟؟

معركة العمر

معركة مع قرش

معركة رينو

الكلمات الدلالية لهذا الموضوع

المفضلات

المفضلات

ضوابط المشاركة