لا تعليق
YouTube - ‫ط¹ط±ط¶ ط§ظ„ط§ط±ط²‬‎
حسبى الله و نعم الوكيل
عرض للطباعة
لا تعليق
YouTube - ‫ط¹ط±ط¶ ط§ظ„ط§ط±ط²‬‎
حسبى الله و نعم الوكيل
دة أية دة ببلاش الرز يعني ولا رخيص ولا في أيه ويصوروا الناس ليه أصلاً بالمنظر دة منتهى التهريج من ادارة كارفور وواضح أن اللي بيصور عارف اللي هيحصل وأكيد من اللي شغالين هناك يعني حتى لو كارفور عمل خير لوجه الله مفروض مايبقاش بالمنظر المذل دة .... بعدين في ناس جشعين جداً وبياخدوا بالثلاث شولة رز مرة واحدة وستات بتصوت من كتر العنف والتدافع يعني حتى التوزيع مبقاش عادل وبقى البقاء - أو بمعنى أدق - الرز للأقوى .
دة اى المنظر دة
و عشان اى بيعملو كدة
والله عيب
مصر بتتقدم بينا
مسخرة
فكرتنى بأيام ما بعد نكسة 67 لما كانت بتحصل الأزمات وكان الناس بتقف طوابير علشان تشترى
دلوقت بقينا فى حالة أسوأ من أيام النكسة .... مع ان مافيش حرب ولايحزنون
ازمات فى السلع
والهمجية عليت قوى عند معظم الناس
احنا بننحدر بشدة للأسف
ده ايه اللي بيحصل ده ؟ هو الارز ده ببلاش ولا ايه ؟ انا قبل كده كنت شفت ملحمة زي دي برضه في كارفور اسكندرية بس كانت بسبب عرض علي اطقم ملايات السرير .... بس بصراحة ملحمة الارز دي اشد بكتييييييير !!
وللاسف السبب الاساسي للمهازل دي ان بيبقي فيه تجار صغيرين بينتهزوا فرص العروض دي و يشتري كميات كبيرة ويبيعها هو بسعرها الاساسي قبل التخفيض....
ومن الواضح ان اللي بيصور من عمال كارفور لانه بدا التصوير و العمال لسة بيجهزوا شولة الارز قبل ما الناس تتجمع ....
الفيديو ده المفروض يتبعت لرئيس الوزراء علشان شوف مدي المعاناه اللي بيعشها الشعب منذ توليه
الوزاره حسبي الله ونعم الوكيل في اللي وصلنا لكده
اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ام الى عدو ملكته امرى ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك
و الستات تصوت و الرجالة تقول الله اكبر .....................
كل دة علشان شيكارة رز
ما هو لو كل واحد بياخد شيكارة و يمشي مكانش يبقى المنظر كدة انما كل واحد واقف و متنح قدام الرز و الناس حاتموت بعضها علشان خمسة كيلو رز ارخص ربع و للا نص جنية في الكيلو يعني المهانة و المنظر المقرف دة علشان توفير 3 او 4 جنية في شيكارة رز !!! تغور من وش كارفور
و طبعا اللي بيصور من موظفين حارفور و عارف ان العرض حايتحط في الوقت دة و ان الناس حاتموت بعض
سياسة كارفور سياسة يهودي بصحيح
ياريتة يحصل سنسبري و نخلص منة
تصور بقى واحد واقف وسط الهيصه دى وبيسأل بكام هاااااا بكام :))))))))
المفروض المعركة التاريخية دى تتسجل جنب انتصارات اكتوبر المجيدة:satelite:
عشان ميبقاش حد احسن من حد و تتوالى الانتصارات:Ta_clap[1]:
[marq="3;right;3;scroll"]
صحيح مصر بتتقدم بينا
[/marq]
ايه الي بيحصل ده
وفين الامن من كل ده؟؟؟؟؟؟؟
بالمناسبه الفيديو ده ليه سنه
بس انا فعلا عايز اعرف ايه السبب للمهزله دي
A.Yakout
فعلا لا تعليق
ياساتر ده ولا عصور الجاهلية الوسطي حاجة تقرف
لا حول ولا قوة الا بالله.ما هو برده فى ناس غلابة كتير بتدور على توفير 3-4 جنيه عشان تكمل تجيب حاجة تانية برده اساسية ليها.اه لو كنت اقدر اصور سبينس اول رمضان وعرض الزبادى والناس بتتخانق على كرتونة وناس بتحاول ترشى عمال عشان يجيبلها كرتونة من المخزن.والاسبوع اللى فات عرض الشيبسى والناس واقفة بتحدف كراتين لبعضها واجرى بالكرتونة لحد ياخدها يا واد.ده انا بقيت انزل يوم الجمعة الساعة 11 قبل الزحمة عشان اعرف اشترى.
شعب همجي وفوضوي.. ومحدش يقولي دول غلابة لان كله ع هذا النظام سواء غني او غلبان ...
مع أحترامي لحضرتك حضرتك جنسيتك ايه مش من الشعب باردو ولا حضرتك من دوله تانيه و لو
من دوله تانيه يبقي مش من حقك انك تصفنا بهذه الصفات
الصوره اللي انت شفتها دية نتيجة الغلاء الفاحش اللي وصلنا له واللي دخل الفرد لايكفيه لحد 10 ايام
من الشهر دية مش فوضويه ولا همجيه دية صوره مصغره تدل علي ماسيحدث مستقبلا اذا ظل الحال
علي هذا الحال والله لايبارك للي كان السبب اللي خلانا نظهر بالشكل ده (طبعا مش قصدي صاحب الموضوع )
ايوا انا من الشعب ده بس مش همجي ولا فوضوي الحمد لله ..وانا لما بقول الشعب قصدي الغالبية العظمي الا من رحم ربي طبعا ..وعايز اقول لحضرتك عمر ماكانت الهمجية ليها علاقة بالفقر دي ثقافة اتزرعت جوانا ..يعني الناس دي لو وقفت طابور منظم كل واخد هياخد اللي هوا عايزه من غير صويت وضرب وقلة الادب دي ..وقيس ع كده كل حاجة فيها طوابير في البلد حتي لو ماكنتش حاجة ليها علاقة بالاكل او الشرب تلاقي منتهي الفوضي والهمجية مفيش احترام او ادمية خالص ..
لا حول ولا قوة الا بالله
ربنا يجازى اللى كان السبب
لما الناس تبقى بتدور على توفير جنيه او اتنين عشان تكمل وتجيب حاجة تانية يبقوا غلابة.لما الناس تقف فى طابور عيش من 8 الصبح وناس كبار تنام وهو واقفة عشان مش قادر يشترى العيش السياحى يبقوا غلابة.لما الناس تتخانق على قوت يومهم عشان معندهمش عسكرى ولا واسطة ولا سواق ولا خدامة يجيبوا اللى هما عايزينه يبقوا غلابة.
ثقافة انه غلبان فبيعمل كدة واتزرعت فينا.بمكن.بس ارض الواقع بتفرق كتير من اللى اتزرع فينا.
الفوضوية والهمجية ساعات بتبقى حرب البقاء للاقوى واللى محتاج.
والناس ديه برده لو وقفت طابور منتظم مش هتلاقى حاجة لما يجى الدور عليها>
قلنا على الشعوب الاوروبية والامريكية احسن ناس فى النظام.طيب ايه رايك دول همج ولا بيدوروا على توفير
YouTube - walmart stampede
يا ترى أسفرت المعركة عن شهداء ?
زي شهداء طابور العيش برضه
اولا يا استاذي الفاضل لو ركزت في كلامي هتلاقي اني بقول الهمجية دي بقت سمة للمواطن المصري سواء كان غني او فقير انا مبتكلمش ع الموقف ده ...اقف في طابور في اي مصلحة حكومية عشان تخلص اي حاجة الدنيا بتبقي عاملة ازاي ؟؟ بتلاقي كله بيزق في بعضه وخناقات وقلة ادب ..يعني في مترو الانفاق مثلا ابواب صعود وابواب نزول مين بيلتزم ؟؟ كله داخل في بعضه غاويين فوضي يعني ..دي ايه علاقتها بالفقر بقي ؟؟!! دي ليها علاقة بثقافتنا احنا ..ثقافة انك متسمعش الكلام الا لو فيه كرباج وراك غير كده منسمعش الكلام من نفسنا ..وبلاش بقي نقول اوروبا وامريكا عشان احنا عارفين كويس الحياة هناك عاملة ازاي بغض النظر عن الفيديو ده يعني ..
اقدر اقولك الحياة هناك مش فوق الوصف.لاننى عشت فى امريكا وانجلترا.وانا ركزت فى كلامك كويس لانه كان بعد تعليقى علطول(اللى ضم كلمة الغلابة).انا كنت بعلق على الموضوع ده واللى بيخص تدافع ناس على قوت يومهم مش فى طابور عادى او مصلحة او مترو...الخ.
انا فعلا معاك فى موضوع الهمجية اللى هى مش سمة عامة للمواطن المصرى انما الاغلبية وده فى كتير حتى فى السواقة وتعدية الشارع والجيرة و..و..و. وربنا يسترها علينا ونقدر نكفى نفسنا والاجيال اللى بعدينا وخصوصا مع قلة الانتاج وكترة الاستيراد .
==
سؤال
ليه اللى حاجز تذكره برقم كرسي ( تانيه مكيفه او اولى )
ليه بيمشي بالراحه وبكل ثقه وهدؤ وهو رايح يركب القطار
وليه
اللى قاطع تذكره درجه ثالثه
بيجرى زى المجنون علشان يلحق يحصل كرسي يقعد عليه
او يقعد عليه مراته ولا امه
حرام نظلم الغلابه مرتين
مره لانهم غلابه
ومره بانهم غلابه
وفى الاخر بقول لحضرتك احمد ربنا علشان انك مش همجى
انا عن نفسي الف حمد وشكر لله
الناس الى بتقول ان الهمجيه دى سببها الغلاء الفاحش و ارتفاع اسعار السلع الاساسيه غلطانه و السبب ان الهمجيه دى موجوده فى كل مكان فى مصر , و ابسط مثال هو المرور و ضيف عليه كل مكان يشهد تواجد عدد كبير من الناس , طبعا فى ناس متحضره كتير حتى لو كان الارز ده ببلاش مش هتتصرف بالموقف ده .
ثقافه ( إلحق قبل ما يخلص ) دى قاعده عند الشعب المصرى .
مثال تانى , شرم الشيخ فى فندق 5 نجوم مشهور جدا ( بدون ذكر اسماء ) فى شم النسيم الماضى , فى تانى يوم ليا الظهر لقيت فى ناس مصريين كتير وصلوا الفندق ( تقريبا اتوبيسين ) و قبلها كان تقريبا الفندق شحيح جدا من المصريين , فى المطعم فى الغدا لقيت برضه همجيه و تنافس وتسابق غريب فى احضار الاكل تحديدا من الناس دول , منظر غير حضارى بالمره .
امام المسرح حمام سباحه كبير جدا يتوسط الفندق و نفس الهمجيه و التطفل و الازعاج , طبعا بقيه الناس بدأت تشتكى من الجروب المصرى الجميل ده الى ازعج كل الناس الموجوده و تانى يوم كل ده اتغير خصوصا فى المطعم , واضح ان اداره الفندق خصصت ليهم وقت معين ياكلوا فيه .
الى عايز اقوله ان مش ضعف الحاله الماديه هى الى خلت الناس تتصرف كده , اكيد دى بقت ثقافه عند ناس كتير غير متحضره بالمره , المصريين ( و انا منهم ) مشهورين بالحاجات دى , فبلاش حد يقول ان الحكومه هيا الى وصلت الشعب للمرحله دى علشان المنظومه الحكوميه الكبيره من اول موظف بسيط فى الشهر العقارى لحد رئيس الحكومه نفسها مصريين برضه .
الخلاصه ( المنظومه كلها فاسده ) و الحل ( مفيش حل ) حتى لو تحسنت الحاله الاقتصاديه , الناس هيا هيا .
الفيديو كأنك بتتفرج على توزيع المعونات في دارفور او الصومال او هايتي
السلوك المنظم وثقافة الطابور او حتى الحفاظ على المظهر العام غير موجوده عند بعض الناس وكأنهم جوعى او مش بياكلوا . واللهي لو بيوزعوه ببلاش انا لن اشترك في منظر مؤسف زي ده
الناس مابقاش عندها ذوق ابدا
على فكرة كل العالم اللي واقفة دي مستمتعين بالكلام و بعضهم وشه عليه إبتسامة ..
هم كده و لله في خلقه شؤون
يخربيت التخلف اللي الناس فيه .. الواحد لازم يكون عنده كرامة وعزة نفس حتي لو ببلاش .. لا حول ولا قوة الا بالله .
ايه الفضايح دي هو فين الامن
مصر بتتخانق بينا
أنا عايز أقول أمر أنا مقتنع بيه و يا ريت متاخدوش الأمر على أنه تشبيه بس مثال توضيحي بسيط
ليه الحكومة بتعمل فينا كدة ؟
كل واحد فيكم يتخيل نفسه راعي مرة لمجموعة أغنام و مرة لمجموعة من البشر
مش في حالة الاغنام ممكن تعمل فيها أي حاجة و توديها اي مكان زي ما انت عايز لسبب أن الأغنام أضعف و غير منظمة و ميعرفوش حاجة اسمها سلوك و معندهاش مخ زي البني آدم تفكر بيه
أنما في حالة البشر من الصعب أنك تتحكم فيهم نفس تحكمك في الاغنام لأنهم واعيين على حقوقهم و كلهم عندهم شخصية سوية مستقلة و بيفكروا
نفس الموضوع عندنا بالضبط احنا اللي بنعمل كدة في نفسنا مش الحكومة بالتسيب و الفساد الخلقي و إنعدام السلوكيات عندنا و ميلنا الي العشوائية و عدم النظام
اما لو كان الشعب منظم و فيه السلوكيات المضبوطة أو كمثال زي الشعب الإنجليزي كدة مثلا الحكومة مكنتش تقدر تقول بم معانا علشان هيبقوا عارفين أنهم ماسكين بلد شعبها قوي
علشان كدة مينفعش كل واحد يقعد يتمسكن و يقعد يشتكي من الحكومة ومن البلد :mad2:
لازم يصلح من نفسه الاول "لا يغير الله ما بقوم حتى يغيروا ما بأنفسهم "
و احب أوضح اني مش بشبه الشعب المصري بالاغنام دة كان مجرد مثال للتوضيح علشان أكيد فيه حد هيعلق على النقطة دي
شفت قبل كده معركة زى دى بس كانت على البطاطس
و كانت مهزلة و الناس ضربوا بعض و الستات صوتوا
قمة فى التخلف و الهمجية من الادارة و من الناس
منظر عامل زى الاسود لما تتلم على فريسة أعوذ بالله
بس الغريب ان كان فيه ناس بسيطة جدا واقفة فى المعركة دى
ناس مش من اللى بيروحوا كارفور و لا حتى يعرفوا ينطقوا اسمه
تحس ان شكلهم عامل زى البياعين اللى بيسرحوا فى الشارع بالخضار
عرفوا منين ؟؟
الله اعلم
والله حاجة تقرف و تفور الدم
حسبى الله ونعم الوكيل
تيتتتتتتتت ! انتوا بتتكلموا جد ! ايه المهزلة ديه ! اييييييييييييييييه ده ! انا مش مصدق عيني !
اول حاجة بناقصها الرز الي يخليني اعمل كدة ! يغور الرز في داهية !
ثانية الناس دول فجاة كدة جو منين ؟! يعني كارفور كان بينش و فجأة بقا فيه الف بني ادم بيموتوا بعض علشان عرض رز !
و مهما كان عرض الرز ده لو وفر حتا 5 جنيه يا سيدي مهوا الناس ديه دافعة تاكسي قد كدة وعلشان تيجي كارفور و لا حتى مكروباص تمن الوفر ! و هل وصل النتانة للدرجة ديه !
بجد انا مصدوم اخر حاجة و مش عارف اقول ايه ! انتوا شوفوا الردود بتوع بلاد بره بيقولوا احنا دولة همجية !
ايييييييييييييييييييييييي ييييه اده !
انا بجد دمي محروق لغاية دلوقتي انا كدة بقيت مكسوف اني مصري قدام العالم كله ! انا ازاي اقول اني مصري و ارفع راسي يجي واحد يقلي بص المصرين همج ازاي ! والله لو الرز ببلاش مش هشارك في الخراب ده ! انا لغاية دلوقتي مش متخليل ايه المنظر ده !
الحمد لله على نعمة الستر
ياجماعة اعتقد والله اعلم ان ذى اى عرض ع زيوت او شيبسى او ايريال او او او
دول ------ تجار--------- واللى جايب مراتة اختة ولاد اختة يلحقوا يلموا عشان يروحوا يبيعوا برة فى محلاتهم
ان شفت المنظر دة لايف بس ع الزيت وكان كلهم تجار و الزيت خلص فى 60ثانية بقدرة قادر اكتر من 300 كرتونة اتبخروا فى دقيقة وكنت مذهول بس لما وقفت ورا واحد ع الكاشير من الناس اللى خطف عرفت و فهمت ان كلهم تجار و تبع ناس تانية بتبيع بالجملة والكلام دة ... وممكن كنت تلاقى ست بيت ع قد حالها جاية تلحق (ازازة) اتخطفت فى الرجلين
و بعدين باين اوى من لبسهم و طريقة الكلام ان دول مش من رواد كارفور المعتادين اللى بييجوا كل يوم
محدش يأخذنى فى الجملة = مش دول بتوع كارفور