الموضوع: لانسر كريستالة / نيسان صنى

المشاركة الأصلية كتبت بواسطة m.fouad

معاك ان الانسر اعادة بيعها احسن و قطع غيارها ارخص مع ان الفرق مع الصني بسيط جدا و قطع غيار الاستيراد في الصني ارخص عن تجربة
بس مش معاك ان صالونها احسن صالون الصني اشيك بكثير جدا و تكييفها احسن
موتور الصني انعم من الكريستالة و ثباتها احسن و عن تجربة العربيتين
الشكل دية اذواق بس كفاية ان الشكل دة بيتباع زيرو لحد النهاردة و نفس الصالون و ماسك سعر
الحاجة الوحيدة اللي تخلي اي حد يقلق من الصني هي اعادة البيع

طبعا مع احترامي ليك ياباشا
بس يعني فعلا انا مش شايف اي مقارنة وبمناسبة الشكل والموديل اسال اي حد بيفهم في اللانسر هيقولك ان ده احسن موديل نزل في اللانسر ده غير ان الشكل ده كان بينزل عليه اللانسر الايفو فرق العفشة والموتور فنتا بتكلم في شيب ايروديناميك جدا جدا ونتا ماشي 180 متحسيش باي حاجة والصني مش ستابل اصلا
الانسر 98 والهوندا 92 الموديلين دول معروف ان هما سابقين زمانهم وواخدين جوايز كتير جدا ومينفعش مع احترامي تقارن ثبات حد فيهم بصني
وفي الاول وفي الاخر لو مفيش حد زي حضرتك مكنتش الصني اتباعت ولو مكانش في حد زيي مكنتش اللانسر اتباعت فكل وجهة نظر ليها احترامها
انا بس عشان افيد صاحب الموضوع بلفت نظرو للاتي وده عن تجربة جدا
الانسر ثبات اعلى بكتير
شكل ازواق
شيب ايروديناميك اكتر بكتير جدا
قطع غيار ارخص
صيانة فوق الممتازة وتكييف تلاجة بس هيا والصني تكييفهم ممتاز محدش فيهم هيحررك يعني
قياده امتع بكتير لان العربية اصلا سبور وكراسي مريحة جدا
موتور كامل 4000 جنيه يديك 130 حصان ولو عايز تنزل مايفيك بعفشتو بسبعة ونص بيدي 172 حصان
وموتولرها 1300 ناعم جدا جدا وجميل
اعادة بيع افضل بكتير من الصني
وحضرتك قرر وربنا يوفقك

الحالات النضيفه من اللانسر قليله جدا وغاليه والصني الحالات النضيفه منها كتيره بس العربيه اساسا قليله

بس انا في رايي الصني احسن في كل حاجه مع احترامي للكريستاله

الصني احسن في الشكل برا وجوا والخامات واعتقد انها هتبقى جراييه اكتر

وانا ركبت الكريستاله كزا مره قبل كده في نظري العربيه دي مش ثباتها قوي يعني هي على قدها
وهي والصني مش هيبعدوا عن بعض كتير في الثبات