طاقية الأخفاء.....

**Soma_Sooma** · 31-08-2010 06:02 AM

السلام عليكم جميعا،،،

وانا قاعدة كدة كالعادة قعدت اسرح بخيالى كدة و فكرت لو كان فى حاجة فعلا اسمها طاقية الأخفاء و كانت معايا كنت اعمل بيها ايه ؟؟؟

يلا كدة كل واحد يسرح بخيالة كدة شوية ويقولنا هيعمل ايه لو كانت معاه الطاقية دى ؟؟؟
هفكر كدة انا كمان وارجعلكو احكيلكو انا فكرت اعمل بيها اية

**Mostafa.Mahran** · 31-08-2010 06:04 AM

والله لسه من كام يوم متخيل نفس الحوار ده

**mr_vampire** · 31-08-2010 06:09 AM

بصراحة ده الواحد كان عمل عمااااااااااااااااااااااا ااااااااااااااايل . طبعا لو كنا من الاشرار كانت الاحلام اختلفت والرصيد بقي بالملايين في زمن قياس ومكنتش هحطهم في بنك طبعا كنت هحطهم في (طاقية الاخفا) منا هظبطها بجيوب بقي وكدة. انما الحمد لله اننا من الطيبين فاول اول اول حاجة كنت هروح اعد مع صحابي ( وانا لابسها طبعا ) عشان اعرف بيقولو عليا ايه من ورايا . لو الكلام عجبني كفي الله المؤمنين شر القتال. لو معجبنيش بقي اعد ارزع كل واحد علي افاه لحد ماازهق. طب تسالوني ليه الفكرة ده بالذاااااااااااااااات اقولكو بصراحة بقي ( ومتقولوش عليا متشاءم ) بس فعلا دلوقتي مفيش صاحب يتصاحب والخيانة مبتجيش غير من القريب والصديق وزي ماقال العزبي ( فتح عينيك والخيانة مبتجيش غير فالضلام ) من فيلم فتح عنيك بطولة مصطفي شعبان وناس كتير كدة

**pro_samir** · 31-08-2010 06:19 AM

هلبسها وانا سايق علشان لما الرادار يصور علي 60 في طريق سريع يبقو ياخدو الغرامه من الكرسي

هعمل زياره لواحد حبيبي اشوفه قاعد بيعمل ايه وسايبنا غرقانين أو علي الأقل اعرف باعنا لمين و ممكن اعمله فيها عفريت وهو طبعا هيسمع كلام العفريت وينفذ كل اللي يقوله عليه

وبعدين معظمنا لابس الطاقيه فعلا في المنتدي وكله مستخبي

**Soma_Sooma** · 31-08-2010 06:38 AM

المشاركة الأصلية كتبت بواسطة mr_vampire

بصراحة ده الواحد كان عمل عمااااااااااااااااااااااا ااااااااااااااايل . طبعا لو كنا من الاشرار كانت الاحلام اختلفت والرصيد بقي بالملايين في زمن قياس ومكنتش هحطهم في بنك طبعا كنت هحطهم في (طاقية الاخفا) منا هظبطها بجيوب بقي وكدة. انما الحمد لله اننا من الطيبين فاول اول اول حاجة كنت هروح اعد مع صحابي ( وانا لابسها طبعا ) عشان اعرف بيقولو عليا ايه من ورايا . لو الكلام عجبني كفي الله المؤمنين شر القتال. لو معجبنيش بقي اعد ارزع كل واحد علي افاه لحد ماازهق. طب تسالوني ليه الفكرة ده بالذاااااااااااااااات اقولكو بصراحة بقي ( ومتقولوش عليا متشاءم ) بس فعلا دلوقتي مفيش صاحب يتصاحب والخيانة مبتجيش غير من القريب والصديق وزي ماقال العزبي ( فتح عينيك والخيانة مبتجيش غير فالضلام ) من فيلم فتح عنيك بطولة مصطفي شعبان وناس كتير كدة

لالا احنا فرمضان هنفكر فى الحجات الكويسة

ههههههههههههههه شكلك هتلزق ناس كتير على قفاها

**Soma_Sooma** · 31-08-2010 06:40 AM

المشاركة الأصلية كتبت بواسطة pro_samir

هلبسها وانا سايق علشان لما الرادار يصور علي 60 في طريق سريع يبقو ياخدو الغرامه من الكرسي

هعمل زياره لواحد حبيبي اشوفه قاعد بيعمل ايه وسايبنا غرقانين أو علي الأقل اعرف باعنا لمين و ممكن اعمله فيها عفريت وهو طبعا هيسمع كلام العفريت وينفذ كل اللي يقوله عليه

وبعدين معظمنا لابس الطاقيه فعلا في المنتدي وكله مستخبي

ههههههههههههههههههههه حلوة حكاية الرادار دى

**misoalex** · 31-08-2010 07:39 AM

ههههههههههههههههههههههههه ههههههه

صباح التفكير و الدماغ

انا بقى مش بفكر لو معايا اعمل ايه انا بفكر ازاااااااااااااى اجيبها هو ده السؤال والكلام المفيد

بس من وانا صغير من ساعه فيلم طاقيه الاخفا وانا بفكر فعلا ازاى ممكن تيجى ولو جبتها (مستحيل طبعا ) حعمل بيها ايه !!!!!؟؟؟؟؟؟؟؟؟

شكلك كنتى بتتفرجى على الفيلم ده

حد يعرف ازاى اجيبها ؟

ساعتها مصر كلها حتعرف عملت بيها ايه

ازيك يا بشمهندس محمد سمير

**Car's Sniper** · 31-08-2010 08:40 AM

هاعمل فيها سوبر مان واروح ارعب القائمين على الفساد فى البلد دى وهبدأ بظباط الشرطة الغير محترمين...اينعم مش هالحق اخلص عليهم بس ممكن الجيل اللى بعدى يلحق
ولما الجيل اللى بعدى يخلص...هنلاقى 99.9 من الشعب المصرى اترعب