عرض للطباعة
سلام عليكم
إيه اللي يحصل لو اتصورت رادار وبعدين خدت بالك و رجعت خدت طريق تاني و زوغت من اللجنه
هل بيسجلو غرامه علي العربيه مثلا ؟ ولا اللجنه بتفضل تدور علي العربيه في الأيام التاليه ؟
ولا بيكونو كاتبين نمر العربيه في ورقه وبعد ما يخلصو اللجنه يرموها والموضوع خلص علي كده ؟
خصوصا لو كنت راجع مارشدير من قدام الراجل اللي قاعد بالكاميرا بينك و بينه 3 متر لكن لم يظهر عليه أي رد فعل واكتفي بمجرد إلقاء نظره فقط
يا ريت لو حد عنده فكره يفيدنا
شكرا جزيلاً
اللي حصل بالظبط :
علي الطريق الزراعي في منطقه عاديه جدا لكن الرادار بيصور علي 60 !!!! بالرغم من ان مفيش بلد علي جانب الطريق ولا في أي حاجه تستدعي 60 دي
المهم
انا اصلا بعدي علي المنطقه دي بشكل شبه يومي وعارف الكاميرا بتكون فين بالظبط وهي بعد يافطه تحديد السرعه بشويه ، بعد ما عديت اليافطه ابتديت انزل بالسرعه من 90 تدريجيا لكن اتفاجئت ان الطريق علي مرمي البصر واقف تماما والعربيات عماله تتكدس 3 حارات .. قربت شويه واكتشفت انهم واقفين في اللجنه
استنتجت طبعا ان الكاميرا كانت بعد اليافطه بمسافه صغيره وناس كتير متصوره مع ان 95% من العربيات بتهدي في المنطقه دي لمجرد وجود رادار فقط ومعظم الناس عارفين زي حالاتي كده
مكنتش متأكد هل انا اتصورت ولا لأ ولكن مكانش معايا غير 120 جنيه ومش طالبه في رمضان خاااالص سحب رخصه سواقه ومشاوير مرور ونيابه وطوابير وموظفين .. خصوصا انها عمرها ما اتسحبت مني قبل كده الحمد لله
قبل اليافطه بشويه في يوتيرن ، خدت اقصي اليمين علي التراب ورجعت مارشدير وعديت من قدام الكاميرا بصلي وكمل كتابه عادي كان قاعد عمال يكتب يكتب يكتب منهمك جدا يظهر استكفي تصوير والحقيقه مجرد بصلي عادي وكمل كتابه
خدت يوتيرن و رجعت مشيت من طريق تاني موازي وخلاص علي كده
أعتقد ان المخالفة بتتسجل ولما بتروح تجدد بتلاقيها نزلت ع الكمبيوتر
انا الى اعرفه انك لو معدتش على الكمين يبقى خلاص
ازيك يا بشمهندس اخبارك ايه
لو الردار ثابت ومرور وبتاع اعتقد ان المخالفه بتتسجل ولو دفعتها تقريبا اكتر من 100 لو مدفعتهاش وقتى بتتسجل فى مخالفاتك 300 جنيه
زى الرادار الى بقى عندنا على البحر تتصور وانت ماشى زى الباشا من غير متحس وتروح تجدد تلاقى عليك بلاوى
اما فى رادارات بيبقى من النوع ابو ورقه الى انت بتقول عليه وده عاااااادى متحطهوش فى دماغك لو زوغت منه لانه مجرد ميخلص خلاص مفيش حاجه
حاول تسأل اى حد يعرف نوع الرادار الى انت عديت عليه بيسجل المخالفات ولالا
انا بقى حصلى نفس الموقف بس مش كده اوى والموضوع هنا فى المنتدى اسمه (يوم المخالفات العالمى رادار - عكس اتجاه )
كنت ماشى تقريبا 110 ولاقيت واحد ب128 شاورلى واقف على الطريق وبصراحه الطريق ده لو اتقتل فيه قتيل محدش بيسأل فيه (الدولى الساحلى )
المهم طنشته وكملت و على مرمى البصر شفت لجنه والسكه واقفه وعربيات راكنه على اليمين قبل اللجنه زى بتاع ال128 الى شاورلى
طبعا وقفت ورجعت تانى لبتاع ال 128 وقاللى اقف زينا عادى وحتخلص اللجنه بعد نص ساعه
وبعد ربع ساعه لاقيت عربيه المرور والظابط و 2 عساكر نازلين وبيقوللولنا الرخص وبص فى الرخص وسابنى امشى لان بتاع ال 128 مكانش معاه رخصه
بس اللجنه دى تقريبا من بتوع الورقه
تمام ده الى حصل معايا لاقتها منوره فى صحيفه المخالفات ممكن تتأكد من الموضوع ده بعد فتره تكشف عليها فى موقع مخالفات المرور وربنا يكفينا شر الاشرار ولاد ال......اقتباس:
المشاركة الأصلية كتبت بواسطة karimzein4444
يا خميس هو الرادار الى على البحر بيصور على سرعة كام؟
لا يا مصطفى مش كل الرادارات مكانش حد غلباقتباس:
المشاركة الأصلية كتبت بواسطة Eng.M Mahran
كانت كل الناس ركنت قبل الكمين عشان عارفه انها اتصورت :fun_36_3_4[1]:
شكرا لاهتمامكم يا شباب
للأسف انا مش عارف هم وضعهم إيه
هم بيقفو في المنطقه دي بس مش مكان ثابت يعني في مسافه 3:5 كم كل مره بيقعدو في مكان مختلف و الكمين برضو مفيش نقطه جنبه ولا حاجه هم بيحطو اقماع ويقفو عادي
مع العلم ان الموضوع ده مش يومي يعني كل كام يوم كده علي ما يقفو مره ، اخويا اتصور في نفس الكمين ده قبل كده وبيقولي انه بنظام الورقه ولما بيخلصو بتترمي وخلاص بس انا مش متأكد طبعا
هم فعلا كمين مش لجنه وعاملين فخ للناس ، يا ريت في سبب يخليهم يصورو 60 كنت قلت الناس هي اللي تستاهل لكن ماهي سبوبه وشغاله
ربنا يكفينا قرفهم
برضو 60اقتباس:
المشاركة الأصلية كتبت بواسطة eng.m mahran
60 للاسف وقاعدين عند الحته بتاعه سبورتينج تقريبااقتباس:
المشاركة الأصلية كتبت بواسطة eng.m mahran
كان فيه موضوع تحذير عنه فى قسم الطرق
والاغلبيه الصبح من الساعه 7
اقتباس:
المشاركة الأصلية كتبت بواسطة pro_samir
لا يبقى متقلقش مدام على شرحك كده يبقى من ابو ورقه وارمى الحمد لله
طب هو فى حد على البحر بيمشى 60؟؟؟؟؟؟؟؟؟؟؟؟؟؟
على فكره ياجماعه انا حصل قدامى ان واحد بعربيه فيرنا بعد ماتصور و كان خلاص داخل على اللجنه راح شد فرامل اليد و لف بالعربيه و ده على مرئى من الكمين و طلع وره امين شرطه بالموتسكيل و جابه بعد مطرده اكشن
اقتباس:
المشاركة الأصلية كتبت بواسطة levelpower
لا ده فيلم اكشن وكده ده لبس قضيه الهروب من كمين غير عكس اتجاه ورادار والله اعلم ايه تانى
الشطاره ان محدش يشوفك او ياخد باله
انا لما الظابط جالى وقاللى انت واقف هنا ليه قولتله العربيه سخنت و واقف شويه اتكلم مع الناس
لكن تبقى قبل اللجنه بأمتار وتلف وترجع او تدخل الشارع الى قبلهم وهما شايفينك انت كده بتجيب لنفسك مصيبه انت مش قدها ادخل الكمين وادفع ال 100 جنيه بكرامتك :36_1_40[1]:
اللي اعرفه ان الردار بيسجل المخالفه وبيتم تفريغها في المرور
حصلت مع والدي قبل كده كان متجاوز سرعه بحاجات بسيطه
المهم مدخلش الكمين ولا حاجه كان في داخله قبله
راح رخص بعدها بسنتين لقي المخالفه نازله بعدها بسنتين
اقتباس:
المشاركة الأصلية كتبت بواسطة misoalex
قصدك 150
حسب سرعتك وتجاوزت السرعه المحدده بكام كيلواقتباس:
المشاركة الأصلية كتبت بواسطة pro_samir
الى ماشى 100 مش زى الى ماشى 180 كله بحسابه هى الناس دى بتفوت حاجه كده :H_angry[1]: