يا ترى يا جماعة مين افضل بلاي ستيشن 2 ولا 3 لان في ناس بتقول 3 الجرافييك اعلى بس بطيئة شوية و2 جرافيك اقل بس اسرع والاسطوانات ل 2 ارخص بس بيقولوا المتعة في اللعب ب 3 ؟؟؟؟ فايه رايكم
وبعدين اجيبهم منين وانهي انسب مكان وارخص
فياريت حد يفدني يا جماعة
عرض للطباعة
يا ترى يا جماعة مين افضل بلاي ستيشن 2 ولا 3 لان في ناس بتقول 3 الجرافييك اعلى بس بطيئة شوية و2 جرافيك اقل بس اسرع والاسطوانات ل 2 ارخص بس بيقولوا المتعة في اللعب ب 3 ؟؟؟؟ فايه رايكم
وبعدين اجيبهم منين وانهي انسب مكان وارخص
فياريت حد يفدني يا جماعة
ايه ده ايه ده
يا راجل حد يسمع كلام الناس في الحاجات دي؟ جرافيكس بطيئه؟ يا سيدي الفاضل ال 3 فيه 8 بروسيسور
يعني احلى جرافكس واحلى لعب، والشباب على فيسبوك بيبدلوا اللعب مع بعض... انا بقالي اكتر من سنه مشترتش لعبه زيرو
أنا عندي الاتنين ( أنا بجيب games من وانا في تانية حضانة )
PlayStation 2 لو ناوي تلعب كورة مع صحابك وبس غير كده كل حاجة فيه ابطأ وأسوأ من الPlaystation 3 . بس el-games بتاعته بـ10 جنيه من العتبة أو ممكن تنسخها بنفسك ( مع إن الموضوع ده مش صح ويعتبر نوع من السرقة أنا بس بنبه حضرتك )
PlayStation 3 عليه كورة بس الفرق graphics احلي وأسرع بس غير كده نفس اللعبة. بس ميزته بقى games كتير عليه حلوة action وكده وفيه قمنا ميزة إنك لو ليك في اللعب online أنا بقالي 3 أيام بلعب online لعبة اسمها Battlefield Bad Company 2 ( ديه Shooter ) فـهو عليه games الجرافيكس بتاعتها احلي والgames نفسها أحلى بس عيبها إنها بـ420 جنيه, ممكن تبادل زي ماالعضو الفاضل قال لحضرتك وديه مفيهاش سرقة ولا حاجة بس غالية.
ولو حضرتك عندك استفسار قولي.
ال٣ طبعا :)
ال٢ متتفوقش في اييييي حاجة غير اسعار الCDs
انا لو مكانك أجيب xbox 360
1. شكله اصيع والدراع اريح من البلايستيشن
2. الدراع اللي بييجي معاه فيبريشن
3. الدراع بيعوز حجارة مش شحن
4. ليه لعب مضروبة
5. اللعب اونلاين مش ببلاش وليه اشتراكات عند مايكروسوفت
6. مفيهوش bluray drive
7. مفيهوش wifi
8. 3 بروسيسور بس مش 8
والقرار لصاحب المال طبعا في الاخر بس الاكس بوكس كل ميزته بالنسبالي موضوع انه اضرب واللعب عند العجيل ف جامعة الدول ب 75 جنيه
3 طبعا بدون تفكير عيش المتعة
اكس بوكس طبعااااااااااااا
متشكر ليكو كلكم بس انا ناوي اجيبه بالفيزا واقسطه بصراحة
وبعدين انا معظم لعبي كورة ونيد فور سبييد ( عربيات) نادر قوي لما العب استراتيجي .....
وبعدين بالنسبة ل 3 هل دراع واحد اللي بينزل معاه ولا اتنين وبعدين اجيبه منين من العجيل ولا بي تك ولا راديو شاك ولا مركز سوني ؟؟؟؟
بس برده نقطة انه السديهات اوفر في السعر والواحد بيسمع 400 و500 جنيه للعبة وكمان الدراع اللي بيكون برده ب 300 وزيادة مش عارف ؟؟؟؟؟ انا حيران جدا جدا ؟؟؟؟؟
على فكرة اخو المدام جايب الوي( wii ) ولعبت معاه بس مش ممتع قوي فهل بلاي ستيشن 3 قريب من الويي كده
معلش زاعجكم باسالتي بس ماليش غيركم يا رجالة
لأ البلايستتين 3 عبارة عن تطوير ل2 في الجرافيكس والسرعة. لو كل اللي هتلعبه كورة و need for speed هات 2 وريح دماغك. أو Xbox 360 وهاتله لعب مضروبة. الPlaystation 3 اللي يجيبه لازم يكون ليه في el-games الAction والحاجات ديه والOnline عشان يقدره ويبقي مبرر فرق السعر.
طيب بعد اذن صاحب الموضوع ممكن حد يقولنا ps 2 الي فيه هارد نجيبه منين و بكام ؟
علي فكرة
ال xbox 360 ميفرقش اي حاجة فالجرافيكس عن ال ps3 وهوا دا المهم
و سعره معقول جدا
السلام عليكم
انا عندي جهاز بلاي ستيشن 3 كنت جايبه من حوالي 6 شهور طبعا اخر سعر سمعته ليه ل الslim
هارد250 بحوالي 2550 بس طبعا الجايمز الاصلي ممكن تقعد تلعب بيها كتيييييييييييييييييييييير جدا من غير ملل
بس عيب البلاي ستيشن 3 عايز تلفزيون ال سي دي و غير ان العابه غالية
بس طبعا ميزة الاونلاين دي لايستهان بيها انتا ممكن تقعد ساعتين بتلعب وانتا مش حاسس
أنا شايف إن 3 أحسن حاجه نزلت بوجه عام من المبيعات بتاعته هنا في أمريكا ، لو هتشتري 3 هاته الشكل الجديد ال-slim لأن فيه software أحدث من الشكل القديم. بينزل معاه دراع واحده. وكفاية ميزه عرض ال-blu ray اللي مش موجده في أي جهاز تاني ، حتي ولو اسطوانتها لسه غالية ،لكن متوقع انها تنزل كمان سنه ولا اتنين لما إسطوانات ال-DVD تنقرض .
أنا عايز حد يكون عنده modern warfare 2 علشان يلعب معايا اونلاين ...في حد هنا يا شباب عنده ال-game التحفه داه ؟..داه أعلي game في المبيعات ل-3 ،إتباع منه 2 مليون نسخه
3 طبعا مفيش مقارنة
بص اسمع منى يا عم انا و الله جايب ال 3 من سنة
وبقالة مركون حوالى 8 شهور مش بلعب
كان جاى معاة لعبتين تعبنين بدلتهم بلعبة جامدة اسمها Burn out paradise w gebt winning eleven 2008
و زهقت منهم و دراع باظ عشان ارجع العب زوجى لازم ادفع 400 جنية دراع تانى و عشان اجيب لعبة ولا 2 عايز 800 جنية يعنى 1200 جنية حطيط عليهم 300 و جبت طقم جنط 16 يابنى مستعمل للعربية
اما مش عارف حد ابدل معاة و بندم انى مجبتش ال 2 كنت املاة لعب ب 60 جنية والدراع ب 50
ال 3 دة لعنة D:D:D:D
لو حد عاوز لعبة عربيات جامدة يبدل معايا بس يجبلى لعبة جامدة لان برن اوت جامدة جدا
بورسعيد او اسكندرية او القاهرة
طب حد من المشرفين يعملنا موضوع مثتت وكل واحد يكتب عنده لعب ايه
وكمان نعمل add لبعض على الplaystation network
اشكركم جميعا
انا سالت في بي تك وسوني عن لاقيته ب 2888 جنيه وعليه عرض دراع ولعبة
وعندهم 2 من غير هارد ب 777 جنيه
وكنت من كام يوم في كمبيو مي السراج مول لاقيت 2 العادي بحوالي 860 جنيه واللي بهارد و2 برده ب 1300 جنيه
نصيحة فكك من الاتنين و هاتلك x box 360 هتاخد مميزات الاتنين
جرافيك ال 3 و سيدهات الالعاب ال copy زي ال ps 2
محدش عايز يشتري بلاي ستيشن 3 ب 1200؟؟
http://www.nilemotors.net/Nile/17345...gb-1450-a.html
هي يا فندم. واسأل اللي بتشتري من عنده هو متعدل ولا لأ. وبرده بص علي محل اسمه Game Vally بيكون عنده واعتقد بيقبل visa .أو ممكن تسحب الفلوس من مكنة ATM الموضوع ده اسمه Cash Advance بس البنك بيسحب عليه 42 جنيه. وممكن لو مش همك قوي اللعب اللي بتنزل على الPlayStation 3 بس وعايز جرافيكس حلوة تشوف الXbox 360 في العجيل.