بلاي ستيشن 2 ولا 3 ؟؟؟؟ برجاء الرد

**M.ABDEEN** · 31-08-2010 12:28 PM

يا ترى يا جماعة مين افضل بلاي ستيشن 2 ولا 3 لان في ناس بتقول 3 الجرافييك اعلى بس بطيئة شوية و2 جرافيك اقل بس اسرع والاسطوانات ل 2 ارخص بس بيقولوا المتعة في اللعب ب 3 ؟؟؟؟ فايه رايكم
وبعدين اجيبهم منين وانهي انسب مكان وارخص
فياريت حد يفدني يا جماعة

**kamalsalem** · 31-08-2010 12:42 PM

ايه ده ايه ده

يا راجل حد يسمع كلام الناس في الحاجات دي؟ جرافيكس بطيئه؟ يا سيدي الفاضل ال 3 فيه 8 بروسيسور

يعني احلى جرافكس واحلى لعب، والشباب على فيسبوك بيبدلوا اللعب مع بعض... انا بقالي اكتر من سنه مشترتش لعبه زيرو

**John_Samy_1** · 31-08-2010 12:55 PM

أنا عندي الاتنين ( أنا بجيب games من وانا في تانية حضانة )
PlayStation 2 لو ناوي تلعب كورة مع صحابك وبس غير كده كل حاجة فيه ابطأ وأسوأ من الPlaystation 3 . بس el-games بتاعته بـ10 جنيه من العتبة أو ممكن تنسخها بنفسك ( مع إن الموضوع ده مش صح ويعتبر نوع من السرقة أنا بس بنبه حضرتك )

PlayStation 3 عليه كورة بس الفرق graphics احلي وأسرع بس غير كده نفس اللعبة. بس ميزته بقى games كتير عليه حلوة action وكده وفيه قمنا ميزة إنك لو ليك في اللعب online أنا بقالي 3 أيام بلعب online لعبة اسمها Battlefield Bad Company 2 ( ديه Shooter ) فـهو عليه games الجرافيكس بتاعتها احلي والgames نفسها أحلى بس عيبها إنها بـ420 جنيه, ممكن تبادل زي ماالعضو الفاضل قال لحضرتك وديه مفيهاش سرقة ولا حاجة بس غالية.
ولو حضرتك عندك استفسار قولي.

**Kareem_A** · 31-08-2010 01:07 PM

ال٣ طبعا :)

ال٢ متتفوقش في اييييي حاجة غير اسعار الCDs

**karioky** · 31-08-2010 01:16 PM

انا لو مكانك أجيب xbox 360

**kamalsalem** · 31-08-2010 01:23 PM

المشاركة الأصلية كتبت بواسطة karioky

انا لو مكانك أجيب xbox 360

1. شكله اصيع والدراع اريح من البلايستيشن
2. الدراع اللي بييجي معاه فيبريشن
3. الدراع بيعوز حجارة مش شحن
4. ليه لعب مضروبة
5. اللعب اونلاين مش ببلاش وليه اشتراكات عند مايكروسوفت
6. مفيهوش bluray drive
7. مفيهوش wifi
8. 3 بروسيسور بس مش 8

والقرار لصاحب المال طبعا في الاخر بس الاكس بوكس كل ميزته بالنسبالي موضوع انه اضرب واللعب عند العجيل ف جامعة الدول ب 75 جنيه

**mohamedrabia** · 31-08-2010 01:40 PM

3 طبعا بدون تفكير عيش المتعة

**M.almaghraby** · 31-08-2010 01:54 PM

اكس بوكس طبعااااااااااااا

**M.ABDEEN** · 31-08-2010 01:54 PM

متشكر ليكو كلكم بس انا ناوي اجيبه بالفيزا واقسطه بصراحة
وبعدين انا معظم لعبي كورة ونيد فور سبييد ( عربيات) نادر قوي لما العب استراتيجي .....
وبعدين بالنسبة ل 3 هل دراع واحد اللي بينزل معاه ولا اتنين وبعدين اجيبه منين من العجيل ولا بي تك ولا راديو شاك ولا مركز سوني ؟؟؟؟
بس برده نقطة انه السديهات اوفر في السعر والواحد بيسمع 400 و500 جنيه للعبة وكمان الدراع اللي بيكون برده ب 300 وزيادة مش عارف ؟؟؟؟؟ انا حيران جدا جدا ؟؟؟؟؟

**M.ABDEEN** · 31-08-2010 01:56 PM

على فكرة اخو المدام جايب الوي( wii ) ولعبت معاه بس مش ممتع قوي فهل بلاي ستيشن 3 قريب من الويي كده
معلش زاعجكم باسالتي بس ماليش غيركم يا رجالة

الموضوع: بلاي ستيشن 2 ولا 3 ؟؟؟؟ برجاء الرد

LinkBack

أدوات الموضوع

عرض

-

-

-

-

-

-

المواضيع المتشابهه

مطلوب بلاي ستيشن 2

استشاره في بلاي ستيشن

بلاي ستيشن 3 للبيع ps3

بلاي ستيشن 3 للبيع

لخبراء البلاي ستيشن، وخصوصا بلاي ستيشن 3

الكلمات الدلالية لهذا الموضوع

المفضلات

المفضلات

ضوابط المشاركة