مشكله في عوامة تنك البنزين للفلوانس

**Elsarrawy** · 01-09-2010 09:39 AM

المشاركة الأصلية كتبت بواسطة mohamed1979

الله ينور عليك يا باشا
فعلا العلم نور

يا باشا العفو والف شكر
وفرصة سعيدة جداً وكل سنة وحضرتك طيب

**Elsarrawy** · 01-09-2010 09:41 AM

المشاركة الأصلية كتبت بواسطة akmal_hamdi

العيب ده بيظهر لما تمونى العربيه بنزين وهى دايره من غير توقف و حلها بسيط جدا اما بعمل ريست للعوامه من ال renault clip اما يشيلوا العوامه و يركبوها تانى بدون تغير واغلب ملاك الميجان و انا منهم حصلتله الحركه دى اول ما جبت العربيه

تمام كده بالضبط
ألف شكر لحضرتك على تكملة المعلومة لتصبح معلومة كاملة

**littel_pooh** · 01-09-2010 11:10 AM

انا مش فاكره اني مونت ابدا و هيا دايره !!! و و الكلام عدى عليه 3 ايام و مرجعش و لا لازم استنى لما يفضى التنك و امون تاني ؟

**littel_pooh** · 01-09-2010 11:11 AM

هوا ايه ال renault clip ؟

**Ahmed Selim** · 01-09-2010 12:00 PM

المشاركة الأصلية كتبت بواسطة kamatsho

معلومه
: معايا فى الفيرنا بفوول والعربيه دايره عادى والحمد لله العداد عمره ما خرف فى مؤشر البنزين
لو الحل انها تفوول والعربيه مبطله يبقى اكيد ده عيب فى العربيه

نصيحه
: تاخدى واحد قريبك معاكى التوكيل وتخلى قريبك يعملهم باللو ويزعقلهم ويقولهم المشكله دى تانى مره تحصل معايا ازاى ده يحصل وميكلمهمش بالزووق عشان يهتموا ويظبطوا الادأء

نصيحة.....متقارنش الفيرنا بالفليونس لأن دى تكنولوجى و دى تكنولوجى تانية خالص ( مش بتكلم فى مين أحسن و مين أوحش ).

نصيحة تانية لما حد يصمم العربية علشان تشتغل وفقاً لمعايير معينة و يجى حد ميعملش المعايير دى يبقى ميزعلش ( العربية مصممة علشان تشتغل زى الفل و تقرأ البنزين على أساس أنك بتطبطل العربية لما تيجة تمون.....كأشتراطات أمن و سلامة و مطبقة فى العديد من دول العالم )
تيجى أنت تعمل حاجة عكس اللى العربية مصممة عليه يبقى متزعلش.

نصيحة تالتة و أخيرة.....توكيل رينو مش من النوع اللى تروح و تعملهم باللوا علشان تاخد حقك.

و أعتقد أن صاحبة الموضوع أقرت أنهم غيروا العوامة و الطرمبة ( قطعة واحدة ) فى العربية قبل كده و مذكرتش أن حصل مشاكل فى موضوع التغيير.

**Ahmed Selim** · 01-09-2010 12:02 PM

المشاركة الأصلية كتبت بواسطة littel_pooh

هوا ايه ال renault clip ؟

رينو كليب ده بيبقى برنامج التعرف على الأعطال فى رينو....و بيبقى نازل على لابتوب الناس اللى بيعملوا الصيانة.......بيوصل كابل فى العربية و عن طريق الكابل البرنامج بيعرض جميع ال errors المسجلة للعربية لو فيه.

**kamatsho** · 01-09-2010 05:24 PM

المشاركة الأصلية كتبت بواسطة ahmed a.maksoud

نصيحة.....متقارنش الفيرنا بالفليونس لأن دى تكنولوجى و دى تكنولوجى تانية خالص ( مش بتكلم فى مين أحسن و مين أوحش ).

نصيحة تانية لما حد يصمم العربية علشان تشتغل وفقاً لمعايير معينة و يجى حد ميعملش المعايير دى يبقى ميزعلش ( العربية مصممة علشان تشتغل زى الفل و تقرأ البنزين على أساس أنك بتطبطل العربية لما تيجة تمون.....كأشتراطات أمن و سلامة و مطبقة فى العديد من دول العالم )
تيجى أنت تعمل حاجة عكس اللى العربية مصممة عليه يبقى متزعلش.

نصيحة تالتة و أخيرة.....توكيل رينو مش من النوع اللى تروح و تعملهم باللوا علشان تاخد حقك.

و أعتقد أن صاحبة الموضوع أقرت أنهم غيروا العوامة و الطرمبة ( قطعة واحدة ) فى العربية قبل كده و مذكرتش أن حصل مشاكل فى موضوع التغيير.

شكرا يا باشا عـ التوضيح

كويس ان التوكيل بتاع رينو محترم مش زى عندنا توكيل ابـن ....... اللهم انى صائم

توكيل عايز الحرق